Obama premton ta vizitojë Shqipërinë

nga capkenja Sun Dec 20, 2009 6:43 pm

Obama premton ta vizitojë Shqipërinë

Presidenti i Shteteve të Bashkuara, Barack Obama, i ka premtuar kryeministrit shqiptar, Sali Berisha, se do ta vizitojë Shqipërinë.

Gjatë pjesëmarrjes së tij në Samitin për Ndryshimin e Klimës në Danimarkë, kryeministri Sali Berisha pati një takim me presidentin e Shteteve të Bashkuara, Barack Obama.

Takimi u krye në drekën zyrtare, shtruar nga kryeministri i Danimarkës.

“Pata rastin të takohem shkurtimisht dhe të bisedoj shkurtimisht, por shumë përzemërsisht me Presidentin Obama, i cili tregoi një interes të gjallë për Shqipërinë. Unë iu përgjigja interesit të tij se të gjithë shqiptarët po presin ngjarjen e premtuar, vizitën e Presidentit Obama në Shqipëri. Presidenti Obama m’u përgjigj me shumë kënaqësi: ‘It will happen’, (do të ndodhë), ‘unë’, tha zoti Obama, ‘do të vij’", ka thënë kryeministri Berisha, transmetojnë mediat e Tiranës.

Gjithashtu, kryeministri Berisha është takuar edhe me sekretaren amerikane të Shtetit, Hillary Clinton. “Shkëmbyem jo vetëm përshëndetje, por edhe mendime të përzemërta. Sekretarja e Shtetit, Clinton sërish më premtoi se do të vizitojë Shqipërinë”, ka thënë Berisha.