Po afrohet sfida e frikshme - El Clasico

nga Barbi Fri Nov 27, 2009 8:26 pm

Konfrontimet mes Barcelonës dhe Real Madridit nuk janë ndeshje për njerëzit me zemër të dobët. Kjo është një nga sfidat më të paparashikueshme, temperamente, por edhe frymëzuese për të gjithë botën e futbollit, dhe të gjitha klubet tjera në botë.

Çdo edicion i këtij karnavali të lë pa frymë sepse gjithnjë ndodh që aty të ketë një moment të rëndësishëm, apo një ngjarje që përcakton karrierën e një lojtari apo një periudhë të veçantë të klubit.

Dhe me këtë ndeshje vetëm disa ditë larg, ne i ftojmë të gjithë adhuruesit e futbollit që të ndjekin yjet e kësaj loje të cilët do të zbresin për të dhënë shfaqjen më të madhe në botë, sa i përket futbollit – bëhet fjalë pikërisht për ndeshjen e frikshme - El Clasico
>

nga Barbi Fri Nov 27, 2009 8:28 pm

Xavi: Reali viktimë e suksesit të Barcelonës

Në prag të derbit El Clasico që zhvillohet nesër në Nou Camp, Xavi Hernandez thotë se Reali i Madridit është viktimë e suksesit të Barcelonës.
“Ata kanë një filozofi tjetër, por unë e preferoj tonën”, ka thënë Xavi pasi është kërkuar të krahasojë dy klubet spanjolle.

“Tash, Madrid është viktimë e lojës tonë dhe e suksesit tonë. Ata kanë harxhuar shumë para pas triumfeve tona. Për momentin, ata po ia dalin mirë pasi ata janë mbi ne në tabelë“.

“Ne duhet të kemi shumë respekt për Madridin, pasi ata janë një ekip shumë i vështirë për t’u mposhtur. Dhe rezultati 2-6 është histori”, ka thënë Xavi./Telegrafi/

nga Barbi Fri Nov 27, 2009 8:29 pm

Cruyff: Barcelona luan mijëra herë më mirë se Reali

Legjenda e Barcelonës, Johan Cruyff, thotë se çdokush e pëlqen mënyrën se si luan ekipi i Pep Guardiolas.
“Kampionët luajnë mijëra herë më mirë se Real Madridi. Është mirë për t’u parë kur luan Barcelona. Çdokush është i joshur nga ky lloj i futbollit dhe kualitetet teknike. Ne duhet të kënaqemi”.

“Manuel Pellegrini ka qenë në Real Madrid për vetëm tre muaj dhe merriton më shumë kohë për të kompletuar filozofinë e tij”, ka thënë holandezi në prag të derbit spanjoll./Telegrafi/

nga Barbi Fri Nov 27, 2009 8:31 pm

Valdano: Barcelonës i ka kushtuar 20 vite të luajë mirë

Menaxheri gjeneral i Realit të Madridit, Jorge Valdano, ka lëshuar një ‘thumbim’ në drejtim të Barcelonës në prag të takimit derbi, El Clasico.
Valdano pranon se Barcelona luan futboll më të mirë, por thotë se atyre iu ka kushtuar ’20 vite’ të fillojnë të luajnë një stil të tillë.

“Barca vërtet tregon një futboll shumë të mirë, e vërtetë, dhe mbase është periudha më e mirë të cilën e kalojnë në historinë tyre. Por, atyre iu ka kushtuar 20 vite për të arritur këtë pjekuri kolektive”.

“Ne kemi pasur nevojë për vetëm katër muaj për të arritur kulmin e tabelës dhe ështëe padrejtë të krahasojmë se ku janë këto dy ekipe për momentin. Po, ne kemi pasur probleme me lojën atraktive, por ende po fitojmë. Dhe e kemi bërë këtë pa Cristianon”, ka thënë Valdano./Telegrafi/ >