Nik Xhelilaj, ndër 10 aktorët më të mirë në Evropë

nga **Tironcja_omel** Thu Dec 16, 2010 9:39 pm

Qendra Kombëtare e Kinematografisë njofton se juria e “Shooting Stars“ – European Film Promotion“, ka shpallur si një nga 10 talentet e reja të Evropës, aktorin shqiptar Nik Xhelilaj.

Prej majit të vitit 2010 edhe Shqipëria përfaqësuar nga Qendra Kombëtare e Kinematografisë, është anëtare e European Film Promotion (EFP) i cili është rrjeti i vetëm ndërkombëtar që organizon promocion dhe marketim të Kinematografisë Evropiane në mbarë botën.

Shqipëria mori pjesë këtë vit për herë të parë, në programin që ofron EFP të quajtur “Shooting Stars“, i cili që prej vitit 1998 bën prezantimin e aktorëve të rinj dhe të talentuar evropianë, ben te ditur NOA.

Juria e përzgjedhur nga EFP (aktorja gjermane Heike Makatsch, regjisori danez Ole Christian Madsen, producenti francez Cédomir Kolar, casting director Lina Todd nga USA dhe autori dhe kritiku britanik i filmit Derek Elley) midis shumë kandidatëve nga e gjithë Evropa, zgjodhi 10 aktoret/aktorët më të mirë, për t’i promovuar si talentet e vitit 2011 në Kinematografinë Evropiane, ndër të cilët bën pjesë edhe aktori shqiptar Nik Xhelilaj, i përfaqësuar më filmin “Shqiptari”. /