Irani ekzekuton me varje

Në oborrin e burgut famëkeq Evin të Teheranit u var Shahla Jahed, gruaja e dytë e futbollistit të njohur iranian, Nasser Muhammad – Khania, për shkak të vrasjes së gruas së parë të kurorëzuar të këtij futbollisti.
Ate nuk e shpëtuan edhe apelet e shumta të bashkësisë ndërkombëtare, por edhe ankesat e palës mbrojtëse. Varja apo vrasja e saj është bërë sipas ligjit apo zakonit të njohur “Sy më sy”. Shahla është shtetasi i 146 i Iranit, që gjatë këtij viti janë dënuar me vdekje, që kryesisht janë ekzekutuar me varje.

Letrat e shumta në adresë të presidentit Iranian Mahmud Ahmadinexhad dhe Qeverisë nuk kanë ndihmuar gruan që ishte një ndër bukuroshet e Iranit.

“Kemi bërë aq sa kemi mundur, por më në fund nuk patëm sukses. Shahla më ka thirrë parmbrëmë në telefon nga burgu dhe me një zë e dënesje më ka faleminderuar për gjithë atë që kam bërë dhe na njoftoi se ishte njoftuar për vendimin me varje. E kishim të qartë se ishte biseda jonë e fundit”, theksoi Mina Ashadi, aktiviste për të drejtat e njeriut, që për disa vite ishte angazhuar për lirimin e Shahlas, por edhe gruas tjetër Sakineh Ashtiani, e cila akuzohet dhe pritet të ekzekutohet me gjuatje me gurë, për shkak të xhelozisë.

Sipas të dhënave të organizatave ndërkombëtare, me anë të dënimit gjuatje me gurë deri në vdekje nga viti 1980 e deri tani janë ekzekutuar 150 veta, shumica prej tyre gra.

Shahla nuk i shpëtoi dënimit brutal të pushtetit të egër Iranian. Ajo para gjashtë viteve kishte vrarë me thikë gruan e parë të lojtarit të famshëm Khania. Ajo kishte pranuar krimin e bërë, por gjatë gjykimit ajo kishte refuzuar se kishte bërë veprën e tillë, mirëpo për shkak të kësaj tërheqje ajo u dënua me dënim me vdekje. Vendimi i parë për dënimin ishte anuluar në vitin 2008, pë shkak të disa gabimeve procedurale, por gjatë përsëritjes së gjykimit vitin e kaluar, trupi gjykues e dënoi atë duke u bazuar në deklaratën e parë. (INA)

GAZETA ONLINE

sa keq ..

Dajto ka ngel me than Shyqyr që s'më lindi nëna në Iran

Mona shkruajti:Dajto ka ngel me than Shyqyr që s'më lindi nëna në Iran

.. amon eri MONE se une kam ca vjet qe shof cdo dite ne mjes statu of liberty .. dhe me duken shume cjerrezore keto vendime

Cfare tmerri o zot....!!