Shqiperi femrat ja kalojn meshkujve per pirjen e duhanit....

nga **Morena** Tue Sep 14, 2010 10:25 am

Ata që pinë duhan, shumica janë femra.

Numri i femrave që nisin duhanin në Shqipëri, e ka kaluar atë të meshkujve. Në këtë përfundim ka arritur një studim i Institutit të Shëndetit Publik, mbi pasojat që shkakton duhani tek femrat. Sipas studimit, vajzat duhanpirëse aktualisht janë më të shumta në numër se djemtë, ndaj specialistët japin alarmin se vdekshmëra femërore, mund të jetë më e madhe për shkak të kancerit të mushkërive dhe sëmundjeve kardiovaskulare.

Shqiperi femrat ja kalojn meshkujve per pirjen e duhanit.... Image-959F_4C8EA11D

Por jo vetëm kaq. Rreziku i kancerit të qafës së mitrës është dy herë më i lartë tek duhanpirëset se tek joduhanpirëset. 34 për qind e femrave tek të cilat diagnostikohet një kancer i qafës së mitrës do të vdesin në 5 vjet, nëse janë konsumatore të duhanit. Po ashtu, edhe rreziku i kancerit të gjirit është dy herë më i lartë tek femrat që pinë duhan para menopauzës. Specialistët kërkojnë që të shmanget në mënyrë kategorike përdorimi i kontraceptivëve nga duhanpirëset pasi ai mund të jetë fatal për ta.

Efektet negative të pirjes së duhanit nga ana e femrave nuk përfundojnë këtu. Ai ndikon në fertilitet, e për më tepër nëse femra është shtatzanë, tek fetusi. Sipas specialistëeve të Institutit të Shëndetit Publik për çdo cigare në ditë gjatë shtatzanisë, pesha e fetusit zvogëlohet 15 gram. Mesatarisht, fëmijët e lindur nga duhanpirëse peshojnë 200 gr më pak se fëmijët e lindur nga joduhanpirës. Duhani gjatë shtatëzanisë dyfishon edhe rrezikun e lindjes se parakohshme. Rreziku i vdekshmërisë foshnjore trefishohet nëse nëna pi duhan gjatë shtatzanisë ose pas lindjes.

Gazeta Agon