Peshon 450 kg: Më bëri kështu dashuria

50-vjeçari, të cilit i nevojiten dy ndihmëse për t’u larë tre herë në javë, pasi nuk mund të arrijë çdo pjesë të trupit, pranoi të intervistohej nga e përditshmja rozë “The Sun”.

Mjekët i kanë bërë të qartë se duhet të operohet menjëherë, pasi funskionet e trupit të tij janë reduktuar nga pesha dhe është shumë i rrezikuar ndaj rrezikut të infarkteve.

”Deri në të 20-tat isha një njeri krejtësisht i zakonshëm. Madje i vogël kam qenë i dobët dhe shumë aktiv. Në moshën 21-vjeçare njoha një femër, e cila e ndryshoi jetën time krejtësisht”, kujton Mason.

”Ajo ishte ndryshe nga të gjitha, në fakt ishte 39 vjeç, shumë më e madhe se unë. Filluam të jetonim bashkë, deri sa unë shkova 26 vjeç dhe zbulova se ajo kishte një histori me një njeri tjetër.
“Pak kohë më pas nëna u sëmur dhe mbeti në karrige me rrota. Nuk munda ta përballojë stresin dhe nisa të haja si i çmendur. Në fillim mendoja se do të ishte diçka e përkohshme, por kam 25 vjet që ha normalisht 6-7 mijë kalori në ditë, por kam arritur edhe 20 mijë ndonjëherë”.

Një mashkull i rritur me trup mesatar duhet të konsumojë për të mbajtur peshën e tij rreth 2 200 kalori në ditë. “Edhe sot, ushqimi është e vetmja gjë që më jep konfort”, thotë Mason.

50-vjeçari nuk mundi të pagunte kredinë për shtëpinë e blerë, për shkak të konsumit të jashtëzakonshëm të ushqimit. Në vitin 2000, ai u përfshi në një program kujdesi social. Paul Mason I kushton çdo vit një milion stërlina taksapaguesve britanikë, kryesisht për të kënaqur oreksin e tij të pangopur. /t.ch/