Milani feston 110 vjet/video

nga capkenja Fri Dec 18, 2009 10:03 am

Më 16 dhjetor të vitit 1899 është themeluar një ndër skuadrat më të suksesshme në historinë e futbollit, Milani. Para 110 viteve anglezi Alfred Edward themeloi skuadrën e futbollit dhe kriketit dhe u bë presidenti i parë i klubit.
Ndeshjen e parë Milani e ka zhvilluar më 11 mars të vitit 1900 kundër një skuadre tjetër nga Milano, Medialano në të cilën ndeshje Milani kishte shënuar fitore me rezultatin 3-0.
Milani për herë të parë kampionatin italian e ka fituar në vitin 1901, duke mundur Xhenovan me rezultat 1:0. Në vitin 1929 presidenti i atëhershëm i skuadrës “kuq e zinj” Pietro Pirelli zbuloi stadiumin e ri të skuadrës “San Siro”, në të cilin stadium edhe sot skuadra “milaniste” i zhvillon ndeshjet e saj.
Me kalimin e viteve skuadra e Milanit popullarizohet edhe më shumë dhe numri i tifozëve të kësaj skuadre çdo vit është në rritje e sipër. Gjatë historisë 110 vjeçare Milani ka arritur të shpallet 17 herë kampion i Italisë, (1901, 1906, 1907, 1951, 1955, 1957, 1959, 1962, 1968, 1979,1988, 1992, 1993, 1994, 1996, 1999, 2004) 5 herë ka fituar Kupën e Italisë,(1967, 1972, 1973, 1977, 2003), 5 herë Super Kupën e Italisë ku një herrit është edhe skuadra me më shumë trofe në këtë veprimtari (1988, 1992, 1993, 1994, 2004). Sa u përket titujve në arenën ndërkombëtare Milani është skuadra më e suksesshme italiane. “Rossonerët” në historinë e tyre 7 herë kanë fituar ligën e Kampionëve (1963, 1969, 1989, 1990, 1994, 2003, 2007), 2 herë Kupën e Fituesve të Kupave (1968, 1973), 5 herë Super Kupën e Evropës (skuadra me më shumë tituj në këtë veprimtari) - (1989, 1990, 1994, 2003, 2007), dhe 4 herë kupën Interkontinentale apo siç njihet sot Kupa e Botës për klube (1969, 1989, 1990, 2007).