Aurela Gace: Oreve te vona me nje mashkull misterioz

nga capkenja Tue Mar 02, 2010 11:31 pm

Fillimviti 2010 e gjeti në Shqipëri. Sipas informacioneve që ju kemi sjellë herë pas herë në “Bluetooth”, motivi i kësaj shpërnguljeje ishte albumi që ajo është duke përgatitur. E në fakt, thuhet se këtë herë po bashkëpunon me kompozitorët dhe tekst-shkruesit më të mirë në Shqipëri. Por, ja që krahas punës intensiv,e këngëtarja e mirënjohur Aurela Gaçe gjen kohë edhe për t’u argëtuar. Krejt normale kjo gjë, por fotoja që u servirim na ka ngjallur disa dyshime. Këngëtarja ka qenë e shoqëruar nga një mashkull, me të cilin ka kaluar orët e vona të natës në një nga lokalet e kryeqytetit. Nën një ambient paksa romantik, me një gotë verë përpara dhe me biseda që kanë zgjatur jo pak… Paparaci ynë nuk ka mundur ta identifikojë personin përkrah artistes, por ajo që dihet, është fakti se nuk është aspak personazh i njohur. Gaçe, pak muaj më parë mbushi 35 vjeç, dhe ajo kurrë nuk ka pohuar të ketë ndonjë marrëdhënie dashurie. Madje, nuk ka rënë kurrë pre e paparacëve me ndonjë mashkull, kjo edhe për faktin se jeton në Shtetet e Bashkuara të Amerikës. Nuk dimë të themi me siguri nëse ajo ka një lidhje përtej Atlantikut, por ajo që kemi zbuluar tashmë, është fakti se këngëtarja po shoqërohet me dikë. Puna për albumin duket se i ka dhënë kohë artistes të rrijë më shumë në vendin e saj, e pse jo të njohë edhe ndonjë djalosh këtu. Kështu që, një rrugë e shumë punë këtë herë Aurela. A do të jetë kjo një histori e vërtetë dashurie, është një çështje që mbetet për t’u parë, por ama kjo foto na dëshmon se nuk është aspak një takim pune. Gjatë javëve të fundit këngëtarja ka qenë në lëvizje, e ftuar në koncerte në Greqi apo edhe në Kosovë në 2-vjetorin e Pavarësisë… e ndoshta miku i saj misterioz mund të ketë rënë në rrjetë edhe gjatë tureve të saj… Gjithsesi, këto janë vetëm hamendësimet tona, ajo që mbetet është fakti se tashmë Gaçe po i kushtohet më në fund jetës së saj personale. Këtu nuk ka asgjë të jashtëzakonshme, këngëtarja Gaçe është një femër pa komplekse, simpatike, është një femër e suksesshme në karrierë dhe gjithmonë e ka pohuar pa kurrfarë ndroje se është në kërkim të një mashkulli; pas tërë arritjeve në jetën profesionale, ka ardhur koha që të plotësohet edhe në dashuri… Ndoshta me këtë rast i ka hyrë edhe rrugës së gatimit… pasi siç ka pohuar në një intervistë të bërë muaj më parë në “Bluetooth”, arsyeja që nuk ishte martuar, ishte pikërisht fakti që nuk dinte të gatuante…