Permbytjet, bllokohet autostrada Tirane-Durres

nga Eri dr Sat Dec 04, 2010 10:37 pm

Shtabi i Emergjencave i Prefekturës së Qarkut Tiranë njoftoi pak më parë se autostada Tiranë - Durrës është e rihapur për kalimin e të gjitha llojeve të automjeteve dhe kërkon nga drejtuesit e mjeteve, kufizimin e shpejtësisë në këtë aks rrugor veçanërisht në segmentin rrugor Vorë - Maminas, ku shpejtësia e mjeteve nuk duhet të kalojë më shumë se 60 km në orë.
Drejtoria e Policisë e Qarkut në një njoftim për shtyp bëri të ditur se te gjitha akset apo segmentet e qytetit të Tiranës janë të kalueshme
SHKON DREJT NORMALIZIMIT SITUATA NE AUTOSTRADE
ORA 17:47- “Gjendja në autostradë po shkon drejt normalizimit, trafiku po fillon të lëvizë ka dhe 2 orë punë për normalizim të plotë. Nuk ka problem për qarkullimin e mjeteve në akset e tjera” ben te ditur Ministria e Transporteve.
BLLOKOHET AKSI TIRANË-MARIKAJ, NË VORË REZIKOHEN TË SHEMBEN SHTËPI
ORA 13:50-Vazhdon i bllokuar prej disa orësh aksi Tiranë-Marikaj në autostradën Tiranë-Durrës duke sjelle nje bllokim gati total te autostrades. Situata kritike nga reshjet me intensitet që prej ditësh kanë përfshirë gjtihë vendin kanë sjellë përmbytje në disa pjesë të autostradës, gjë që ka shkaktuar një konfuzion në qarkullimin e automjeteve.
Kalimi në autostradë po bëhet me vështirësi të mëdha, polciia sugjeron banoret te perdorin rrugen dytesore qe lidh Tiranen me Durresin. Fadroma dhe mjetë të renda kanë mbërritur në aksin Tiranë-Marikaj dhe po përpiqen të zhbllokojnë situatën plot kaos që vazhdon prej orësh në autostradë. Ndërkohë në Vorë situata paraqitet jo e mirë. Disa shtëpi rrezikojnë të shemben nga shembja e dherave që po ndodhin në zonë.
UJI BLLOKON PREJ ORES 11:30 AUTOSTRADËN TIRANË-DURRËS
ORA 11:35-Prej ores 11:e 30 minuta autostrada Tiranë-Durrës po qëndron e bllokuar për shkak të sasisë së madhe të ujit që ka mbuluar rrugën në kthesën e Kasharit.
Prezenca e ujit u shtua gjatë oreve te paradites se sotme per shkak te reshjeve te shumta te shiut te te rana ditet e fundit ka bërë që automjetet që qarkullojnë në të dyja krahët të pengohen në lëvizjen e tyre normale deri në bllokimin tërësisht të qarkullimit në këtë aks.
Kjo ka sjellë një trafik të rënduar në autostradë, ndërkohë që janë lajmëruar organet komptente për situatën.
Situata vazhdon të mbetet kritike në këtë pjesë të autostradës prej orës 11.30 minuta.
Si pasoje prej kesaj ore reshjet e shumta të shiut kanë bërë thuajse të pamundur kalimin e mjeteve në segmentin rrugor nga Vora në Maminas.
Në ndihmë të situatës së krijuar, efekiva të shumta të Qarkullimi Rrugor në kryeqytet, janë instaluar në hyrje të autostradës Tiranë – Durrës për të orjentuar drejtuesit e mjeteve, duke u rekomanduar atyre që duan të udhëtojnë nga Tirana drejt qyteti bregdetar të Durrësit e më tej, që të përdorin rrugën tjetër, atë të Ndroqit.

Thursday	+14°	+7°
Friday	+12°	+6°
Saturday	+13°	+4°
Sunday	+11°	+1°
Monday	+11°	+1°
Tuesday	+12°	+5°

Permbytjet, bllokohet autostrada Tirane-Durres

Permbytjet, bllokohet autostrada Tirane-Durres

MENU

SHTYPI I DITES

REVISTA

FAQET PARTNER