Njerëzve u intereson që të përgjojnë telefonatat e të tjerëve

nga **Tironcja_omel** Wed Nov 10, 2010 11:02 am

Është parë se, kur dëgjon të tjerët që flasin në telefon, instinktivisht të vjen dëshira për ta ditur se çka janë duke thënë.

Dëgjimi i pjesshëm i bisedës telefonike të të tjerëve, na e largon vëmendjen nga ajo që ishim duke bërë më shumë sesa dëgjimi i bisedës midis dy personave ‘live’, ka treguar studimi i ri i shkencëtarëve amerikanë .

Për trurin e njeriut, komunikimi dykahësh është shumë më e kuptueshme sesa biseda e pjesshme, shpjegojnë kërkuesit shkencorë. Për shkak të qartësisë dhe parashikueshmërisë së bisedës së zakonshme, truri mund të përqendrohet në gjëra të tjera. Por, biseda telefonike e dikujt tjetër është e paparashikueshme dhe shumë lehtë tërheqë vëmendjen. Ideja për këtë studim i lindi shkencëtares Lauren Emberson.

- Më dukej se nuk mundja të bëja asgjë tjetër kur dëgjoja dikë që fliste në telefon. Më interesonte ta di pse kjo ishte kështu – shpjegon ajo. Në të njëjtën mënyrë kishin reaguar edhe vullnetarët që ishin të përfshirë në studim. Shumica prej tyre përqendroheshin me vështirësi kur në afërsi dikush tjetër fliste në telefon.

- Thjesht, truri funksionon në atë mënyrë. Mekanizmi i tij është i tillë që detyron njerëzit të përgjojnë bisedat e pjesshme – thotë psikologja Lauren Emberson.

Përndryshe, është konstatuar se njerëzit janë të lumtur kur thërrasin nga shtëpia, të mërzitur kur telefonojnë nga puna, kurse ndjenjat më intensive me anë të telefonit i shprehin në mbrëmje.

aktualiteti