Re: Dietat...ja ca receta dhe keshilla!

nga Barbi Sun Nov 15, 2009 9:59 am

Vaji i ullirit, në peshoren e vlerave dhe antivlerave

Vaji i ullirit, përbën një formulë shëndeti dhe jetëgjatësie. Në të gjenden acidet omega-3-yndyrore, vitamina A dhe E, metale, selen, si dhe substanca antioksiduese, të cilat mbrojnë qelizat nga shkatërrimi, që mund të vijës si pasojë e radikaleve e të lira.
Në balancën mes të mirave dhe të këqijave natyrisht, peshorja anon nga dobitë. Kështu është provuar shkecërisht se vaji i ullirit rrit sasinë e kolesterolit duke ndihmuar kështu funksionin e mirë të enëve të gjakut.
Parandalon formimin e trombozave. Personat që konsumojnë dy lugë vaj ulliri në ditë, kanë rënie të LDL-kolesterolit dhe ngritje të nivelit të substancave antioksiduese në gjak të cilat kanë efekt pozitiv në mbrojtjen e zemrës. Ul presionin e gjakut dhe ndihmon në terapinë e hipertensionit. Ndihmon në funksionin optimal të trurit, si dhe në shëndet të mbarë të kockave, sidomos në fëmijë të vegjël, pasi ndihmon në absorbimin e kalciumit.
Duke qenë i pasur në vitaminë E, ndihmon në mbarëvajtjen e procesit të plakjes dhe, për këtë, është i domosdoshëm për të moshuarit. Mbron stomakun nga ulcera dhe gastriti. Po kështu mbron mëlçinë nga çrregullime dhe infeksione të ndryshme.
Studimet e reja tregojnë se vaji i ullirit ndihmon në parandalimin e kancerit të lëkurës, të zorrës, të prostatës dhe të gjirit dhe mbron qelizat e ADN-në nga deformimet, që mund të çojnë në shfaqjen e kancerit. Është më rezistues ndaj temperaturave të larta të gatimit.
Tani erdhi radha e efekteve negative. Duhet dimë edhe këtë: Vaji i ullirit është produkti që, në 100 g ka pothuajse 1.000 kalori, më shumë nga çdo lloj ushqimi tjetër. Për këtë arsye duhet konsumuar me sasi shumë të kufizuara, pasi mund

nga Barbi Sun Nov 15, 2009 10:00 am

Ushqime te dobishme

Studimet në lidhje me trupin e njeriut dhe ushqimin përmendin faktin se forma e çdo peme, bime apo perimi tregon pjesën e trupit për të cilën është e dobishme…
Ja disa shembuj:
Kjo është karrotë e prerë për së gjëri; i përngjan bebzës së syrit; dhe me të vërtetë, studimet kanë vërtetuar se karrota është shumë e dobishme për shikimin.

Kjo është një shtresë domate e kuqe, e cila ka katër zgavra, sikurse zemra e cila ka ngjyrë të kuqe si dhe katër zgavra. Të gjitha studimet bashkëkohore vërtetojnë se domatet janë ushqim i zemrës dhe gjakut.

Tufa e rrushit i përngjan formës së jashtme të zemrës, dhe çdo kokërr rrushi i përngjan një qelize të gjakut. Tashmë studimet tregojnë se rrushi është i shëndetshëm për zemrën, e po ashtu edhe për gjakun.

Arra i përngjan së tepërmi formës së trurit me dy hemisferat e tij! Studimet vërtetojnë se ngrënia e arrës ndikon në rritjen e shumë qelizave nervore të cilat ndihmojnë veprimtarinë e trurit…

Fasuleja u ndihmon veshkëve në kryerjen e punës së tyre…; ajo i përngjan formës së tyre…

Selino i përngjan formës së eshtrave, madje është e dobishme për to. Sasia e sodiumit në selino është 23 %; e njëjta përqindje gjendet në eshtra.

Avokado, patëlxhani dhe dardha janë të domosdoshme për shëndetin e mitrës së gruas. Studimet tregojnë se nëse gruaja ha një kokërr avokado për çdo javë, një gjë e tillë ndihmon në barazpeshën e hormoneve të mitrës si dhe pakëson gjasat e sëmundjes së kancerit të qafës së mitrës. Është me rëndësi të përmendim faktin se avokado ka nevojë për 9 muaj që të piqet plotësisht.

Fiku.. Është pemë e mbushur plotë e përplotë me fara, dhe se përdorimi i tij është i dobishëm për burrat, pasi rrit numrin e spermatozoidëve si dhe pakëson gjasat e sterilitetit.

Ulliri është i dobishëm për shëndetin dhe punën e vezoreve të gruas…

Patateja e ëmbël për nga forma i përngjan pankreasit dhe ndihmon në barazpeshën e sheqerit në gjak.

Portokalli, limoni dhe agrumet tjera u përngjajnë gjëndrave të cilat tajitin qumështin në gjoksin e gruas, madje ato janë të rendësishme për shëndetin e gjirit…

Qepa… u përngjan qelizave të trupit… Studimet tregojnë se qepa ndihmon në pastrimin e trupit nga sekrecionet, si dhe i bën sytë të lotojnë, me ç’rast lotët bëjnë pastrimin e shtresave të syve.

nga Barbi Sun Nov 15, 2009 10:01 am

7 ushqimet që të mbajnë të ri

“Rinia e përjetshme” dhe “pavdekësia”, dy prej ëndrrave të hershme të njerëzimit, frymëzojnë shkencëtarët që gjejnë te ushqimet elementë të bukurisë dhe jetëgjatësisë
7 ushqimet që të mbajnë të ri
1.Vaji i ullirit
Katër dekada më parë, kërkime nga studimi i kryer në shtatë shtete, tregoi se vaji i ullirit është përgjegjësi për rastet e pakta, për sëmundjet e zemrave dhe të kancerit në ishullin grek të Kretës. Tani, ne dimë se vaji i ullirit përmban polifenol, një antioksidant të fortë që parandalon sëmundje të ndryshme në moshë të madhe.
2.Vera
Të pish alkool, do të thotë t’u hapësh dyert sëmundjeve të zemrës. Të gjitha pijet alkolike sjellin probleme, përveç verës së kuqe, e cila është vënë në qendër të studimeve. Vera e kuqe përmban resveratol, një substancë e cila, pas studimeve të bëra te kafshët, tregoi se mund të aktivizojë gjene që ngadalësojnë plakjen e qelizave.
3.Boronicat
Në një studim të gjerë të publikuar në vitin 1999, kërkimet e bëra nga Universiteti i Taftit, nxorën në dritë faktin se minjtë e ushqyer për një periudhë kohe me boronica, jetuan më gjatë se të tjerët, për një kohë të barabartë me 10 vite njerëzore. Përbërësit e boronicës ulin oksidimin e dëmshëm dhe përmirësojnë deficitet që në memorie.
4.Peshku
Tridhjetë vjet më parë filluan studimet rreth numrit të vogël të rasteve me sëmundje të zemrës te inuitët, banorë të lindur të Alaskës. Arsyeja ishte e thjeshtë: Konsumimi i madh i peshkut. Te peshku gjendet me sasi të bollshme acidi yndyror omega-3, që ndihmon në uljet e dëmeve që sjell kolesteroli në arterie dhe mbron zemrën nga ritmet anormale.
5.Kosi
Në vitet 1970, ish-Republika Sovjetike e Gjeorgjisë, mburrej me faktin se kishte më shumë 100-vjeçarë për frymë të populltës se në çdo rajon tjetër të botës. Koha nxori në dritë sekretin: Konsumimi i madh i kosit. Kosi është pasur me kalcium dhe me “baktere të mira”, që ulin rrezikun e ostoperozës dhe të sëmundjeve në moshën e tretë.
6.Bajamet
Studimet e bëra nga “Ithtarët e Ditës së Shtatë”, një sekt fetar që predikon edhe jetën e shëndetshme dhe dietat vegjetariane, tregojnë se ata që konsumojnë rregullisht bajame, lajthi apo arra, përfitojnë 2.5 vjet jetë më shumë sesa ajo që do të jetonin nëse nuk do të ushqeheshin me to. Sekreti? Numri i lartë i vitaminave dhe mineraleve te këto ushqime.
7.Çokollata
Popullata e fisit Kuna, në ishujt San Blas, në brigjet e Panamasë kanë një numër nëntë herë më të ulët të rasteve me sëmundje të zemrës se në krejt pjesën tjetër të brigjeve panamaiane. Arsyeja? Ata konsumojnë shumë lëngje me bazë çokollatën, çka përmirëson ndjeshëm qarkullimin e gjakut, ul rrezikun për tensionin e lartë dhe të diabetit të tipit 2.
Ushqimi është faktori kryesor që ndikon për të pasur një jetë të gjatë dhe të shëndetshme. Në qoftë se doni të gëzoni “rininë e përjetshme” dhe të shtoni numrin e viteve të jetës suaj, atëherë duhet të dini se cilat janë ushqimet e një jete më të gjatë dhe në harmoni me natyrën. Pjesa më e madhe e shqiptarëve, sidomos pas viteve ’90, kanë vuajtur përherë nga mbipesha dhe obeziteti, të cilat nuk janë vetëm një problem estetik, por edhe një faktor rreziku për shumë sëmundje.
Shqiptarët, tashmë të ndërgjegjësuar në lidhje me problemet që shkakton mbipesha dhe obeziteti për shëndetin, kanë ndjerë nevojën e korrigjimit të këtij problemi, duke u konsultuar me dietologë dhe duke iu drejtuar qendrave distike.
Dietologia Enkelejda Ferrollari, na tregon se cilat janë ushqimet më të shëndetshme dhe se si duhen përdorur ato. Ndër këto ushqime mund të përmendim vajin e ullirit, peshkun, kosin, çokollatat, verën, bajamet dhe lajthitë etj. E përbashkëta e këtyre ushqimeve është se ato përmbajnë në sasi të konsiderueshme edhe përbërës antioksidues, të cilët pengojnë veprimtarinë e radikaleve të lira në trupin e njeriut. Këto radikale të lira kanë aftësinë të shkatërrojnë një sërë qelizash që duhen për funksionimin normal të organizmit.
“Të tëra këto ushqime që përmendëm janë ushqime të domosdoshme për organizmin e njeriut dhe që përmbajnë shumë vlera ushqyese, qoftë në nivel makro, qoftë mikro. Por që, sigurisht, gjatë konsumit të këtyre ushqimeve, duhet të jemi të kujdesshëm për të mos tejkaluar sasitë e domosdoshme”,- thekson dietologia Ferrollari.
“Vaji i ullirit është i pasur me vitamina A dhe E, si dhe me përbërës të grupit të fenolëve që veprojnë si antioksidues dhe ndihmojnë në eliminimin e radikaleve të lira. Peshku dhe kosi janë një burim shumë i mirë proteinash për organizmin. Peshku është gjithashtu edhe një burim kryesor i acideve yndyrore esenciale omega 3, të cilat organizmi i njeriut nuk arrin t’i sintetizojë vetë, por i merr të gatshme nga ushqimet. Konsumi i peshkut ndihmon në uljen e sasisë së kolesterolit të keq, si dhe në parandalimin e sëmundjeve të ndryshme kardiovaskulare.
Për sa i përket kosit, përveçse një burim shumë i mirë proteinash dhe kalciumi, është edhe një burim shumë i mirë me përbërës probiotikë që ndihmojnë në rregullimin e florës bakteriale në organizëm, ç’ka sjell një funksionim të mirë të aparatit tretës. Por, mes këtyre ushqimeve, ka edhe nga ato që duhen mbajtur nën kontroll për të mos e parë veten me disa kilogramë më shumë. “Vera, çokollata hyjnë në grupin e ushqimeve që duhet t’i konsumojmë në mënyrë të kontrolluar. Ato përmbajnë disa përbërës të grupit të fenolëve që shërbejnë si antioksidues shumë të mirë, por nga ana tjetër janë ushqime kalorike dhe që konsumi me tepri shkakton një masë kalorie të tepruar në organizëm, çka çon në depozitimin në masë dhjamore.
Lajthitë dhe bajamet ose frutat e thata, gjithashtu, hyjnë në grupin e ushqimeve që duhet të konsumohen me kujdes pa i tejkaluar sasitë, pasi megjithëse janë një burim shumë i mirë proteinash, acidesh yndyrore të pangopura, vitaminash (E, B6, etj.) kripërash minerale (hekur, magnez, kalcium etj.),janë gjithashtu ushqime plot kalori, që depozitohen në masë dhjamore nëse konsumohen me tepri. Konsumi i tyre në sasira të vogla, ka aftësi shumë të mira antioksiduese, të rregullatorit të sasisë së glicemisë në gjak, si dhe të nivelit të kolesterolit. Pra, të tëra këto ushqime janë të domosdoshme për organizmin, por të konsumuara në sasi të kontrolluara”, – përfundon dietologia Ferrollari.

nga Barbi Mon Nov 16, 2009 2:13 pm

Ushqimet e bukurisë

Që të dukeni e bukur duhet patjetër të ushqeheni mirë. Të hash mirë ju mban ju dhe lëkurën e freskët. Më poshtë janë një numër ushqimesh që ju mbajnë në formë dhe që quhen ushqimet e bukurisë
Arrat
Janë ushqim i mirë kundër plakjes. Kanë përqindje të lartë të vitaminës E dhe ndihmojnë që lëkura të jetë e butë. Por mbani parasysh se duhet të hani pak pasi kanë kalori
Proteinat
Për të pasur thonj të fortë dhe kockën e fortë duhen proteinat. Proteinat i gjeni tek mishi i pulës, te fasulet, te peshku tuna.
Vitamina B
Ushqimet e pasura me vitaminë B i bëjnë flokët tuaj të ndritshëm. Të pasura me këto vitamina janë vezët, qumështi, perimet jeshile, qepa dhe kastraveci.
Peshku
Të hash peshk si salmoni do të thotë që ju keni marrë Omega 3, që ndihmon në hidratimin dhe ushqimin e lëkurës.
Zinku dhe kalciumi
Zinku gjendet te mishi i pulës, veza, ushqimet e detit. Edhe kalciumi ndihmon në pastrimin e lëkurës. Ai ndodhet te kosi, djathi me pak kalori dhe te qumështi. Këto ushqime jo vetëm që zbardhin fytyrën, por reduktojnë edhe rrudhat.
Vitamina C
Kjo vitaminë ndihmon në reduktimin e rrudhave. Kivi si frutë është më i miri për vitaminën C. Të tjerat janë portokalli, mangot, limoni, etj.
Vitamina E
Është e njohur si një nga vitaminat që shmang djegien e lëkurës nga dielli. Nëse hani shumë pjeshka do të keni vitaminën E në trupin tuaj.
Vitamina C dhe hekuri
Këto dy vitamina së bashku ndihmojnë që të largohet rrethi i zi te sytë.
Uji
Pini sa të mundni ujë. Uji ndihmon në largimin e toksinave nga trupi dhe ndihmon në freskinë e lëkurës.
Domatja
Domatet përmbajnë antioksidantë, beta-karotin dhe vitaminë C. Hajeni domaten sa më shumë dhe ju do t’i merrni këta antioksidantë. E mira është që domatja të shoqërohet me pak vaj ulliri.
Molla
Për të pasur dhëmbë të mirë, hani mollë.
Pjepri i hidhët kundër diabetit
Substancat kimike të izoluara nga pjepri i hidhët kanë potencial të fortë për prodhimin e barnave të reja për mjekimin e diabetit.
Eksperimentet in vitro dhe studimet te minjtë laboratorikë kanë treguar se substancat nga pjepri i hidhët, e kanë zvogëluar sasinë e glukozës në gjak dhe e kanë përmirësuar metabolizmin e glukozës, ndërsa disa komponentë tjerë të këtij lloji të pjeprit kanë shfaqur efekt të ngjashëm me insulinën.
Supozohet se pjepri i hidhët përmban afër 70 përbërës aktivë biologjikë, ndërsa për terapi mjekësore në mënyrë tradicionale përdoret në Azi.
Çokollata ka ndikim pozitiv te shtatzënat
Shkencëtarët nga Universiteti i Yale pohojnë se konsumi i çokollatës në shtatzëni zvogëlon mundësitë për shfaqjen e komplikimeve serioze të preeklampsisë (ngritja e shtypjes së gjakut te shtatzënat që shoqërohet me praninë e proteinave në urinë).
Çokollata përmban sasi të madhe të teobrominës, e cila stimulon punën e zemrës dhe kështu lëshon dhe zgjeron enët e gjakut, duke zvogëluar në këtë mënyrë mundësitë e shfaqjes së preeklampsisë.
Teobromina tanimë shfrytëzohet në mjekimin e dhimbjeve në kraharor, rritjen e shtypjes së gjakut dhe në parandalimin e ngurtësimit të enëve të gjakut.
Shkencëtarët shtojnë se teobromina mund ta rregullojë edhe qarkullimin brenda placentës duke bllokuar në këtë mënyrë stresin oksidativ.
Këto rezultate të reja janë të bazuara në përcjelljen e rreth 2300 shtatzënave dhe në analizat e sasisë së teobrominës në gjakun e foshnjave të tyre.
Në bazë të këtyre provave është treguar se sasia e lartë e teobrominës zvogëlon rrezikun për paraqitjen e preeklampsisë deri në 70%.
Fytyra juaj mund të mbetet e re për një kohë të gjatë
Nëse konsumoni më shumë nga ushqimet e poshtëshënuara, leni duhanin dhe nuk vendosni në fytyrën tuaj kremra me përmbajtës të shprehur kimik dhe ato me faktor të lartë mbrojtës, atëherë fytyra juaj për një kohë të gjatë do ta ketë pamjen e njomë dhe të re.
Molla- ndihmon në largimin e materieve toksike nga organizmi dhe pasuron atë me shumë vitamina, sidomos kvercetin.
Karota- Është e pasur me beta-karoten, i cili e mbron lëkurën nga veprimet e dëmshme të rrezeve të diellit.
Dredhëzat- Janë të pasura me vitaminë C, e cila mes tjerash ndihmon në ndërtimin e kolagjenit (proteina kryesore e indit lidhor). Po ashtu përmbajnë acid elagik i cili është i pazëvendësueshëm në luftën kundër kancerit dhe mbrojtjes së ADN.
Piperi i kuq- Përmban sasi të madhe të vitaminës C (dy herë më shumë se portokalli), e cila ndihmon në krijimin e kolagjenit dhe është përgjegjëse për tendosjen dhe fortësinë e lëkurës.
Rrushi- Rrushi përmban antioksidantë të cilët i forcojnë kapilaret, pengojnë zgjerimin e venave dhe po ashtu ndihmojnë në ndërtimin e kolagjenit.
Qepa- Njëri nga burimet kryesore të flavonoidit (antioksidant) dhe kvercetinës, të cilët kanë veprime kundër inflamacionit dhe kundër alergjisë. Besohet edhe në dobinë e tyre për të penguar sëmundjet e zemrës dhe kancerit.
Peshqit- Përmbajnë acide-omega 3-yndyrore të cilat janë miku më i mirë i lëkurës së thatë. Këto acide e zbusin edhe psoriazën (sëmundje e lëkurës) dhe pengojnë paraqitjen e njollave në lëkurë. Peshku i konservuar është po aq efektiv sa peshku i freskët.
Vaji i ullirit- Ushqim shumë i shëndetshëm i cili në kombinim me perime pengon paraqitjen e njollave në fytyrën tuaj.
Guacat- Përmbajnë zink dhe janë burimi i vërtetë i bukurisë, sepse zinku merr pjesë në ripërtrirjen e qelizave të lëkurës. (Sidomos, preferohen te personat të cilët kanë lëkurë problematike, akne dhe procese tjera inflamatore në lëkurë).
Kumbullat e thata- Përmbajnë materie të cilat i shuajnë radikalet e lira në gjak. Ndërsa, sa më pak radikale të ketë, aq më e vogël është mundësia që lëkura juaj t’i ngjajë kumbullës së thatë.
Femrat që hanë ushqim kalorik lindin djem
Shkencëtarët britanik kanë pohuar se femrat të cilat dëshirojnë të lindin djem duhet të hanë ushqime me kalori të mëdha në kohën kur dëshirojnë të mbeten shtatzëna.
Ekspertët nga Universiteti Exeter kanë studiuar shprehitë ushqyese të 740 shtatzënave dhe i kanë krahasuar me të dhënat për gjininë e fëmijës së tyre.
Rezultatet kanë treguar se gjinia e foshnjës është e lidhur ngushte me sasinë e kalorive të cilat femrat i marrin gjatë ditëve të mbarësimit, nëse kjo sasi është e lartë atëherë mundësia është e madhe që foshnja të jetë mashkull.
56% e femrave të cilat kanë ngrënë ushqime kalorike kanë lindur djem, ndërsa vetëm 46% e femrave të cilat kishin marrë më pak kalori kanë pasur foshnjat e tyre meshkuj.
Qumësht për eshtrat e meshkujve
Edhe pse osteoporoza (sëmundje e eshtrave) më shpesh prek femrat, nuk do të thotë se meshkujt nuk duhet të kujdesen për shëndetin e eshtrave të tyre.
Në një studim në të cilin janë përfshirë 100 meshkuj me moshë mbi 50 vjeçare, është treguar se konsumimi i qumështit është i dobishëm edhe pas ndërprerjes së konsumimit të tij.
Meshkujt brenda dy viteve kanë konsumuar qumësht të pasur me kalcium dhe vitaminë D që ka ndaluar apo ngadalësuar humbjen e masës kockore, ndërsa është interesante se si shëndeti i mirë i indit kockor ka qëndruar edhe 18 muaj pas ndërprerjes së konsumimit të qumështit të pasuruar
Rreziqet që na kanosen nga teprimi me sheqerin
Sipas shkencëtarëve, sheqeri është një nga ushqimet më të dëmshme për shëndetin e njerëzve, ndaj ata e kanë quajtur atë, “helm i bardhë”… Ja disa nga dëmet e këtij “helmi”…
1. Nga konsumimi i sheqerit krijohen luhatje të përmbajtjes së tij në gjak, pasojë e të cilave është ndryshimi i shpeshtë i gjendjes shpirtërore, lodhja, dhimbjet e vazhdueshme të kokës, uria për ushqime të ëmbla, etj. Më e keqja është se në organizëm krijohet gradualisht një vartësi e posaçme, kur çdo dozë e re sheqeri, pasi sjell një lehtësim të përkohshëm, shton urinë për ëmbëlsira…
2. Studimet e vazhdueshme shkencore kanë treguar se sa më shumë produkte glikemie (që ndikojnë në përmbajtjen e sheqerit në gjak, përfshirë edhe sheqerin) të përdoren, aq më i lartë është rreziku nga dhjamosja ose diabeti. Këto ushqime shtojnë gjithashtu rrezikun nga sëmundjet kardiovaskulare dhe disa forma të kancerit.
3. Konsumimi i tepërt i sheqerit prish balancën e substancave dhe sidomos, fermenteve, mirëpo kur prishet kjo balancë, lind mundësia e dobësimit të imunitetit dhe kjo, natyrisht, sjell sëmundje të ndryshme.
4. Në qoftë se një njeri merr ushqime të pasura me sheqer dhe me hidrokarbure të tjera të pastra, në organizmin e tij krijohet një deficit i kromit, një nga funksionet e të cilit është rregullimi i nivelit të sheqerit në gjak. Kromi merret nga ushqime të ndryshme me prejardhje bimore dhe shtazore, mirëpo niseshteja e pastër dhe hidrokarburet e tjera e “zhdukin” kromin nga këto ushqime.
5. Sheqeri shpejton proceset e plakjes. Një pjesë e molekulave të tij hyjnë në gjak, ku bashkohen me proteinat dhe strukturat e reja molekulare që krijohen si pasojë e këtij procesi ndikojnë në dobësimin e elasticitetit të indeve, duke filluar që nga lëkura, deri tek indet e organeve dhe të arterieve. Sa më e lartë të jetë përqindja e sheqerit në gjak, aq më shpejt vjen pleqëria.
6. Sheqeri mbetet nëpër dhëmbë dhe shton rrezikun e kariesit më shumë se çdo ushqim tjetër. Veç kësaj, ai mund të bëhet shkak për infektimin e mishrave të dhëmbëve, të cilat, duke pasur lidhje me sistemin kardiovaskular dhe gjithë sistemin imunitar të organizmit, sjellin edhe dëmtimin e tyre.
7. Sheqeri shton stresin. Organizmi i njeriut ka një sistem mbrojtës nga shqetësimet dhe streset, që bazohet tek adrenalina, epinefrina dhe kortizoli. Gjatë konsumimit të sasive të mëdha të sheqerit, këto hormone mund të japin alarmin, duke na shqetësuar dhe duke ndikuar në ndryshimin e humorit tonë.
8. Sipas të dhënave të Ministrisë së Bujqësisë të SHBA-së, si pasojë e konsumimit të sheqerit, në organizmin e njerëzve mungojnë disa substanca shumë të rëndësishme ushqyese si vitaminat A, C, B.12, kalciumi, fosfori, magneziumi, hekuri dhe acidi folik. E keqja është se këto mungesa janë zbuluar më shumë te fëmijët, pra, pikërisht tek ata që kanë më shumë nevojë për to… Sheqeri, me sa duket, nuk i jep mundës organizmit që t’i përvetësojë ato.

nga Barbi Mon Nov 16, 2009 2:14 pm

Kërpudhat – ushqim i perëndive!

Kërpudhat e tipit “butona”, që janë ato më të zakonshmet në treg, janë konsumuar që në kohët më të hershme të njeriut gjuetar – korrës. Në lashtësi, kërpudhat janë konsideruar si ushqim me fuqi të veçanta. Egjiptianët mendonin se kërpudhat mund të dhuronin përjetësi, dhe vetëm faraonët kishin privilegjin e konsumit të tyre, ndërsa njerëzit e thjeshtë ndalohej t’i preknin, e jo më t’i hanin. Në Romën e lashtë, njerëzit, shpesh u referoheshin kërpudhave si cibus diorum – ushqim për perënditë. Folklori i shumë vendeve si, Rusisë, Kinës dhe Meksikës, përmban mitin se kërpudhat i japin njeriut fuqi të mbinatyrshme.
Edhe pse kërpudhat janë shijuar nga njerëzit prej mijëvjeçarësh, vetëm në shekullin e XVII ato filluan të kultivoheshin. Përpjekjet e para u bënë në Paris. Në Amerikë kultivimi filloi në shekullin e XIX. Tashmë, ato kultivohen në shumë vende të botës, me prodhues më të madh Amerikën, dhe konkretisht Pensilvaninë.
Vetitë dobiprurëse të kërpudhave për shëndetin
·Ka 20 vjet që studiohen fitonutrientet që gjenden në kërpudhat e ndryshme për vetitë e tyre antikancerogjene. Duke i shtuar dietës sonë konsumin e kërpudhave, mund të ndihmojë në mbrojtjen kundër kancerit të gjirit, duke parandaluar nivelet e tepruara të estrogjeneve në organizmin e një femre. Kjo arrihet nëpërmjet ndalimit të një enzime në trup, të quajtur “aromatase”, e cila është e nevojshme për prodhimin e estrogjenit.
·Kërpudhat janë burim i pasur i seleniumit – një metal shumë i rëndësishëm për fuqinë antioksiduese të organizmit, e cila e mbron nga radikalet e lira. Si i tillë, ai luan rol në mbrojtjen kundër kancerit të zorrës së trashë, por gjithashtu dhe në lehtësimin e simptomave të astmës dhe artritit, si dhe në mbrojtjen kundër sëmundjeve të zemrës. Seleniumi është i rëndësishëm në rigjenerimin e qelizave të ADN-së, një mekanizëm më shumë në mbrojtjen kundër kancerit.
·Minerali i bakrit është një tjetër përbërës i kërpudhave, i cili rezulton pozitiv kundër artritit reumatik.
·Kërpudhat janë burim hekuri, një nga komponentët më të rëndësishëm në prodhimin e rruazave të kuqe të gjakut.
·Kërpudhat kanë përmbajtje optimale të kompleksit të vitaminave B, të cilat janë jetike për metabolizmin.
·Përmbajtja e lartë në metalin zink, i bën kërpudhat shumë të dobishme për sistemin imunitar.
·Studime të shumta kanë treguar se, konsumi i mjaftueshëm i kërpudhave, lidhet me mbrojtjen kundër sëmundjes Alzheimer dhe sëmundjeve të lidhura me plakjen, në sajë të përmbajtjes së tyre të lartë në niasinë.
Sa shpesh t’i konsumojmë
Konsumi i kërpudhave, në një sasi 30 gr, 2-3 herë në javë, është një sasi optimale për të përfituar benefitet që ky ushqim ofron për shëndetin.
Të këqijat
Edhe kërpudhat, ashtu si shumë ushqime të tjera, janë të pasura në purina, dhe, për këtë arsye, njerëzit që kanë probleme me metabolizmin e purinave në organizëm, është mirë ta evitojnë konsumin e këtyre ushqimeve.
Si t’i konsumojmë
Kërpudhat, të prera në feta të holla, mund të përdoren të gjalla në sallata të ndryshme të freskëta si, sallatë jeshile, sallatë me spinaq të freskët, në një salcë domateje, etj.
Ato shkojnë shumë mirë të kafërdisura me pak qepë, në anë të një pjate mishi.
Pasi i hiqni kërcellin, mund t’i mbushni me djathin tuaj të preferuar dhe t’i piqni në furrë.
Kërpudhat mund të bëjnë një vezë omeletë shumë të shijshme.

nga Barbi Mon Nov 16, 2009 2:14 pm

Këshilla si të humbni peshë
Ja disa këshilla që do t’ju ndihmojnë në këtë drejtim

Zamra – e domosdoshme
Midis shujtave kryesore, doemos duhet të ketë edhe një shujtë plotësuese – zamra. Nëse rrini një kohë të gjatë pa ngrënë, atëherë shkaktohet rënia e shpejtë e nivelit të sheqerit në gjak. Për ta korrigjuar këtë, organizmi kërkon ushqime të ëmbla. Për ta parandaluar këtë, duhet të hani pak dhe shpesh, çdo 2,5 deri 3 orë. Studimet më të reja kanë treguar se ushqime të shëndetshme për zamër janë pemët, perimet dhe ushqimet që janë të pasura me vajra bimore, si p.sh. arrat dhe bajamet. Pemët e tilla me gëzhojë lirojnë ngadalë yndyrat në qarkullim të gjakut, duke penguar kështu luhatjen e madhe të nivelit të sheqerit në gjak.

Numëroni kaloritë
Mënyra më e lehtë e heqjes së 500 kalorive në ditë nga menyja juaj, është që 250 t’i largoni nga ushqimet, e 250 kalori të tjera duke ushtruar. Është e lehtë që t’i largoni 250 kalori nga ushqimi, mjafton që në vend të djathit me yndyrë, të përdorni atë me pak yndyrë, të mos hani keksë dhe t’i evitoni pijet alkoolike. Me ushtrime lëre më që do t’i digjni 250 kalori, por do t’i forconi edhe muskujt dhe do ta shpejtoni metabolizmin, duke humbur kështu peshë edhe kur jeni duke pushuar. Çdo ditë shëtitni gjysmë ore, por duke ecur shpejt. Dhe, kurrë mos e përdorni liftin – ngjituni shkallëve.

Mos i harroni pijet
Ka shumë njerëz që mendojnë se lëngjet e pemëve janë të shëndetshme, gjë që mund të jetë edhe e vërtetë, por ato përmbajnë kalori shtesë. Nëse nuk mundeni kurrsesi pa lëngje, atëherë tëholloni ato me ujë. Në këtë aspekt nuk duhet të harrojmë të themi se pijet alkoolike janë burim i madh i kalorive, prandaj nëse doni që të humbni në peshë, e edhe të mos e dëmtoni shëndetin tuaj, evitoni plotësisht pijet alkoolike. Pini më mirë ujë mineral.

Ushqimet në restorante – bombë kalorish
Sa më shumë që të jetë e mundur, hani ushqime që i keni përgatitur vetë në shtëpi, meqë ushqimet që i hani jashtë shtëpisë, përpos që janë të shijshme (dhe të shtrenjta), janë të stërmbushura me kalori. Mësoni disa receta të ushqimeve të shëndetshme që përgatiten shpejt dhe befasojeni veten çdo ditë me ushqim tjetër.

Harroni ëmbëlsirat
Nëse edhe përkundër të ushqyerit të shëndetshëm megjithatë ende keni dëshirë për ëmbëlsira, atëherë ndoshta është më së miri që ato të mos i hani aspak. Ekspertët kanë vërejtur se dëshira për të ngrënë ëmbëlsira humbet nëse ato nuk i hani fare. Nëse aspak nuk mundeni pa to, atëherë hani rreth 30 g çokollatë të zezë në ditë, jo më shumë!

Madhësia e shujtave
Pa fije mundi do t’i humbni 2 kile nëse hani përgjysmë më pak sesa përpara. Nëse madhësinë e shujtave e zvogëloni për 15%, mund të largoni deri në 200 kalori. Në fillim do të ndieni uri, por më vonë do të mësoheni. Në ndërkohë hajeni ndonjë pemë.

Hani më shumë proteina
Organizmi absorbon vetëm 70% të kalorive nga proteinat, kurse nga karbohidratet gati 100%. Proteinat ju mbajnë më shumë të ngopur dhe ndikojnë në mbrojtjen e muskujve. Merrni rreth 100 g proteina në ditë, gjë që është e barabartë me një shujtë të vogël mish apo peshk.

Largojeni stresin
Hormoni kortizol, i cili lirohet në gjendje stresi, shkakton shtimin në peshë, sidomos në rritjen e barkut. Me kalimin e kohës organizmi nuk mund të mbrohet nga lirimi i këtij hormoni, prandaj vjen edhe deri te shtimi në peshë. Për këtë shkak duhet që të relaksoheni sa më shumë, p.sh. me ndonjë banjë, duke dëgjuar muzikë, apo, pse jo edhe duke e praktikuar fenë, me çka do të ndiheni mirë edhe në aspektin shpirtëror. >

nga Barbi Mon Nov 16, 2009 2:15 pm

Arrin dieta e re për parandalimin e sëmundjeve

Hit-dieta më e re është plotësisht ndryshe nga të gjitha deri më tani. Nuk keni nevojë të numëroni kaloritë apo në mënyrë drastike të zvogëloni konsumimin e ushqimit, por nuk ka as premtim për humbje sensacionale të kilogramëve të tepërt. Qëllimi i dietës më të re nuk është humbja e kileve, por parandalimi i sëmundjeve si kanceri, alzhaimeri dhe sëmundjet e ndryshme të zemrës. Përveç kësaj, dieta duhet të shërbejë edhe si mjet për zbutjen e dhimbjeve tek sëmundjet kronike, siç është artritisi. Dieta është krijuar në bazë të qëndrimit të ekspertëve, të cilët mendojnë se shumë vështirësi shëndetësore janë rezultat i sistemit para-mbrojtës imunitiv. Ekspertët thonë se ekziston një ushqim i caktuar, i cili ndihmon në qetësimin e sistemit imun. Ushqimet kyçe të dietës janë peshku i pasur me acide yndyrore omega 3, siç janë sardelet dhe tuna, pemët dhe perimet dhe mëlmesat. Studimet kanë treguar se acidet omega 3 dhe përzierjet e mëlmesave drejtpërdrejt ndikojnë në sistemin imun. Pra, dieta më e re, çon në konsumimin e shumë acideve yndyrore omega 3, antioksiduesve dhe fibrave. Dieta më e re sjell dobi të dyfishtë - pengon sëmundjet dhe zvogëlon simptomat e sëmundjeve kronike. “Edhe pse ende nuk janë bërë studime në detaje, besojmë se mënyra e tillë ka shumë dobi, sepse është shumë e ngjashme me mënyrën mediterane të ushqimit, i cili është dëshmuar se është shumë i shëndetshëm”, është shprehur profesori i Harvardit, Kristofer Kenon. Studiuesit pajtohen se dieta e re do t’u sjellë dobi të shumta shumë njerëzve në mbarë botën dhe se studimet e reja do të shkojnë në atë drejtim, në mënyrë që një regjim i tillë i të ushqyerit të rregullohen në detaje.

nga Barbi Mon Nov 16, 2009 2:15 pm

Ndikimi negativ i ushqimit yndyror
Hulumtimi i zhvilluar në kafshë të ndryshme ka nxjerrë si rezultat se ushqimi me përbërje të lartë të yndyrave, për pasojë mund të ketë edhe memorien e dobët dhe prirje më të pakët ndaj aktiviteteve fizike. Shkencëtarët britanik nga “Universiteti i Kembrixhit” kanë potencuar se një ndikim i tillë i sasive të mëdha të yndyrave në ushqim është vërejtur madje pas 10 ditëve. Tashmë janë mirë të njohura pasojat afatgjate të këtij ushqimi, sikur obeziteti, diabeti, dhe sëmundjet e zemrës, por ky studim është i pari që tregon edhe disa efekte afatshkurta negative. Minjtë e hulumtuar të cilët kanë marrë 55 % të kalorive nga yndyrat, që pas 4 ditëve kanë pasur aftësi më të ulët të shfrytëzimit të oksigjenit, të nevojshëm për lëvizjen e muskujve, që për pasojë ka pasur edhe mundime më të mëdha të zemrës. Pas nëntë ditësh ushqimi i tillë ka çuar edhe në zgjatjen e kohës së nevojshme për kalim nëpër labirint, në krahasim me minjtë që kanë konsumuar vetëm 7,5% të kalorive nga yndyrat.

nga Barbi Mon Nov 16, 2009 2:16 pm

Produktet që, megjithatë, na bëjnë të humbin peshë
Çamçakëzët
Nëse përtypni çamçakëzë me sheqer, atëherë do ta përshpejtoni prishjen e dhëmbëve, por nëse përtypni çamçakëzë pa sheqer, atëherë ka mundësi që kjo t’ju ndihmojë që të humbi në peshë, meqë shkencëtarët kanë konstatuar se çamçakëzët zvogëlojnë apetitin dhe e nxitin metabolizmin.
Gjithkush që, të paktën, një herë në jetë, ka qenë në dietë, e di se nuk guxon të hajë bukë, djathë apo vezë. Por, a është e vërtetë kjo?

Buka
Zakonisht mendohet se buka, meqë është karbohidrat, ndikon në shtimin e peshës, gjë që është e vërtetë, por kur bëhet fjalë për bukë nga drithërat integrale, i cili është i kualitetit të lartë dhe përmban fibra, vitamina dhe minerale, në të vërtetë nuk shkakton shtim në peshë, përkundrazi!

Djathi
Djathi është kyç në humbjen e kileve të tepërta, meqë përmban kalcium. Studimet kanë treguar se personat e rritur me mbipeshë, të cilët herë pas here konsumojnë djathë pa yndyrë, nuk shtojnë në peshë, derisa organizmi i tyre e merr kalciumin e nevojshëm. Pra, djathi nuk është gogol dhe nuk duhet frikësuar nga ai.

Deserti
Edhe nëse jeni në dietë, nuk është e thënë se duhet të hiqni dorë nga deserti. Për dallim nga akullorja, akullorja me lëng frutash (sorbetto) nuk përmban yndyra, por ka shije kremoze.

Pemët me gëzhojë
Pemët me gëzhojë përmbajnë sasi të madhe të yndyrës, por bëhet fjalë për yndyra të shëndetshme. Pra, në vend të çipsave apo ushqimeve të tjera të ngjashme grimcuese, më mirë është që të hani bajame, arra apo lajthi.
Vezët
Me vite të tëra është bërë debat rreth asaj se a janë vezët ushqim i shëndetshëm, apo jo. Studimet kanë treguar se vezët janë një shujtë shumë e shëndetshme për mëngjes, meqë përmbajnë proteina të cilat u japin energji të nevojshme për vazhdimin e ditës.

Mishi i kuq
Edhe nëse jeni në dietë, nuk është e thënë që të mos hani fare mish të kuq, meqë një fileto i hollë i mishit të kuq ka po aq sasi të yndyrave të ngopura sikur edhe mishi i pulës.

Kafeina
Kafeina e rrit shtypjen e gjakut dhe përshpejton të rrahurat e zemrës, gjë që mund të jetë e keqe për njerëzit me probleme të zemrës. Por, disa studime kanë treguar se kafeina e përshpejton metabolizmin dhe e zvogëlon apetitin. Por, kjo vlen vetëm nëse e pini kafen pa sheqer, shllag apo ndonjë ëmbëltues tjetër. >

nga Barbi Mon Nov 16, 2009 2:16 pm

A është e sigurt dieta që e mbani?

Si të gjeni një dietë për humbje peshe e cila jep rezultate, ndërsa nuk është aq strikte për të rrënuar shëndetin? Herën tjetër kur vendosni për të mbajtur dietë, së pari analizojeni regjimin e sugjeruar të ushqimit. Përgjigjuni në pesë pyetje që do t’i parashtrojmë më poshtë dhe më pas merrni vendim nëse dieta do t’u përshtatet dhe se ia vlen të provohet.

1. A përmban dieta këto grupe të ushqimeve?
Nëse dieta të cilën dëshironi ta përdorni përjashton ndonjërin nga grupet e ushqimit si drithëra, pemë, perime apo prodhime të qumështit, jeni në rrezik që të fillohet t’u mungojnë ndonjë vitaminë dhe minerale të rëndësishme. Po ashtu, nëse ushqimi të cilin e konsumoni nuk është i llojllojshëm, ka mundësi që një dietë të tillë të mos mund ta aplikoni për një kohë të gjatë. Mbajeni në mend se ndryshimet në ushqimin që e konsumoni për të humbur kilet e tepërta, janë të ngjashme me ato që i përdorni për të ruajtur vitalitetin e arritur me mund të madh.

2. A është dieta tepër restriktive në aspektin e konsumimit të kalorive?
Ekspertët e ushqimit mendojnë se femrave u duhen së paku 1900 kalori, në mënyrë që mos ta rrënojnë shëndetin, derisa meshkujve u nevojiten 2500 kalori në ditë. Edhe me këtë numër të kalorive është vështirë që të arrihet prania e të gjitha materieve ushqyese që i nevojiten organizmit. Marrja e 2000 kalorive në ditë është një dietë e sigurt për secilin.

3. A përfshin dieta ushqimin tuaj
të preferuar?
Është vështirë të jesh i përmbajtur gjatë dietës e cila përjashton ëmbëlsirat, si p.sh gjatë festave dhe pushimeve. Nëse dieta të cilën e planifikoni ta mbani, nuk përfshinë ushqimin të cilin e adhuroni më së shumti, ka mundësi të madhe se nuk do të arrini të respektoni një regjim të tillë të të ushqyerit.

4. A sugjerohet që të ushtrohet gjatë dietës?
Studiuesit theksojnë se është shumë i rëndësishëm aktiviteti fizik, pra ushtrimet, si për humbjen e kilogramëve, ashtu edhe për mbajtjen e vitalitetit të arritur.

5. A mundet dieta e zgjedhur që të kyçet në stilin tuaj të jetës dhe në buxhetin që e dispononi?
Studiojeni mirë dietën të cilën do ta ndiçni. Shumë programe për humbje peshe, kërkojnë që të blini preparate speciale apo ushqim, çka mund ta ndiçni vetëm disa muaj. Disa dieta kërkojnë ushqime specifike, të cilat mund të jenë tepër të shtrenjta.

Një kilogram në javë është masa e duhur
Mbani dieta me të cilat shkallë-shkallë i humbni kilet e tepërta. Plotësisht mjafton që të humbni 1 kilogram në javë e nganjëherë edhe në muaj. Personat të cilët domosdo duhet më shpejt që të humbin peshë, sugjerohet që të jenë nën kontrollin e mjekut. Duhet të jeni të rezervuar ndaj dietave të cilat premtojnë rezultate të shpejta dhe të cilat nuk kërkojnë ndryshime në mënyrën e të ushqyerit dhe nivelin e aktivitetit fizik.

nga Barbi Mon Nov 16, 2009 2:17 pm

Një porcion ditor i sallatës së gjelbër heq kilet e tepërta

Të hash sallatë të gjelbër çdo ditë, është njëra nga shprehitë më të shëndetshme dhe më të thjeshta të ushqimit që mund ta aplikoni, thonë ekspertët e ushqimit. Për këtë arsye, bëni që sallata të jetë shtesë e çdo ushqimi. Në shtëpi mund ta përgatisni për 5 minuta dhe ta spërkatni me mëlmesa të payndyrshme dhe me kalori të ulët apo t’i shtoni perime të freskëta. Gjatë rrugës për në punë, blini një porcion ditor të sallatës së gjelbër. Sot shumë restorante të ushqimit të shpejtë kanë në ofertë sallatë sezonale me domate, karota apo djathë me mëlmesa të ndryshme të lehta. Sallata e gjelbër është e pasur me fibra të cilat ndihmojnë në uljen e kolesterolit në gjak dhe është e dobishme kundër bllokimit të zorrëve. Duke ngrënë sallatë ndjeheni më të ngopur, kështu që hani më pak dhe humbi peshë, pa pasur nevojë që të mbani dietë. Nëse hani më shpesh sallatë, me siguri se do të rrisni edhe nivelin e antioksiduesve të fuqishëm në gjak (vitamina C dhe E, likopen, thartira folike dhe karoteni alfa dhe beta), të cilët mbrojnë organizmin nga radikalet e lira. Personat që hanë shumë pemë dhe perime kanë rrezik më të vogël nga kanceri në zona të kokës dhe qafës, edhe nëse pinë duhan apo alkool, ka treguar një studim i institutit amerikan për kërkime të kancerit. Vaji i ullirit, perimet e freskëta dhe frutat me gëzhojë, si shtesë sallatës së gjelbër me siguri e shtojnë jetëgjatësinë, janë rezultatet e një studimi amerikan.

nga Barbi Mon Nov 16, 2009 2:18 pm

Dietat për të gjitha periudhat e jetës

Pas të njëzetave:
sa më shumë vitaminë C
Ka gjithnjë e më shumë femra të cilat qysh në rini vuajnë nga pesha e tepërt, edhe përkundër asaj që në atë moshë muskujt janë më të fortë, metabolizmi është më i shpejtë, ndërsa djegia e dhjamit funksionon më së miri. Mirëpo, ushqimi jo i rregullt dhe jo i shëndetshëm si dhe shprehitë e këqija, ushqim i shpejtë i tepërt, lëngjet e ëmbla, alkooli, ëmbëlsirat dhe mungesa e gjumit, negativisht ndikojnë në vijën trupore. Për shkak të tërë kësaj, konsumoni më shumë vitaminë C! Stresi, pirja e duhanit dhe alkooli, e shkatërrojnë këtë vitaminë dhe si pasojë janë lodhja, zbehja dhe përpunimi i ngadalësuar i yndyrës. Pasi organizimi nuk mund të krijojë rezerva të vitaminës c, është e domosdoshme të konsumoni gjatë tërë ditës. Rregulli i dytë i rëndësishëm thotë: kurrë mos e anashkaloni mëngjesin, sepse ai i pengon sulmet e urisë.

Aktiviteti fizik
Sportet e qëndrueshmërisë, siç janë xhogingu, noti dhe aerobiku, të cilët duhet përdorur dy herë në javë nga 45 minuta, pengojnë dobësimin e eshtrave dhe nxisin djegien e yndyrës.

Menyja
Mëngjesi: 30 g musli me jogurt dhe pemë të freskëta. Përveç kësaj, një gotë lëng nga portokalli
Zamra: një mollë
Dreka: mish gjoksi pule në skarë, sallatë domateje dhe oriz
Zamra: kafe e bardhë dhe një pjesë e vogël e ëmbëlsirës
Darka: sandviç me bukë nga mielli integral dhe një spec i gjelbër.

Pas të tridhjetave:
janë të rëndësishme
albuminat
Ndryshimi i parë i ndjeshëm në organizëm, ndodh pas të 30-ve. Në këtë fazë të jetës, gratë në vit fitojnë gjysmë kilogrami dhjam, sepse janë të zëna me edukimin e fëmijëve, punën dhe detyrat e shtëpisë, kështu që u mbetet shumë pak kohë për veten. Ngrënia e ëmbëlsirave dhe mezeve tjera mes shujtave, si pasojë e stresit, janë dukuri tipike gjatë kësaj periudhe. Kjo shprehi është shumë e rrezikshme, sepse e ngadalëson metabolizmin dhe zvogëlon prodhimin e hormonit të rritjes. Pasojat: çdo kalori shtesë dhe e pashpenzuar, ngjitet të trupi.
Albuminat nxisin prodhimin e hormonit të vitalitetit, siç është hormoni i rritjes HGH, kështu që duhet të jenë të pranishme në çdo shujtë. Nuk duhet me çdo çmim të hiqni dorë nga mezet, por është e rëndësishme të keni kontroll; çdo ditë lejoni vetes vetëm ndonjë kënaqësi të imët. Me këtë do të pengoni sulmet e mëdha të urisë dhe marrjen e pakontrolluar të ëmbëlsirave.

Aktiviteti fizik
Joga shkëlqyeshëm ndikon kundër stresit dhe sulmit të urisë. Ndani çdo ditë 15 minuta për ushtrime të lehta të tërheqjes së muskujve, të cilat do t’ju qetësojnë.

Shujta
Mëngjesi: një pjesë buke nga mielli integral me dy rriska të mishit të gjoksit të bibës, një domate
Zamra: jogurt
Dreka: 120 g file të salmonit me spinaq
Zamra: 100 gram akullore pemësh
Darka: domate me djathë pa yndyrë, një pjesë e bukës integrale

Pas të dyzetave: kromi është i domosdoshëm
Pas të 40-ve, më së shpejti shkrihen muskujt, rreth 200 gram të masës muskulore në vit, ndërsa metabolizmi ngadalësohet, për çka fajtorë janë ndryshimet hormonale. Organizmi prodhon më pak estrogjen, i cili ul nivelin e kolesterolit, pengon grumbullimin e lëngjeve dhe e forcon lëkurën. Përveç kësaj, zvogëlohet prodhimi i hormonit DHEA (dehidroepiandrosteron), më shpejt lodhemi dhe më vështirë humbim në peshë. DHEA i nxitë enzimat të cilat e shkrijnë dhjamin. Nëse nuk ka mjaftueshëm, krijohen shtresa të dhjamit në stomak dhe kofshë. Organizmit për prodhimin e DHEA-së i nevojitet kromi, i cili gjendet në thartirën e birrës, kokrrat e drithit dhe ushqimet nga mielli integral. Edhe një rregull i rëndësishëm kur të mbushen 40 vjet, femrat pas orës 17:00, nuk duhet konsumuar karbohidrate (pasta, bukë, oriz dhe patate). Me këtë do të pengohet rritja e nivelit të insulinës gjatë natës dhe do të nxitet djegia e yndyrës.

Aktiviteti fizik
Për të penguar shkrirjen e mëtejme të muskujve dhe në të njëjtën kohë të nxisni djegien e dhjamit, çdo ditë ushtroni nga gjysmë ore. Rezultatet më të mira arrihen me kombinimin e sporteve të qëndrueshmërisë, siç janë ecja e shpejtë, noti, vozitja e biçikletës dhe sportet e fuqisë, siç janë gjimnastika dhe ngritja e peshave.

Menyja
Mëngjesi: tost i pjekur mirë me mjaltë dhe një filxhan çaji nga xhenxhefili
Zamra: një mollë
Dreka: një patate e pjekur me mish salmoni të tymosur
Zamra: 100 g të pemëve të përziera me një jogurt dhe kokrra të drithit
Darka: supë nga perimet, më e mira nga karotat.

Pas të 50-ave:
sa më shumë lëngje
Shumica e femrave në këtë periudhë të jetës janë të bindura se mjafton vetëm të shikojnë një pjesë të tortës, që të shtojnë në peshë. Në vend të 2000 kalorive sa u janë nevojitur më herët, femrave pas të 50-ve, mesatarisht u nevojiten 200 kalori më pak. Zvogëlohet edhe prodhimi i hormonit estrogjen, ndërsa qelizat ripërtërihen më ngadalë. Problemi më i madh është në atë se humbet ndjenja e etjes dhe shumë femra nuk konsumojnë lëngje të mjaftueshme, pasi harrojnë të marrin një gotë ujë. Pini së paku dy litra ujë gjatë ditës! Në këtë mënyrë do ta ndihmoni organizmin që të çlirohet nga materiet e dëmshme, ndërsa materiet e ushqyeshme më shpejt do të arrijnë tek qelizat. Ky është parakusht për funksionim optimal të metabolizmit dhe djegien e yndyrës. Për të kompensuar mungesën e hormonit, çdo ditë hani sojë, sepse kështu organizmit do t’i siguroni estrogjenin bimor dhe albuminat e çmueshme, të cilat pengojnë shkrirjen e muskujve.

Aktiviteti fizik
Bëhuni fizikisht aktiv 60 minuta në ditë. Shëtitja e shpejtë dhe vozitja e biçikletës nxisin organizmin.

Menyja
Mëngjesi: jogurt nga soja me pemë të freskëta
Zamra: 150 g rrush
Dreka: tost me perime të fërguara në tigan dhe 60 gram mish gjoksi bibe të prerë në kocka
Zamra: dy pjesë të çokollatës së ithët
Darka: sallatë e përzier nga domatja, speci, sallata e gjelbër, djathë pa yndyrë. I hidhni një lugë uthull dhe vaj. >

nga Barbi Mon Nov 16, 2009 2:18 pm

Lëngjet pa sheqer, në luftë kundër trashësisë

Të gjithë ata të cilët luftojnë me peshën e dinë se humbja e kilogramëve të tepërt është vetëm gjysma e punës, pasi që është vështirë të mbahet pesha e arritur trupore pas fazës së dobësimit. Një studim i realizuar së fundmi sugjeron se në këtë luftë ndihmesë të madhe ofron konsumimi i lëngjeve pa sheqer. Ekspertët kanë analizuar sasinë e përgjithshme të kalorive të proteinave, yndyrave, karbohidrateve dhe lëngjeve te 300 persona, të cilët kishin humbur kilogramët e tepërt. Rezultatet kanë treguar se konsumimi i lëngjeve që përmbajnë sheqer natyral, jo atyre me sheqer të rafinuar, është një strategji e rëndësishme në mbajtjen e peshës së arritur trupore.
Edhe pse ky studim pohon se lëngjet pa sheqer të rafinuar janë një metodë e mirë për mbajtjen e linjës trupore, autorët e studimit thonë se kjo nuk është një zgjidhje magjike, duke shtuar se duhet të ndryshohen edhe shprehitë e tjera, të cilat kanë sjell deri te grumbullimi i kilogramëve të tepërt.

nga Barbi Mon Nov 16, 2009 2:19 pm

Dilni në dritë dhe humbni në peshë

Dëshironi të humbni disa kilogramë? Atëherë studiuesit këshillojnë që të dilni jashtë shtëpisë. Studiuesit kanë zbuluar se drita e ditës pozitivisht ndikon në djegien e dhjamit në trup. Një lloj i posaçëm i yndyrës, e cila njihet si yndyra bojëkafe, e shndërron energjinë në nxehtësi, ndërsa kjo e nxit djegien e kalorive. Veprimi është edhe më i mirë kur kohën e kaloni jashtë gjatë ditëve të ftohta. Ky është studimi i parë me të cilin është zbuluar se drita e ditës luan rol të rëndësishëm në humbjen e peshës. “Ky zbulim mund të rezultojë me terapi të reja me ndihmën e të cilave do të mund të pengohej pesha e tepërt”, është shprehur profesori Majkëll Sajmonds nga universiteti në Notingem. Yndyra bojëkafe është e pranishme në organizmin e femrave, por është gjithnjë e më e shpeshtë edhe te meshkujt. Shkencëtarët i këshillojnë të gjithë ata që kanë kilogramë të tepërt që sa më shumë kohë të kalojnë duke lëvizur nëpër dritën e ditës.

nga Barbi Mon Nov 16, 2009 2:19 pm

Dietat rigoroze janë të dëmshme për flokët
Flokët padyshim lidhen me feminitetin, seksualitetin dhe pamjen tërheqëse të çdo zonje. Mirëpo, sapo e vërejmë se flokët rrallohen apo bien në tufa të mëdha, na kap paniku. Një humbje e ndjeshme e qimeve të flokëve është normale: kur fija e flokut e arrin rritjen optimale, ajo bie, ndërsa folikula e prodhon qimen e re. Me kalimin e viteve, flokët e humbin volumin, çka nuk duhet ngatërruar me ripërtëritjen e flokëve. Në thelb, vetëm vjen deri te ngushtimi i diametrit të flokut, kështu që për 40 për qind nuk e keni atë plotësi të flokëve sikur kur ishin 20-vjeçare. Dhe këto qime floku të holla dhe të dobëta, nuk do të rriten deri në atë gjatësi sikur kur ishin më të reja dhe më të trasha. Bazuar në disa kërkime dhe studime, gjithnjë e më shumë femra ankohen në humbjen e parakohshme të flokëve. Njëra nga arsyet, me siguri se është stresi, pasi për shkak të stresit, rritet prodhimi i hormoneve mashkullore, androgjenët, ndërsa ata kontribuojnë në rënien e flokëve. Por mos bëni panik. Rënia e flokëve nuk nënkupton se do të bëheni tullace. Ekzistojnë shumë arsye për çka mund të vjen deri te rënia e flokëve dhe për këtë është shumë e rëndësishme që sa më parë të fitoni diagnozën e parë. Për këtë arsye, duhet t’i drejtoheni dermatologut-specialistit për flokë – trihologut. Ndërkohë, ne më poshtë japim disa nga shkaktarët kryesorë të këtij problemi dhe mënyrës si t’i zgjidhni ato.

Jobaraspesha hormonale
Shumë femrave flokët në masë të shtuar u bien pas lindjes. Arsyeja qëndron në atë që përqendrimi i madh i estrogjenit gjatë shtatzënësisë, i mban folikulat në fazën e rritjes, kështu që qimet nuk bien, edhe pse normalisht do të duhej. Për këtë arsye, gjashtë javë pas lindjes së fëmijës, për shkak të zvogëlimit të estrogjenit, vjen deri te rënia e përnjëhershme dhe nganjëherë dramatike e flokëve. Kjo mund të zgjasë edhe disa muaj, edhe pse të gjitha këto qime, prapë do të rriten.
Zgjidhja: Para së gjithash, femra duhet të ushqehet mirë. Dietat rigoroze ndikojnë në mënyrë të dëmshme ndaj flokëve, prandaj duhet shmangur ato. Ndihmojnë edhe pilulat kontraceptive, posaçërisht ato që përmbajnë anti-androgjenë, hormonet të cilat bllokojnë veprimin e hormoneve seksuale të meshkujve. Rrallimi i flokëve shpesh shkaktohet nga sindroma e vezoreve policistike, ndërsa kurohet me medikamente të përshtatshme dhe me përdorimin lokal të hormoneve –anti-androgjenë.

Mungesa e hekurit
Anemia shpesh fajësohet për humbjen e flokëve. Për këtë arsye, është e domosdoshme që së pari ta shikoni se çfarë pasqyre gjaku keni.
Zgjidhja: Duhet të jepni gjakun për analizë dhe të kontrolloni hemoglobinë dhe feritinin. Feritini është një albumine me të cilën lidhet hekuri dhe ai luan rol kyç në prodhimin e qelizave të qimeve. Nëse është tepër e ulët, apo pakëz më i ulët se ajo normale, duhet marrë preparate të hekurit. Rezultatet janë të dukshme pas vetëm disa muaj. Duhet pasur në mendje se humbja e flokëve për shkak të mungesës së hekurit, më e shpeshtë është tek vegjetarianët.

Të ushqyerit e keq
Sasia e pamjaftueshme e albuminave, mund të sjell deri te rrallimi i flokëve, pasi albuminat kanë rëndësi kyçe për krijimin e keratinës, përbërjen kryesore të qimeve.
Zgjidhja: Bëni kujdes në ushqimin, sepse në këtë mënyrë mund të konsumoni albumine të mjaftueshme nga ushqimet, siç janë mishi, vezët, djathi, frutat me gëzhojë dhe peshk. Vitamina B, posaçërisht B5, luan rol të rëndësishëm për rritjen e qimeve të flokut, elasticitetin e saj dhe fortësinë. Më së shumti vitaminë B5 ka në vezë, fruta me gëzhojë, fasule dhe bukën integrale. >

nga Barbi Mon Nov 16, 2009 2:20 pm

Ushqimet adekuate për top formë

Nëse vuani nga sindroma premenstruale, keni vështirësi në përqendrim, mos bëni turr që të shkoni te mjeku, por provoni që të mjekoheni me ushqime

Nuk keni energji
Shkaku: ushqimet e varfra me karbohidrate, që haset gjatë dietave për humbjen e peshës.
Zgjidhja: hani sasi të mjaftueshme të karbohidrateve të përbëra si dhe ushqime të pasura me hekur, si p.sh. spinaq.
Ushqimet e preferuara: mish i zier pule me perime, në kombinim me oriz integral; sallata me oriz dhe fasule, drithërat integrale me pemë të freskëta, mish i kuq i freskët.
Vështirësitë me sindromën premenstruale
Shkaku: nuk merrni sasi të mjaftueshme të kalciumit apo magnezit, apo hani tepër sheqer.
Zgjidhja: zvogëlojeni sasinë e sheqerit që e hani. Hani më shumë ushqime të pasura me kalcium, p.sh. qumësht me pak yndyrë, jogurt, etj. Ushqimet e pasura me magnez janë drithërat integrale, bishtajat, bajamet dhe arrat.
Ushqimet e preferuara: djathi, ananasi, bajamet, fasulet, jogurti.

Nuk keni disponim të mirë
Shkaku: nuk merrni sasi të mjaftueshme të thartirave yndyrore omega-3 nga peshqit, apo vitamina B.
Zgjidhja: Hani tri herë në javë peshk; dy lloje të perimeve të gjelbra në ditë si dhe banane.
Ushqimet e preferuara: salmoni, spinaqi, ananasi, thjerrëzat, mishi i pulës, trofta, gjalpi i kikirikëve.

Keni vështirësi
në përqendrim
Shkaku: nuk hani mëngjes, apo nuk merrni sasi të mjaftueshme të antioksiduesve, pemëve dhe perimeve, vitaminës E.
Zgjidhja: në mënyrë që të mos vdisni urie deri në drekë, hani një mëngjes të shëndetshëm, me ushqime që përmbajnë antioksidues, si p.sh. me qershi, rrush të tharë, portokaj, spinaq, etj. Merrni edhe preparate të vitaminës E.
Ushqimet e preferuara: keksët integralë, boronicat, sythat e grurit, mjalti, pureja e patateve.

nga Barbi Mon Nov 16, 2009 2:20 pm

Dietat më të mira për ditët e nxehta

Edhe pse gjatë verës preferohet që të hamë ushqime më të lehta, kjo nuk dmth se duhet të bëhemi vegjetarianë. Në mënyrë që menyja jonë të jetë e ekuilibruar, ne duhet të marrim edhe një sasi të caktuar të proteinave shtazore, ngase ato na nevojiten si “material ndërtimor” për qelizat tona, si dhe na e forcojnë imunitetin. Duhet që të përcaktoheni për mish pa dhjamë, si psh për mish të pulës, bibës, viçit, apo edhe më mirë, për mish peshku. Nëse doni që të mos shtoni në peshë, atëherë duhet ta dini se, nga darka, e derisa të bini në shtrat, duhet së paku të kalojnë tri orë.
Dietat më të mira
Meqë gjatë verës apetiti ynë zakonisht dobësohet, atëherë kjo është koha më e mirë që t’i largojmë kilet e tepërta. Dieta është më lehtë që të mbahet gjatë verës edhe për shkak se kemi shumë pemë e perime të freskëta. Por, dietat vetëm me pemë nuk guxoni t’i mbani më gjatë se dy-tri ditë.

Dieta me mollë
Zgjatë tri ditë. Mund të humbni deri në 2 kg. Rreth 2 kg mollësh të freskëta ndani në pesë shujta. Mollët mund t’i hani ashtu si janë, por mund të përgatitni edhe disa gjellë nga to. Psh, mund të përgatitni sallatë mollësh: 300 g mollë të maturuara, të qëruara, gërryeni në një enë, përzieni me rrënjë majdanozi dhe selinoje dhe shtoni lëng limoni.

Dieta me karota
Zgjatë tri ditë. Mund të humbni deri në 3,5 kg. Gërryeni karotat, shtojini lëng limoni, nëse doni edhe pak mjaltë, por vetëm një lugë supe në ditë. Këtë sallatë mund ta hani sa të doni. Me çdo shujtë mund ta hani edhe nga një pemë: mollë, kivi, grejpfrut, portokall, etj. Duhet të pini sa më shumë ujë, apo çaj pa sheqer.

Dieta me domate
Zgjat dy ditë. Mund të humbni deri në 2 kg. Brenda një dite duhet të hani 1,5 kg domate të freskëta, të ndarë në katër shujta – edhe atë pa biber, kripë, apo vaj.

Dieta me bostan
Zgjatë po ashtu dy ditë dhe, me anë të saj, mund t’i humbni 2-3 kile. Brenda ditës hani rreth 1,5 kg bostan dhe, asgjë tjetër, përpos që, natyrisht, duhet të pini ujë, apo çaj pa sheqer.

Dieta me lakër
Zgjat shtatë ditë. Mund të humbni deri në 5 kg. Baza e kësaj diete është çorba e lakrës, të cilën mund ta hani sa të doni. Krahas kësaj, ditën e parë mund të hani çfarëdo peme, përpos bananes, ditën e dytë ndonjë perime të gjelbër dhe një patate të zier, me pak vaj, ditën e tretë çfarëdo peme, apo perime, përpos patates, ditën e katërt tri banane dhe qumësht pa yndyrë, ditën e pestë një shujtë peshk apo mishi të bardhë pule, me një domate, në ditën e gjashtë pak mish të zier lope me sallatë të gjelbër dhe, në fund, ditën e shtatë, pak oriz me perime.

Dieta me kastravecë
Zgjat tri ditë. Mund të humbni deri në 3,5 kg. Bazë e kësaj diete është sallata. Ju nevojitet 1 kg kastravecë, të cilët duhet t’i qëroni dhe grini. Qituni jogurt pa yndyrë, apo kos. Qitni pak kripë dhe, këtë sasi, ndajeni në tri shujta. Për darkë, përpos sallatës, guxoni të hani 50 g mish të zier, apo një vezë. Për mëngjes mund të hani para rënies në gjumë, mund ta hani një mollë, dardhë, apo banane. >

nga Barbi Mon Nov 16, 2009 2:21 pm

Dieta drastike për një jetë të gjatë
Pas një studimi të bërë, shkencëtarët kanë zbuluar se zvogëlimi i kalorive, e zvogëlon rrezikun nga sëmundjet e zemrës për rreth 30%, kurse rrezikun nga llojet e ndryshme të tumoreve e zvogëlon për gati 50%. Përpos kësaj, shkencëtarët thonë se një mënyrë e tillë e të ushqyerit e rritë edhe jetëgjatësinë për 1/3.
Thuhet se një dietë ekstreme mund ta zgjasë jetën deri në 25 vjet. Por, për ta arritur këtë efekt, çdo person duhet t’i përmbahet një diete të përgatitur vetëm për të, e cila dietë do të përbëhej nga qumështi, proteinat dhe misri. Një mënyrë e tillë e të ushqyerit do të ishte e rrezikshme që të shkaktojë mungesë të substancave të ndryshme ushqimore, prandaj do të duhej të kombinohej me vitamina dhe minerale të ndryshme.
‘Kemi dëshmuar se marrja e një numri më të vogël të kalorive, e ngadalëson procesin e plakjes te majmunët, prandaj besojmë se një efekt i tillë do të arrihej edhe te njerëzit’, thotë profesor Riçard Ueindruh, profesor në Universitetin në Viskonsin, SHBA, udhëheqës i studimit. >

nga Barbi Mon Nov 16, 2009 2:22 pm

Dieta kundër kancerit

Doktorët thonë se ka shumë ushqime që mund të parandalojnë kancerin. Por sikur tashmë të jeni me kancer? Duket sikur masat parandaluese nuk hyjnë më në punë pasi tashmë jeni I sëmurë. Por kjo nuk është e vërtetë.

Ushqimet anti kanceroze
Dieta parandaluese e kancerit përfshin ushqime me antioksidues të cilët parandalojnë prodhimin e hormoneve të tepërta dhe elementeve të cilat ndihmojnë në eleminimin e helmeve të trupit dhe eleminojnë gjithashtu kancerogjenët. Përshembull

brokoli
lulelakër
lakra
qepa
hurdha
boronice e kuqe
agrumet
bërthamat e lirit, susamit, kungullit dhe lulediellit
gjithashtu është e këshillueshme të konsumoni perime.

Beta karroteni
Pacientët me kancer zakonisht këshillohen të pijnë lëng karrote – beta karroteni në karrota mund të bëjë mrekulli. Por është më mirë të hani karrota të freskëta. Sipas mjekëve, karrota I humb disa prej vetive të saj nëse shtrydhet dhe bëhet lëng.
Spec I kuq është gjithashtu një burim mjaft I mirë I beta karrotenit. Ky perim gjithashtu përmban kapsaicin, substancë kjo e cila kundravepron ndaj kancerogjenëve në ushqime të konservuara.
Ushqime që përmbajnë soj.
Cfarëdolloj ushqimi që përmban soj ndalon qelizat malinje të rriten dhe zvoglon efektin dehës të terapisë rrezatuese ose kimioterapisë. Bajamet dhe bërthamat e kajsisë përmbajnë leatril që vret qelizat kanceroze.
Ananas
Studime të reja shkencore kanë zbuluar dy elementë të dobishme të kërcellave të ananasit. Një prej tyre është që stimulon sistemin imunitar, tjetri bllokon një protein të vecantë që prodhohet nga qelizat kanceroze, e cila ndalon rritjen e tumorit. Por ne jemi mësuar të hamë tulin e ananasit. Por kërcelli I ananasit është ai që përdoret më shumë për krijimin e ilaceve kundra kancerit.
Gjithsesi, dieta kundër kancerit nuk do t’ju shërojë. Sado e mundimshme trajtimi kundër kancerit mund të jetë, ju duhet ta kaloni. Konsumimi I ushqime të lartpërmendura do t’a bëjë trajtimin tuaj më të efektshëm.

nga Barbi Mon Nov 16, 2009 2:23 pm

Disa këshilla të thjeshta diete

Vjen një kohë kur duam të ulim sasinë e kalorive. Quajeni dietë, quajeni të ngrënit shëndetshëm, ose quajeni ndryshim stili jetese. S’ka rënci se si e quani, më poshtë janë disa këshilla të thjeshta që mund t’ju ndihmojnë të mbani nën kontroll kaloritë tuaja.

Kurrë, kurrë mos merrni super porosi, thjesht mos e bëni kurrë
Përdorini erëzat me zgjuarsi- përdorni mustardë përderisa ka pak kalori. Shmangni mustardën me mjaltë sepse ka sheqer shtesë.
Hani fruta në vënd që të pini lëng frutash, por nëse doni të pini patjetër lëng atëherë përzijeni me ujë.
Thuajini natën e mirë guzhinës në orën 7:30. Mbaroni darkë, pastroni, dhe mos fusni më asgjë në gojë. Nëse ju shkon goja lëng për të futur dicka në gojë ose goja juaj mërzitet, atëherë pini një caj bimor ose kamomil.

>

nga Barbi Tue Nov 17, 2009 12:25 pm

Djeta dy-javore

Dieta dy javore nga instituti gjerman i ushqimit
Nëqoftëse kjo dietë do të ndiqet në mënyrë rigoroze për 14 dite, ju do të humbisni 9 kg. Kjo dietë ndikon në metabolizmin tuaj dhe si pasojë ju nuk do t’a merrni përsëri peshën e humbur për tre vitet e ardhshme. Nqs në dietë janë disa ushqime që nuk I hani, ju kërkojmë ndjesë, por duhet ti hani sepse nuk lejohet ti shmangesh asnjë produkti të mëposhtëm. Ju mund të pini sa te doni kafe të zeze pa sheqer, uje. Mbani mend se `sallata jeshile` nënkupton edhe perimet që klasifikohen jeshile.
DITA E PARE:
MENGJESI: Kafe e zezë pa sheqer, ose qumësht.
DREKA: Dy veze te ziera dhe spinaq pa kripë.
DARKA: Nje biftek I madh zgare, ose 3 te vegjël, sallatë jeshile dhe cdo lloj fruti.
DITA E DYTE:
MENGJESI: Kafe e zezë pa sheqer, ose qumësht dhe një fetë të hollë buke të thekur.
DREKA: Një biftek mesatar zgare, sallatë dhe cdo lloj fruti.
DARKA: Mish të bardhë (pule) ne sasi të kufizuar.
DITA E TRETE:
MENGJESI: Kafe e zezë pa sheqer, ose qumësht dhe një fetë të hollë buke të thekur.
DREKA: Dy veze te ziera, sallatë dhe domate të freskta
DARKA: Mish I bardh dhe sallatë.
DITA E KATERT:
MENGJESI: Kafe e zezë pa sheqer, ose qumësht dhe një fetë të hollë buke të thekur.
DREKA: Një veze e zierë, karrota, djath I njomë.
DARKA: Fruta të freskta dhe kos natyral
DITA E PESTE:
MENGJESI: Karrota të grira me limon dhe kafe e zezë.
DREKA: Peshk me avull dhe domate të freskta
DARKA: Njëe biftek I madh zgare dhe sallatë jeshile
DITA E GJASHTE:
MENGJESI: Kafe e zeze pa sheqer, ose qumësht dhe një fetë të hollë buke të thekur.
DREKA: Gjysëm pule të pjekur në zgarë
DARKA: Dy vezë te ziera dhe karrota të grira
DITA E SHTATE:
MENGJESI: Caj me limon pa sheqer, ose qumësht
DREKA: Një biftek zgare dhe fruta të freskta
DARKA: Cfare të doni
Dita e 8 deri e 14-të ,fillon duke përsëritur përsëri 7 ditët e para të dietës, e pas këtyre dy javëve mund të filloni të hani normalisht por sigurisht duke u përmbajtur dhe ushqyer me zarzavate e fruta.

nga Barbi Tue Nov 17, 2009 12:26 pm

Disa udhezime per nje diete te shendetshme

Yndyrnat jane baze, ne shume procese te organizmit dhe jane nje forme e perqendruar e energjise. Marrja e tepruar e yndyrnave, mund te coje ne dhjamosje. Mishi, djathi, vaji i palmes, vaji i arres se kokosit, dhjamrat e kafsheve, vezet, peshqit, arrat, kane yndyrna te tretshme.

Fibrat luajne nje rol te rendesishem ne nje diete te shendetshem, ndihmojne levizjen e ushqimit ne aparatin e tretes, ndalojne kapsllekun, ndihmojne funksionimin e zorreve (parandalojne shqetesimet ne to), apendesitin, semundjet e zemres. Dritherat jane shume te pasura me fibra.

Vitaminat dhe kriperat minerale e ndihmojne trupin te ruaje formen e mire. Nje diete e mire duhet te siguroje te gjitha vitaminat dhe kriperiat minerale, qe jane shume te nevojshem per organizmin. Megjithate duhen vetem sasi te vogla, ato jane te pazavendesueshme.
Vitaminat dhe kriperat minerale veprojne se bashku. Kriperat minerale ndikojne ne strukturat kockore, krijimin e nje ekuilibri te sistemit ujor te organizmit, nervat dhe reagimet muskulare. Minerale te rendesishme jane kalciumi, fosfori, magnezi, hekuri, sulfuri, sodiumi, potasi dhe zinku. Disa vitamina si A, D, E, K, mund te maganizohen, kurse vitaminat C dhe B kompleks duhen marre rregullishte. Nese frutat dhe perimet gatuhen, vitaminat dhe kriperiat minerale humbasin shume nga cilesite e tyre. Zierja me avull eshte me e mire, sesa zierja e zakonshme. Mjafte vitamina permbajne edhe lekurat e frutave.

Te dishe te hash...

Ka disa lloj ushqimesh qe duhet te hahen te shoqeruara me te tjera, sepse keshtu behen me te dobishme per organizmin tone.
Studimet e bera, kane treguar se nese i ha karrotat e grira ne forme sallate, pa i hedhur vaj ulliri, mund te pakesosh sasine e kalorive qe merr, por humb marrjen e betakarotines qe eshte mjafte e vlefshme per trupin.

Vitamina A, ashtu sikurse dhe vitaminat D, E, K, absorbohen nga organizmi, vetem ne prani te yndurnave. Me perpara, konsiderohej e papershtatshme te bashkoheshin proteinat me karbohidratet. Por sot, mendohet se t`i shtosh llojeve te ndryshme te pastave (brumerave), pak fasule, bizele, apo thjerreza, plotesohen me mire nevojat proteinike te trupit. Por ka edhe ushqime, qe keshillohet te mos bashkohen gjate ngrenies. Keshtu psh. djathi, qe eshte i pasur me kalcium, kur hahet se bashku me mishin, pengon absorbimin e hekurit nga zorret.

Lakra e bardhe kur hahet me peshk, pengon absorbimin e jodit, qe permban peshku. Po ashtu, tanina qe permban caji, pengon absorbimin e kalciumit qe ndodhet ne djathe, etj >

nga Barbi Tue Nov 17, 2009 12:27 pm

Mbani dietë dhe nuk humbni peshë? Ja pse ndodh kjo.

Nuk ka asgjë më të tmerrshme sesa mbajtja e pasuksesshme e dietave të llojllojshme. Mundoheni, hiqni dorë nga shumëçka, vuani, kurse treguesi i peshores nuk luan se nuk luan, mbetet aty ku ishte edhe para dietës. Pse? Ngase ekzistojnë disa faktorë që ndikojnë në mbipeshë, e që kurrë nuk iu kanë shkuar ndërmend.

1. Nuk merrni mjaft vitamina
Gratë që, krahas mbajtjes së dietës, marrin edhe preparate multivitamine, kanë apetit më të vogël sesa ato që nuk marrin preparate të tilla. Shkencëtarët nuk e dinë pse ndodh kjo, por është më se e qartë se marrja e vitaminave, sidomos e vitaminës B, rrit djegien e dhjamërave dhe e ul stresin.

2. Keni një shoqe të trashë
Nëse shoqja juaj e ngushtë vuan nga mbipesha, atëherë edhe ju jeni për 57% më e rrezikuar që të filloni të trasheni, thonë kërkuesit shkencorë nga Harvardi.
Prandaj, nëse keni vendosur që të mbani dietë, mundohuni që këtë ta bëjë edhe shoqja juaj e ngushtë, përndryshe do të duroni urie kot.

3. Celulari
Shkencëtarët kanë konstatuar se përdorimi i celularit para se të bini në gjumë, mund të shkaktojë pagjumësi, e kjo nuk është mirë për ata që janë në dietë. Në të vërtetë, është parë se njerëzit që flenë më pak se 5 orë gjatë natës, janë për 32% më të rrezikuar nga mbipesha, për dallim nga njerëzit që flenë 7 orë.

4. Pijet dietetike
Studimet kanë treguar se vetëm një pije dietetike në ditë, i rrit për 31% gjasat që të jeni me mbipeshë. Kjo vjen për shkak se ëmbëltuesit artificialë të këtyre pijeve e përgatisin organizmin tuaj për marrjen e madhe të kalorive, duke ndikuar që organizmi të djegë më pak dhjamëra apo kalori të tjera. Në vend të pijeve të gazuara është më mirë që të pini çaj, lëng të natyrshëm apo kafe.

5. Mëlçia dembele
Mëlçia është djegësi kryesor i dhjamërave në organizëm, por nëse ajo është tepër e ngarkuar me helme, siç është alkooli, ajo nuk mund t’i shkrijë kilet e tepërta. Për këtë shkak, për t’i ndihmuar mëlçisë suaj, duhet që të mos pini alkool dhe të mos merrni yndyra të ngopura.

nga Barbi Tue Nov 17, 2009 12:28 pm

Dieta, pa bukë dhe makarona? Lamtumirë kujtesë

Thuaj mirupafshin bukës dhe makaronave dhe njëkohësisht thuaj lamtumirë edhe memories.

Dietat e grave kanë avancuar por vazhdojnë të kenë të njëjtën bazë, eliminimin e karbohidrateve. Metoda më komune për të rrëzuar kilet e tepërta jep edhe efekte të dëmshme. Thuaj mirupafshin bukës dhe makaronave dhe njëkohësisht thuaj lamtumirë edhe memories.

Ky është konkluzioni i një studimi të Universitetit Tufts të Bostonit botuar në revistën italiane “Appetite”. Kërkimet u bazuan në impaktin e dietës që eviton miellin sheqerin dhe patatet dhe konsiston vetëm në proteina dhe vitamina. Përfundimi është: Ata që nuk përdorin në ushqimin e tyre karbohidratet vujanë nga kujtesa.

Doktor Holly Taylor, thotë se cipa e memories dëmtrohet nga kjo lloj diete pasi mungesa e karbohidrateve bën që truri të mbetet i paushqyer. Studimi u testua në 19 femra të moshës nga 22-55 vjeç. “Buka dhe makaronat janë si “karburant” për neuronet”, thotë doktor, Taylor.

ikubinfo

nga Barbi Tue Nov 17, 2009 12:29 pm

Kilogramët shkrihen shpejt me supën magjike

Supën e varfër me kalori preferohet që ta pini në sasi të pakufizuar, në çdo periudhë të ditës

Dieta e thjeshtë me supën “magjike” apo supën me lakra, për shkak të prakticitetit të saj, dikur ishte shumë e popullarizuar. E përshtatshme për të gjithë, sidomos për njerëzit që nuk kanë shumë kohë të lirë, kjo dietë është e pasur me fibra, vitamina dhe minerale. Si e tillë, ajo e përshpejton metabolizmin, ndihmon në shkrirjen e dhjamërave dhe në pastrimin e trupit nga helmet. Bazë e kësaj diete është supa, për përgatitjen e të cilës nuk duhen shpenzime të shumta.

Ajo mund të zihet në sasi të mëdha dhe mund të qëndrojë disa ditë. Përparësia e kësaj diete është që, gjatë mbajtjes së saj, nuk keni nevojë që të duroni nga uria. Supën e varfër me kalori preferohet që ta pini në sasi të pakufizuar, në çdo periudhë të ditës. Sa më shumë që ta pini, aq më tepër do të dobësoheni, thonë shkencëtarët. Krahas supës, varësisht nga ditët e caktuara, mund të hani pemë, perime, mish pa dhjam, oriz dhe të pini qumësht. Nëse nuk ju pëlqen mishi i lopës, në ditë të caktuara mund të hani gjoks pule pa lëkurë, të përgatitur në skarë, apo mund të hani edhe peshk në skarë. Me rëndësi është që vetëm në disa nga këto ditë të hani mish lope.

Gjatë mbajtjes së kësaj diete, rreptësishtë ndalohet pirja e pijeve alkoolike dhe e pijeve të ëmbla, si dhe nuk lejohet ngrënia e bukës dhe brumërave (duke përfshirë edhe makaronat, spagetat...).
Me rëndësi është që të pini shumë lëngje, të paktën 6-8 gota në ditë, si dhe çaje pa sheqer, apo edhe ndonjë filxhan kafeje të zezë. Nëse i përmbaheni menysë, në javën e parë do të humbni 4,5-7 kg. Nëse humbni më shumë se 7 kile, para se të vazhdoni me dietë, pauzoni disa ditë.

Përbërësit e supës:
6 qepë, një lakër e madhe, një selino i madh, 2 speca të gjelbër, 2-4 karota, 4-5 domate apo 2 konserva domatesh, 1,5 l ujë, 2 paketime supe apo katrorë për supë pule, apo lope, majdanoz, kripë, biber dhe erëza (mëlmesa) bimore sipas dëshirës.

Dita e parë: pini vetëm supë dhe hani pemë.
Mund t’i hani të gjitha pemët, me përjashtim të bananeve.
Mund të pini edhe ujë dhe çaj pa sheqer.
[
B]Dita e dytë: pini supë dhe hani perime (të freskëta, të ziera, të konservuara).
Evitoni fasulet, bizelet dhe misrin. Për darkë mund të hani patate të pjekura me lëvore, me pak kripë dhe gjalpë.

Dita e tretë: lejohet që të pini supë dhe të hani të gjitha llojet e perimeve dhe pemëve. Nëse u jeni përmbajtur udhëzimeve, do të duhej të keni humbur 2-3 kile.

Dita e katërt: pini supë dhe qumësht pa yndyrë, hani deri në 3 banane.

Dita e pestë: mund të pini supë në sasi të pakufizuar, si dhe mund të hani mish dhe perime. Mund të hani 300-600 dag mish të zier të lopës dhe 6 domate.

Dita e gjashtë: pini supë, hani mish të zier lope dhe perime, por jo edhe patate.

Dita e shtatë: përveç supës, mund të ushqeheni edhe me oriz integral të zier në ujë, me mëlmesa sipas dëshirës. Hani të gjitha perimet.

Efekti
Qysh në ditët e para të dietës mund të humbni 2-4 kile, kryesisht ujë. Vetëm nëse vazhdoni që t’u përmbaheni rregullave të kësaj diete mund të keni një humbje të qëndrueshme të kileve. Preferohet që, pasi iu keni përmbajtur kësaj diete për shtatë ditë, të pauzoni dy javë dhe të filloni përsëri, natyrisht, nëse doni që të humbni edhe më tepër në peshë.

ikubinfo[/b]

nga Sponsored content

Thursday	+14°	+7°
Friday	+12°	+6°
Saturday	+13°	+4°
Sunday	+11°	+1°
Monday	+11°	+1°
Tuesday	+12°	+5°

Dietat...ja ca receta dhe keshilla!