9 vjeçari rrugës për certifikatën e pestë nga Microsoft

I lindur me pasion për kompjuterë, 9 vjeçari Marko Calasan nga Ish
Republika Jugosllave e Maqedonisë, nuk ka humbur kohë për tu bërë një
profesionist i rangut të lartë me katër certifikime IT nga Microsoft
Ai është certifikuar katër herë radhazi nga Microsoft dhe tani
është duke punuar për certifikatën e tij të pestë (Bëhet e ditur se
Marko preferon Bing.)

Ky është një tregim që të ngroh zemrën por që gjithashtu ju bënë të
ndiheni pakëz keq për vetën tuaj. Pse? Për shkak se pavarësisht se i ka
vetëm nëntë vjet, Marko është më i shkolluar për kompjuter sesa
shumica prej nesh që do të jetë ndonjëherë. Ja sesi i përshkruan ai
kujtimet e para rreth përdorimit të një kompjuteri:

“Por kujtesa ime e parë buron nga momenti kur isha përafërsisht 3 vjeç,
dhe kur isha duke bërë veprime të thjeshta siç është personalizimi i
Windows, dhe pastaj instalimi i Windows, bërjen e remote desktop
connections me Workstation dhe server në lokacione të largëta, e kështu
me radhë.”

Për dikë që ende ka vështirësi të bëjë një veprim të tillë si vendosja e
një lidhjeje remote dekstop, kjo sjellë inat. Por pavarësisht të
gjithave, ky djalosh i vogël nga vendi ynë fqinjë ka fituar katër
certifikata MCP, MCDST, MCSA dhe MCSE dhe ai është rrugës për të fituar
certifikatën e pestë për tu bërë një Trajner i Certifikuar nga
Microsoft. Kur është pyetur rreth planeve për dhjetë vitet e ardhshme,
Marko është shprehur se shpreson se do të shkruaj libra me instruksione
për Windows 7 për përdorues të të gjitha niveleve. Ai gjithashtu u
shpreh se makina e tij e preferuar për kërkim është BING.

Kur u pyet nëse preferon Windows apo OSX, Calasan u shpreh i ngurruar
duke thënë, “Për secilin, zgjidhja është e ndryshme, e unë përdor
Windows për shkak se jam i kënaqur me sigurinë, stabilitetin,
madhësinë, produktivitetin dhe me shumë avantazhe tjera që ofron
sistemi operativ Microsoft Windows”.