Një bark i sheshtë arrihet kështu

nga capkenja Sun Mar 14, 2010 4:09 pm

Le ta pranojmë: kur barku është i sheshtë është i lëmuar dhe na bën të ndihemi sensuale dhe joshëse. Ta demonstrojmë atë atëherë, ka për të qenë një kënaqësi e vërtetë: është momenti magjik kur pantallonat përshtaten si një lëkurë e dytë dhe rrinë pak mbi kërthizë për të na lejuar t'ju tregojmë të gjithëve sesa të bukura jemi.

Por për të veshur llojet e ndryshme të veshjeve elegante duhet më parë të modelojmë trupin tonë. Dhe për të realizuar këtë duhen përdorur të gjitha mjetet që kemi në dispozicion, që nga ushqimi e deri tek gjimnastika, që nga kurat e ëmbla e deri tek masazhet. Atëherë mos humb kohë, por fillo të "punosh" me barkun.
Ç'duhet të bëni? Dhurojini barkut momente të këndshme relaksimi, servojeni pjatën e duhur për të. Përkëdheleni me produktet që ia keni vënë syrin, por mos harroni ushtrimet që i japin ton. Ja disa djallëzi të vogla dhe të mëdha për të pasur barkun më të bukur. Zgjidh ato që bëjnë në rastin tënd.

Je e dobët, por shpesh e ke barkun e fryrë

Ndodh edhe me ato që nuk kanë probleme me peshën: një pamje e thatë e kompensuar nga barku. Nuk bëhet fjalë për "dhjam", por për ajër që mund të hiqet qafe me ushqime të pasura me fibra dhe me ndonjë truk të vogël.

nga capkenja Sun Mar 14, 2010 4:10 pm

Efekti balonë?

Ke masën trupore 40 dhe aktivizohesh lehtë në veprimtari. Vesh gjithmonë pantallona, mini top të modës së fundit, pra gjithçka elegante. Por ka edhe ditë kur barku yt fryhet. Ngrihesh nga tryeza me një ndjenjë peshe të rëndë dhe pse ke ngrënë duke pickuar tek-tuk. Në raste të tjera përkundrazi të kthehet koliti, dhimbjet e barkut dhe kapsllëku ose ndihesh shumë problematike dhe vrapon vazhdimisht në banjo. Është për faj të stresit: nervozizëm, ankth, ndrydhje, inat. Nëse nuk e shfryen këtë stres mund të kalojë në aktivitetin e zorrëve. Kështu tretja ngadalësohet dhe ushqimet fermentohen në stomak dhe ai mbushet me ajër.

Ja ushqimet e duhura

Nëse je e dobët nuk ke nevojë të ulësh kaloritë. Por për të luftuar fryrjet e barkut duhet të kufizosh dhjamërat e kafshëve (mishit): janë të rëndë për t'u tretur, qëndrojnë gjatë në stomak, ngadalësojnë zbrazjen. Jepu shije pjatave me spec të kuq: në doza të vogla lehtëson tretjen. Rrit shtimin e fibrave të cilat favorizojnë transportimin brenda zorrëve, duhet të paktën 25-30 gram fibra në ditë. Është ideale ta fillosh ditën me një tas me drithëra. Ha një kos në mëngjes dhe një në darkë: është i pasur me fermentues laktikë, e domosdoshme për të riekuilibruar formën bakteriale të zorrëve.

nga capkenja Sun Mar 14, 2010 4:10 pm

Finokëri të vogla ditore

Ha katër ose pesë vakte në ditë, me intervale të rregullta. Ha ulur në tavolinë, përtypu ngadalë dhe mos fol gjatë ngrënies për të mos gëlltitur ajër. Lufto stresin me këtë ushtrim të thjeshtë: ulu, çliroje veten nga mendimet, merr frymë thellë. Pastaj shtyp me gishtin e madh vijat horizontale të pëllëmbës së dorës tjetër. Masazho pëllëmbën e majtë nga e majta në të djathtë. Përsërite masazhin në dorën tjetër nga e djathta në të majtë sipas principeve të refleksologjisë, këto lëvizje stimulojnë zorrën e trashë.

Provo çajrat

Kundër fryrjeve së stomakut, në mëngjes dhe në darkë, përgatit një çaj kamomili dhe portokallieje të ëmbël, që mund ta ëmbëlsosh me një lugë me mjaltë dhe lëreni të vakët. Nëse pasi ke ngrënë ndihesh e fryrë pi një lëng ananasi që është perfekt për të thithur gazrat e zorrëve ose çaj me kopër, sepse favorizon tretjen. Ndërsa për të mbajtur nën kontroll stresin, optimale është bari i bletës.

nga capkenja Sun Mar 14, 2010 4:11 pm

10 këshilla antibark

1. Pi më pak duhan: nikotina rrit nivelin e kortizolit, hormonit të stresit, që favorizon grumbullimin e dhjamit në bark.

2. Mos pi alkool: sjellin shumë kalori pijet alkoolike. Për më tepër që ashtu si nikotina, shton kortizolin dhe dhjamin në bark.

3. Qëndro drejt: kështu barku del më pak. Kur je në këmbë imagjino se ke një litar në kokë që të tërheq drejt çatisë.

4. Qëndro ulur dhe pozicionuar mirë: Kur je ulur në karrige pozicionoje shpinën mirë. Barkun brenda dhe këmbët të mbështetura të dyja në tokë. Nëse karrigia është shumë e lartë, përdorni një mbështetëse për këmbët.

5. Forcojeni shpinën me anë të peshave, në këtë mënyrë nuk do ta harkosh përpara duke e nxjerrë më në pah barkun e madh.

6. Provo kërcimin e barkut: është i këndshëm dhe të forcon muskujt e barkut. Veç të tjerash nuk dobëson tensionin dhe të sjell në humor.

7. Bëni punët e shtëpisë: kalojeni fshesën e rrymës para dhe parapa në shtëpi, sepse ndihmon në uljen e barkut. I njëjti efekt vjen dhe nga ushtrimi i kopshtarisë: të ulesh dhe të ngrihesh shpeshherë për të pastruar barërat p.sh. të kontrakton dhe ç'kontrakton muskujt e barkut.

8. Vishu në mënyrë komode. Kur e ke barkun e fryrë ose kur je shëndoshur, evitoji pantallonat dhe fundet e ngushta që nxjerrin në pah defektin. Derisa të fitosh linjat syno për këmisha të gjata që fshehin format e trupit.

9. Ha shumë fibra vegjetalë: të cilat i gjen në frutat e perime: ato ngopin dhe largojnë kapsllëkun.

10. Pi shumë ujë: të paktën 8 gota pak e nga pak gjithë ditën. Ndihmon zorrët të funksionojnë me mirë, sepse zbut jashtëqitjet. Kundërshton shtimin e lëngjeve në bark të cilat sjellin fryrje.
spekter*

nga capkenja Sun Mar 14, 2010 4:11 pm

Një mëngjes të mirë, pak darkë (ose aspak), ushqime të thjeshta, një dietë të ekuilibruar dhe lamtumirë fryrjes së barkut. Këto janë fjalët e një eksperti që përmes një libri ka treguar edhe masat e barkut perfekt

A ekziston barku perfekt? “Sigurisht, madje ka formë dhe masa perfekte. Të gjithëve na ka rastisur të shohim një bark jo të sheshtë, që nuk futet te përmasat 90-60-90”, shpjegon një kirurg dhe autor i librit “Bark i sheshtë përgjithmonë”. “Barku është treguesi i vërtetë i bukurisë si te femrat ashtu dhe meshkujt. Megjithatë, ai varet nga struktura trupore e një personi, nuk varet as nga pesha dhe as nga gjinia, sepse një person i dobët dhe një i shëndoshë, qoftë ai mashkull ose femër, nëse janë të gjatë, atëherë edhe barku i tyre është vërtet i bukur. Nëse një person është i gjatë një metër e 67 centimetra, mund të jetë shumë krenar për barkun e tij nëse arrin në 67 centimetra”. Gjithsesi, nuk është vetëm një çështje estetike. Sa herë na ka ndodhur të themi “Ndihem e fryrë”, ose “Sa më është rritur barku, duhet të bie medoemos nga pesha”. Kush e ka barkun e fryrë, ndihet i lodhur, e ka të vështirë të marrë frymë, por jo për faj të dhjamit. “Brenda një barku të sheshtë, vendin më të madh e zënë zorrët, pastaj vjen mëlçia, gazrat intestinalë, zorra e trashë dhe në fund dhjami. Ndërsa në një bark të fryrë, rregulli ndryshon: vendin kryesor e zë gazi intestinal, më pas vijnë të tjerat”, shpjegon kirurgu. Pra, i gjithë faji i fryrjes së brendshme që ndiejmë zakonisht është i zorrëve, qendra e vërtetë energjetike e trupit dhe e ushqimeve që konsumojmë dhe që shkaktojnë reaksione të ndryshme kimike, për shembull fermentimi (makarona, oriz, fruta, zarzavate).

Por ç’mund të bëjmë për të pasur një bark të sheshtë? Mbani dieta hipokalorike, hani shumë fibra, zarzavate, bëni ushtrime për barkun, konsumoni sallatë, spinaq, jeshillëqe. Të gjitha këto do t’iu ndihmojnë të jeni më mirë dhe të ndiheni më pak të fryrë. “Për ta zgjidhur përfundimisht këtë problem duhet të kërkoni një dietë të përshtatshme dhe të bëni shumë ushtrime fizike që përmirësojnë funksionimin intestinal për një periudhë të gjatë”, thotë kirurgu. Për t’u ndier mirë fizikisht dhe psikologjikisht, kirurgu këshillon që të ndryshoni menjëherë mënyrën e të ushqyerit dhe të bëni sa më shumë ushtrime fizike: “Për një tretje të mirë, edhe stomaku ka nevojë për pushim dhe ushqime të lehta”.

Kështu, për të për një tretje të mirë dhe të shpejtë mund të përdorni ushqime të lehta, natyrore ose biologjike (ky është rregulli numër një); nuk duhet të konsumoni ushqime të konservuara, ato totalisht të rafinuara (si sheqeri), pjesërisht të rafinuara (kornflekset), margarinën, ushqimet e thata, ato të yndryshme, kafenë, alkoolin, duhanin. Mënyra më e mirë për të gatuar ushqimet është në tenxhere me presion. Arsyeja? Për të kompensuar humbjen e vitaminave dhe kripërave minerale.
Rregulli i dytë është përtypja mirë e ushqimit dhe ngrënia me shije. Të hash me qetësi dhe me kafshata të vogla është një mënyrë e mirë për të shmangur fryrjen e barkut.

Rregulli i tretë është të konsumoni dy vakte në ditë, ose më saktë mëngjesin dhe drekën. “Mëngjesi tipik modern është një kafe dhe briosh. Është i lehtë, ju ngop dhe nuk keni uri derisa të vijë dreka. Nuk ju detyroj të hani vezë dhe proshutë me disa kokrra fasule të ziera rreth e rrotull pjatës, siç e kanë zakon anglezët, edhe pse në fakt bëhet fjalë për një mëngjes shumë të shijshëm. Ajo që ju këshilloj është të hani lehtë dhe në mënyrë të shëndetshme!”, thotë kirurgu. Darkën mos e hani shumë vonë (në fakt ajo që këshillon doktori është të mos e konsumoni fare) dhe të jetë sa më e lehtë: jo pilaf ose makarona, por fruta, zarzavate dhe pak proteina (mish, peshk, kos).
Rregulli i katërt është të hani lehtë dhe në “mënyrë precize”? Çdo të thotë kjo? Të konsumoni sasinë e duhur të fibrave (mesatarisht 15 gramë në ditë, të barabarta me dy porcione frutash), ushqime jo të thata, qumësht dhe kos.

Rregulli i pestë, përdorni ushqime të thjeshta: për shembull dy produkte të ndryshme në pjatë. Mos konsumoni më shumë se një të katërtën e pjatës. Rregulli i gjashtë ju këshillon të ndiqni një dietë të ekuilibruar: sasia e proteinave të jetë e barabartë me gjatësinë tuaj të shprehur në centimetra, por e llogaritur në gramë, (pra jo më shumë se 65, në rastin e një personi të gjatë 1,65cm), e karbohidrateve (nga 200 deri në 300 gramë në ditë), yndyrna (nga 50 deri në 80 gramë në ditë), të pini vetëm kur keni etje dhe jo gjatë apo menjëherë pas vakteve. Pas tabelave dhe shembujve për të llogaritur një dietë të ekuilibruar, libri i kirurgut mbyllet me rregullin e shtatë: të bëri rregullisht ushtrime fizike. Çdo ditë duhet të lëvizni të paktën dy orë.

•shqip•

nga capkenja Sun Mar 14, 2010 4:12 pm

Bark i sheshtë

Një histori që përsëritet çdo mëngjes duke mbajtur frymën për të mbyllur zinxhirin e pantallonave. Problemi qëndron te fryrja e barkut. Por cilat janë shkaqet? Ndër arsyet më të zakonshme janë dietat e gabuara: shpërdorim të yndyrës, ushqimeve të skuqura, sodës dhe sheqerit, por edhe alkooli, si dhe mënyra e të ngrënit shpejt, duke futur një sasi të madhe të ajrit bashkë me ushqimin.
Toleranca me ushqimin: Në këtë rast është e nevojshme të identifikohen ushqimi ose ushqimet që janë të vështira për ju, për të absorbuar. Pyetni mjekun tuaj, do të këshillojë në bazë testeve më të përshtatshme se cilat janë ushqimet që shkaktojnë fyerjen e barkut.
Çrregullimi i zorrëve: Një ndër mjetet kundër kapsllëkut është përfshirja në dietë e sasive të mëdha të ujit dhe të fibrave që gjenden në fruta dhe perime. Në raste kritike, mjeku mund të rekomandojë mjekimin më të përshtatshëm.
Ajri në stomak: Marrja e ushqimeve të caktuara mund të përcaktojë praninë e gazrave në zorrë, por në mjekësinë bimore janë produkte natyrore në shitje të ndryshme që ndihmojnë përthithjen dhe eliminimin e gazrave

Mungesa e lëvizjes: muskujt e barkut duhet, si të tjerët, të jenë në një aktivitet të rregullt fizik që lejon tonifikimin e tyre.
Pirja e duhanit: Në këtë rast, duhani prodhon enjtje të barkut, sepse ai bën të mundur hyrjen e ajrit në stomak dhe aktivizon prodhimin e lëngjeve të stomakut pa qenë nevoja.
Ndër shkaqet e tjera të një barku të fryrë është edhe stresi, i cili në mënyrë të paevitueshme prodhon çrregullimeve në trup. Ndaj gjeni kohë për t’u kujdesur për veten dhe për të evituar minutat tuaja stresante në mëngjes kur vishnin fundet apo pantallonat.Sekrete bukurie