Pak filozofi

nga capkenja Fri Dec 11, 2009 11:49 am

Pak filozofi

Ja, të pash’
Më vajti syri
Si tek kroi në mal
Dhe pemët në pylli.

Ndryshe bukuria
E botës përreth
Pa sytë e mia
S’do kishte lezet.

Ja, të dëgjova
Më ndalën veshët
Siç më ndal jehona
Fëshfërima nga pemët.

Ndryshe tingujt
Që kjo botë shpërndan
Pa veshët e lindur
S’do mbeteshin gjall’.

Ja, të preka
Ç’ti bëj dorës
Siç këpus nga pema
Kokrën e mollës.

Ndryshe materia
Që kjo botë lind
S’do falte ndjenjat
Pa mua, njerin’!

nga capkenja Fri Dec 11, 2009 11:49 am

Jashtë rradhe!

Në rradhë për një!
Në rradhë për dy!
Mërmëris pa zë
Në ç’rradhë të hy.

Për një, në rradhë
Më duket, vetmi
Për dy, prapë
I dyzuar njeri.

Për tre, mos vallë
Vetveten do gjej?
Kush tha, për katër?
Ç’mendi vërtet!

Jashtë rradhe do rri
Nuk më vjen keq
Të rradhuarit, çudi
Ç’mu shpifën krejt!

nga capkenja Fri Dec 11, 2009 11:49 am

Po madhohem

Ja, po madhohem
E pastaj?
Diçka nga vetja vdes
Ngadal.

Ja, po madhohem
Ç’na the!
Diçka në vetja lind
E re.

Ja, po madhohem
Më mir!
Kur jetës t’i lodhem
Do t’ik!

nga capkenja Fri Dec 11, 2009 11:50 am

U vra Olimpiada!

U vra Olimpiada!
Mbani zi!
Medaljet e ferrit i varen në qaf’.
Fantazmat thyejnë,
rekorde të rinj.
Vrasësit përpjekin, kupat me gjak!

U vra Olimpiada!
Se mos veç një herë?
Krishtit ja kaloi me kryqëzimet e saj.
Kupat me gjak,
Rimbushen me verë.
Vrasësit vazhdojnë, të lashtin ritual!!!

nga capkenja Sat Dec 12, 2009 4:13 pm

Shpëtimtari!

Më prisnit
S’erdha.
S’më prisni
Ja, ku jam!
Apokalipsi?
Kusha tha?
Kështu është shkruar?
Ç’shaka!
Nga t’ja filloj
S’e di!
Unë krijoj
Nuk prish!
Ju e ç’bëtë
Të bërën.
Dashkeni të ribëj
Të tërën!?
Mos prisni të jem
Shpëtimtari!
Po ju le t’ja dilni vet’
Së mbari!

nga **Morena** Sat Dec 12, 2009 4:17 pm

Askush mos kujtoje se ka arritur vertetesine e te jetuarit te jetes....

Iluzion jete

U zgjove?
Shyqyr!
E shojte gjumin.
Hëngre?
Shyqyr!
E shojte urinë.
Punove?
Shyqyr!
E shojte skamjen.
Këndove?
Shyqyr!
E shojte mërzinë.
Cfarë?
Prapë nuk ndjehesh mire'?
Asgjë s'paske shojtur, or mik!

nga Tzio Sun Jan 03, 2010 1:28 pm

Fillozof nuk behesh Fillozof lindesh

nga Vizitor Sun Jan 03, 2010 1:58 pm

nga capkenja Sun Jan 03, 2010 6:19 pm

Pa testament!

Jam baba pa testament
Ky është testamenti im
Shkruaj mos më mbetet peng
Që s’kam pasuri.

As të falur nuk kërkoj
As kokfortë nuk jam
Varfërinë nuk e mbroj
Pasurinë s’e shaj.

Jam baba pa testament
Ç’e paskam për soj!
Por diçka ama do le
Me shkrim dhe me goj’.

S’kam nevojë për formularë
Pikash, marëveshjesh
S’ka ç’më duhen avokatë
Afate pas vdekjes.

E ku ka si në të gjallë
T’i mbyllësh hesapet
Të të mbijnë gjithnjë mbi varr
Lulet dhe jo llafet!

nga capkenja Mon Mar 22, 2010 9:09 pm

Takuar...

Takuar kemi qënë mijra vjet më parë
Gladiatorë fatkeqë dhe fatmirë njëkohësisht
Rrethuar ulërimash spektatorësh të pafaj
Që vrasjen tonë urdhëronin me gisht.

Të gjymtuarit, të mjerët, të pafajshmit e fajshëm
Skllavërinë e vetvetes, skllavëronin marëzisht
Arenave të kohës kërkonin që shpatën
T'ja ngulnim njeri-tjetrit, nga i uluri gisht.

Takuar kemi qënë, si sot e kujtoj
Kohët e ngjashme kanë mbetur sërish
E njëjta arenë, i njëjti spektator
Na vret dhe rivret, nga i njëjti gisht.

Takuar do jemi në vazhdim shekujsh
Me kohët e ngjashme, do tallemi o mik
Spartakë të penës kemi për të mbetur
Derisa të drejtohet, i përkuluri gisht!

nga capkenja Mon Mar 22, 2010 9:10 pm

S’e dija…

S’e dija ç’ishte puthja
Të putha!
S’e dija ç’ishte humbja
Humba!

S’e dija ç’ish’ e mosqëna
Nuk isha!
Zjarri ç’më ndizej brenda
Dhe digjesha!

S’e dija, vërtet, s’e dija
Sa mir’!
I mosditur tek ty vija
Prap’ vij!

nga capkenja Mon Mar 22, 2010 9:11 pm

Takim me veten

E pashë veten diku tjetër
Apo ajo diku më pa?
Për një çast hutuar mbetëm
Bashk’ me ne dhe ai çast.

I thashë unë diçka vetes
Apo ajo diçka më tha?
Di që thamë të njëjtin emër
Por jo në gjithshka.

S’isha unë dakort me veten
Apo ajo me mua s’ish?
Lamë takim për herë tjetër
Mbase më qetësisht!

nga capkenja Mon Mar 22, 2010 9:11 pm

S’e mar vesh

S’e mar vesh si ikën dita
Javën s’e mar vesh
Erdh’ e djela që e prita
Dhe iku më shpejt.

S’e mar vesh si ikën java
Muajin vesh s’e mar
Porsa ngrimë, plasim nga vapa
Qeshim pak, shum’ qajm’

S’e mar vesh si ikën muaji
Vitin, kur u zhduk
Ndaj moj zemër, çastet duaji
Ato rrojn’ më shum’.

nga **Eda** Mon May 24, 2010 2:30 pm

capkenja shkruajti:S’e dija…

S’e dija ç’ishte puthja
Të putha!
S’e dija ç’ishte humbja
Humba!

S’e dija ç’ish’ e mosqëna
Nuk isha!
Zjarri ç’më ndizej brenda
Dhe digjesha!

S’e dija, vërtet, s’e dija
Sa mir’!
I mosditur tek ty vija
Prap’ vij!

me ka mar malli Pak filozofi 189962

nga dajti i modh Mon May 24, 2010 5:22 pm

erdh mretnesha erdh mretnesha te duaaaa

nga Vizitor Thu Aug 12, 2010 4:09 pm

NJERIU
Pas fjalëve t’mëdha fshihet zbraztia
Pas lajkave fshihet mëria
Pas dinakëris fshihet ligësia
Pas arrogances fshihet dobesia.
Pas shpirtit pastër bukuria
Pas mendjes së ndritur qëndron dija!
Pas ndihmës panevoje fshihet dyftyresia
Pas veprave t'secilit shihet njerzia.
Pas çdo dhimbje ndjeshmëria
Pas mirësisë rri shpirtmadhësia
Pas goditjes shpirtngushtësia
Pas çdo dimri vjen pranvera...
Pas çdo nate agon prap dita,
Pas dashuris qëndron Hyjnia
Pas çdo gjëje fshihet nji shkas I mir apo i keq që do të godas....

nga Vizitor Thu Aug 12, 2010 4:16 pm

Dërguar mikut/mikes(pa adresë)
Mos harro,mik/mike ti mundesh dhe arrinë të bësh atë që do,të duhet pak kurajo, forcë, një dorë mbështetjeje nga une e ke, e gjithmonë do ta kesh..Lufto mik/ mike,arrijë aty ku do të arrish majën e suksesit.Mos lejo që e kaluara të të ndjek ajo u varros u mbyll sikurse vitet që i lë pas.. Hapi syte shiko bukurine që të pret para ,shiko ti veten je i/e mrekulluesheme andaj mos dysho që nuk do kesh jetë të mrekullueshme..ke një shpirt të madh që dashuri fal pa kursyer.Forca mik/mike merr fererët në dorë të jetës tënde ,me kokën lartë vazhdo aty ku je nisur ,mos u ndal ti mundesh ti mundesh ngulitet në kokë…Ti mundesh dhe do te arrish aty ku do…Mos u ndal ….Vazhdo lufto,në jetë të gjithë ne jemi luftëtarë merr shpaten(suksesin)dhe priju sfidave bëju ballë..Nuk je vetëm mik/mike ti mundesh,ke forcë brënda teje…..Vazhdo mos u ndal ..TI MUNDESH;

nga Vizitor Thu Aug 12, 2010 4:21 pm

BURRI

Në lavatriçen e trurit lava shumë mendime,
Vetëm yllin tim do shikoj në lindje e perëndim.
Kur hëna shfaqi bukurinë para derës sime,
Syri harroi që mëndja dha premtim...

Atje ku hyn kshilla, mëndja dhe llogjika,
Burri hesht, nuk i pëlqen kritika!