Mos konsumoni vodka-redbull

nga capkenja Sat Dec 26, 2009 6:23 pm

Mos konsumoni vodka-redbull

Një studim i ri i realizuar në Universitetin Temple të Filadelfias, tregon për dëmin që shkakton konsumimi i njëkohshëm i alkoolit dhe kafeinës.Kohëve të fundit është rritur popullariteti i pijeve të kombinuara (siç është RedBulli dhe vodka), të cilat jo vetëm se janë kombinuar nëpër kafene dhe bare, por kanë filluar të prodhohen edhe si kombinime të gatshme.

Mirëpo, se ky nuk është një veprim i mirë, tregon studimi (i publikuar në revistën Behavioral Neuroscience), sipas të cilit konsumimi i pijeve alkoolike të cilave u shtohet kafeinë, shton zgjueshmërinë dhe zvogëlon autokritikën, shton ankthin dhe ndjenjën e guximit dhe gatishmërisë së rrejshme.

Sipas rezultateve, ky kombinim rrit rrezikun për ekspozim ndaj situatave të rrezikshme dhe situatave konfliktuoze, dhe po ashtu shton rrezikun për aksidente trafiku apo lëndime të tjera. /Telegrafi/