Gruan ideale e gjen vetëm në internet

Meshkujt nuk i duan zonjushat që kërkojnë ende përkujdesje dhe mirësjellje, që transformohen në një mama që jep urdhra që në momentin që fillojnë të jetojnë bashkë.

Si duhet të jetë vajza ideale për një djalë? Në parim gruaja e ardhshme apo e ëndrrave duhet të jetë seksi, e bukur, e dashur, e aftë për të ditur sesi të sillet me shoqërinë edhe miqtë e tij. Por femrat, që duhet ti kenë në të njëjtën kohë të gjitha këto karakteristika, janë shumë pak, por edhe burrat e përsosur janë të paktë. Meshkujt nuk i duan zonjushat që kërkojnë ende përkujdesje dhe mirësjellje, që transformohen në një mama që jep urdhra që në momentin që fillojnë të jetojnë bashkë. E mbi të gjitha nuk durojnë dot gratë në karrierë, më mirë shtëpiaket.

Pra, shpesh nuk e kuptojmë ose ndoshta nuk jemi të bindura nëse kemi të drejtë apo nuk shohim defektet tona, por edhe meshkujt kanë problemet e tyre në lidhje me “seksin e dobët”. E për këtë gjë kemi gjetur një ide apo të themi një biznes me vajza virtuale. Në Japoni ekziston një qytet mbi det ku është e mundur që të prenotosh pushimet në çift, ku ai është i gjallë, me mish e kocka, kurse ajo ekziston vetëm në videogame.

Kjo është çmenduri dhe dëshpëruese, por nuk është e vetmja. Nëse nuk e keni gjetur shpirtin binjak dhe ju ka ardhur në majë të hundës nga gjykimet e familjarëve të tu ekziston një mënyrë për të shmangur pyetje të sikletshme, vajza imagjinare. Është një person i vërtetë, dhe jo një ëndërr dhe jepet me qira. Kushton 45 dollarë në muaj dhe duhet ti bashkohesh listës së kandidatëve në sajtin yourimaginarygirlfriend.com ose imaginarygirlfriends.com.