Alma Papamihali

nga Eri dr Wed Dec 08, 2010 7:19 pm

THINJAT

Dje pash thinjën e parë,
tek krihesha sot
pash edhe një tjetër,
...kur isha fëmijë
mendoja, thinjat qenë
për njerëzit e vjetër.

Nesër do jenë bërë tre,
pas ca muajsh
në dhjetra shumuar,
që flokë të bardha
do kisha një ditë,
vërtetë kisha harruar.

Dikur fëmijë mendoja,
thinjat qenë vetëm
për ata në moshë të thyer,
por sot i dua thinjat,
mendimi i çdo dite
m´i ka ushqyer!

Alma Papamihali 155643_170615282971231_116955515003875_398221_1398370_n

nga Mona Wed Dec 08, 2010 7:23 pm

Interesante kjo për thinjat, përsonalisht nuk i dua thinjat në asnjë moshë

nga Eri dr Wed Dec 08, 2010 7:24 pm

DASHURIA IME

Ti je magjia ime, mrekullia vetë;
je çaji që më ngroh me avull-duart e tua
sa herë kam nevojë, sa herë mund të dua;
je vargu i fundit stinës që pres me deshirë
pa pasur rëndesi se cila, sepse çdo stinë
merr aromën e fjalëve, jargavan erëmirë,
je qetësia që lus vetmisë sime,
unaza që dua gjithë jetën të mbaj,
shtrati shndërruar në kuti të vogël,
por që nxë fjalët e dashurisë
nga fjalorët e gjithë botës,
gjuha që mundemi ta flasim veç bashkë,
loti që mban mallin e paprovua,
ëndrra që shihet pa të zënë gjumë,
llamba që ndriçon me fjalë e flakë,
zjarri që nuk djeg por shkruan,
fryma që vesh një përrallë kur merr jetë,
deti që freskon edhe kur s´lag,
kripa që i provoj shijen e vërtetë...

Je gishti që drejtohet vetëm tek ti,
Emri që ta kam ngjitur unë,
Unë që s´rri dot pa veten,
O imja dashuri,
Je vetja që aq shumë duhet,
edhe nëse s´thuhet!

© Alma Papamihali

nga Eri dr Wed Dec 08, 2010 7:25 pm

ZJARRI I DASHURISE

Sonte do t´i lemë zjarret ndezur
dhe çdo i braktisur
të përfshihet nga flakët,
pse duhet t´ja falim frymën zbrazëtirës,
kur shpesh vetë netët
vuajnë nga ndriçimi i pakët.
Le t´ ja vemë flakën vjeshtës
dhe gjethet që gjithçka kanë mbuluar
do zhvishen nga vapa një e nga një,
mos u tremb nga lakuriqësia e kuqtë,
zjarri nuk djeg gjithmonë
thjesht, vesh dashurinë me zë!

© Alma Papamihali

nga Eri dr Wed Dec 08, 2010 7:27 pm

BUZEQESH

Në jetë do njohësh dhe miq
që hiqen të tillë,
e të dytët përgjigjen
pasi kanë dëgjuar të tjerë,
do takosh dhe ide nga të tuat
nëpër kokat e botës,
por ti mos u vrenjt, se dielli
të ngroh me tjetër vlerë!

© Alma Papamihali

nga Eri dr Sun Jan 16, 2011 9:03 pm

HËNA KURIOZE

Hapi derën ngadalë
dhe vështroi si flije,
kërkoi të
puthë
frymën e ngrohtë,
por s´mundi
dhe pse pa zhurmë
u shfaq si
hije,
urreu ditën që zbardhi
dhe e nxori nga dhoma
pa dëshirë,
u
zhduk e gjora hënë
duke rendur,
ndjekur nga dita,
që sapo kish´
gdhirë.