Importimi i plehrave ne shtetin ''Plehre''

nga bigbeng Sat Oct 16, 2010 8:27 pm

Importimi i plehrave ne shtetin''Plehre'

Gjatë intervistës me kryeredaktorin e “FORBES”, ky i fundit pasi u mrekullua nga “mirakllët e sheverisë” ju lut kryeministrit Berisha që derisa të cpikej makineria që do të klononte Berishën, të bënte dicka edhe për botën.

Me zemër në dorë, ish-kardiologu Berisha ju përgjigj se në planet e tij historike siameze për Shqipërinë nuk mungonin as ato për të ndihmuar sado pak botën.

Menjëherë sapo u kthye në mëmëdhe, kryeministri Berisha mblodhi Këshillin e Ministrave.org dhe u tha të linin cdo punë dhe ti jepnin prioritet nismës më të re, “Një Planet Blu pa Plehra”.

Ministrat ju përgjigjën se nuk kishin ndonjë punë urgjente në duar pasi ata po punonin për vitin 2020, kështu që kishin plot kohë për tu marrë me nismat e rradhës së shefit të tyre.

Kryeministri Berisha hapi sirtarin ku mbante ëndrrat shekullore siameze dhe nxorri një dosje.

“Sot asht ditë e shënueme për kombin tonë pasi Shqipëria si shpërblim për liberalizimin e vizave, për të mos i mbetur borxh botës, do tua lajmë nderin me nder” u shpreh Berisha, duke shtuar se qeveria do të lejojë importimin e plehrave nga bota në vendin tonë.

Ministri Nishani i bëri të ditur shefit të tij se nuk do të jetë kollaj, pasi të gjithë keqbërësit, kriminelët, mafiozët dmth “plehrat” e kërkuar nga drejtësia shqiptare, shtetet e tjera nuk pranojnë ti estradojnë në Shqipëri.

Berisha buzëqeshi në mënyrën “mos-më-ndërprit-se-të-shkarkova” dhe i sqaroi Nishanlliut që doli huq, se nuk po fliste për njerëzit plehra por për plehrat e njerëzve.

Shqipëria si shtet elitar në cdo fushë të ekonomisë, energjisë dhe industrisë, do të riciklojë plehrat e botës dhe ti kthejmë ato në energji bërthamore.

Kështu realizohet edhe ëndrra në diell shekullore e kryeministrit Berisha për ta kthyer Shqipërinë nga një vend superfuqi bërthamash pjeshke në një superfuqi bërthamore.

Zv/kryeministri Ilir Meta u kujtua se kjo ishte ëndërr e vjetër dhe kur i hodhi sytë nga sirtari e kuptoi se Berisha gabimisht kishte hapur një nga sirtarët e ish-kryeministrit Nano që nga 2004.

Megjithëse vetë Berisha e kishte kundërshtuar dikur këtë ëndërr, Meta nuk u ndie duke menduar “Mjaft kam hallet e mia me priftin e shtëpisë. Nuk do merrem edhe me hoxhën e qeverisë”.

Kryeministri Berisha u bëri të ditur se kishte plane gjeniale për importimin e plehrave dhe i qetësoi ministrat duke u thënë se nuk ka asnjë rrezik që Shqipëria të kthehej në një kosh gjigand plehrash.

“Une ju garantoj jue, se bota asht në krizë. Edhe Amerika po vdes për bukë. Dhe një popull që nuk ka bukë të hajë, nuk ka plehra për të hedhur në kosha. Prandaj nuk na gjen gjë për dy qese në vit” deklaroi Berisha.

“Ne kemi një përvojë të mirë në riciklimin e ligjeve, fjalimeve, premtimeve dhe jo rrallë kemi ricikluar edhe tradhëtarët e dikurshëm të partisë duke i bërë ministra” nënvizoi shefi i qeverisë.

Pastaj nëse Shqipëria do të rrezikohet nga importi i plehrave apo mbetjet radioaktive, të mos harrojmë se është detyrë e bashkisë të pastrojë qytetin. Pra faji do të jetë i Edvin Ramës.

Kur tha këto fjalë, të gjithë ministrat u cuan në këmbë duke brohoritur“Parti-Sali, jemi gati kurdo ti”.

Pas gjysmë ore duartrokitjesh, ministrat bënë pak pushim që tu clodheshin duart dhe më pas votuan njëzëri në unanimitet të plotë vendimin e Këshillit të Ministrave.org.