Pianisti pa duar fitues i talenteve kineze

nga **Tironcja_omel** Wed Oct 13, 2010 8:15 pm

Një pianist, i cili nuk ka duar, por performon në piano me këmbë është bërë ylli qendror i shout televiziv China’s got talent” (Kina ka talent) Liu Wei në finale të kësaj gare ka shkëlqyer me performimin e këngës së James Bluntit “You're Beautiful”, dhe është bërë fitues.
Liu 23-vjeçar i ka humbur të dy duart në një aksident kur ka qenë në moshën 10 vjeçe. Mjekët qenë detyruar atëbotë t’ia amputojnë të dy duart pasi gjatë lojës kishte përjetuar një goditje nga energjia elektrike. Pianos mësoi t’i binte para vetëm pesë vjetësh, pra në moshën 18 vjeçe.
“Kam së paku dy këmbë të plota”, u tha anëtarëve të jurisë muzicienti nga Pekini.
Liu Wei do të fitojë rastin edhe në las Vegas, ku do të paraqitet tre muaj, ndërsa i premtohet të nënshkruajë kontratë edhe me një shtëpi botuese, raportojnë mediat kineze.
Finalen e “China's Got Talent” në Shangai e pasuruan edhe performimet e yjeve të shumta, në mesin e të cilëve edhe fituesit e shout të ngjashëm në Britani të Madhe në vitin 2009, grupi i vallëzimit Diversity dhe finalisti i shout amerikan Recycled Percussion.