Bimet,pararendeset per kurimin e shume semundjeve.

...........Çaj rozmarine kundër 12 sëmundjeve....

....................................... Rozmarina është bima më e njohur, që ka ndihmuar në kurimin e mjaft sëmundjeve. Kjo bimë ndihmon dukshëm kundër diabetit, kur është i shoqëruar me depresion. Po ashtu, efektet shëruese të rozmarinës ndihen edhe te personat, që vuajnë nga tensioni i lartë. Mjaft e njohur, kjo bimë është edhe për forcimin e kujtesës, pastrimin e rrugëve të frymëmarrjes, eliminimin e sëmundjes reumatizmale të spondiloatrozës, kurimin infeksioneve në mitër dhe organeve gjenitale, pushimin e dhimbjeve në stomak apo shkrirjen e gurëve në tëmth. Ndërkaq, larja e trupit me ujë të zier me rozmarinë do të thotë më tepër shkëlqim për lëkurën tuaj, si dhe eleminimin e papastërtive. Një efekt të ndjeshëm, rozmarina ka edhe në pakësimin e djersës. Lahuni me rozmarinë Të lash trupin me lëngun e rozmarinës i jep lëkurës shkëlqim dhe mbron atë nga sëmundjet. Në fakt, gjatë stinës së verës, kjo procedurë shihet si shumë e rëndësishme, pasi duke i frekuentuar më së shumti detin dhe pishinat, lëkura është më e prirur ndaj infeksioneve. Papastërtitë e ujit dhe të rërës mund të shkaktojnë mykun në lëkurë. Për përgatitjen e solucionit larës nevojiten 50 gramë gjethe rozmarine të thata dhe të grimcuara, të cilat hidhen në 1 litër ujë të nxehtë. Kjo masë lihet në qetësi për 30 minuta dhe më pas kullohet. Lëngu i përftuar do të shërbejë për larjen e trupit dhe hidhet në vaskën e mbushur me ujë 35 deri 38 gradë. Këshillohet të qëndroni në ujin e përgatitur për 20 minuta dhe më pas rekomandohet të bëhet një orë pushim. Është mirë që banja me ujin e rozmarinës të bëhet në mbrëmje, përpara se të shkoni për të fjetur. Gjithashtu, larja këshillohet edhe për të gjithë ata që kanë probleme me gjumin gjatë natës. Banja ndihmon të bëjnë një gjumë të qetë e pa shqetësime. Larja e trupit me lëngun e rozmarinës nuk duhet të bëhet nga persona, që kanë infeksione në lëkurë apo plagë të rënda, pasi bima përmban shumë antioksidantë, në veçanti acid karnozik. Dhe janë pikërisht këta antioksidantë, që i japin imunitetin trupit. Diabeti Diabetikët, që vuajnë nga depresioni, e kanë më të vështirë të mbajnë nën kontroll nivelin e sheqerit në gjak. Mjekët rekomandojnë pirjen e çajit të rozmarinës për të luftuar këtë sëmundje. Për përgatitjen e çajit rekomandohet 1 lugë kafeje me gjethet e thara të rozmarinës të hidhet në një enë, ku më parë janë hedhur 2 gota me ujë të nxehtë. Lihet për 10 minuta, më pas kullohet dhe pihet i nxehtë. Mjekët rekomandojnë të pihen 2 filxhanë në ditë, para buke. Duhet patur kujdes që çaji të mos ëmbëlsohet. Çaji i përftuar nga zierja e gjetheve të rozmarinës ka dhënë rezultate të shkëlqyera edhe te personat, që vuajnë nga tensioni i lartë. Për këta të sëmurë rekomandohet që gjatë kohës së rritjes së tensionit, të pijnë menjëherë një gotë me çajin e përftuar nga bima dhe rezultatet do të jenë të menjëhershme. Për kujtesën, frymëmarrjen, reumatizmën Mjaft e njohur është bima edhe në ndihmesën ndaj rritjes së aktivitetit të trurit dhe forcimit të kujtesës. Për të gjithë ata, që kanë një kujtesë të dobët dhe afatshkurtër, mjekët popullorë këshillojnë pirjen e çajit të rozmarinës herët në mëngjes. Është mirë që çaji të ëmbëlsohet me mjaltë, pasi dhe vetë mjalti ndikon në rritjen e kujtesës. Çaji i rozmarinës, ashtu si dhe shumë bimë të tjera të përmendura më parë, ndihmon mjaft në pastrimin e rrugëve të frymëmarrjes. Efekte të menjëhershme ka dhënë ky çaj te personat me grip, të shoqëruar me rrufë. Për shërim sa më të shpejtë, të sëmurët duhet të pijnë çajin e përftuar nga bima e rozmarinës. Kjo bimë shërben edhe në eliminimin e sëmundjes reumatizmale të spondiloatrozës. Dhimbjet e shkaktuara nga kjo sëmundje shpesh bëhen të padurueshme për të sëmurin. Ka raste kur sëmundja nuk e lejon të kryejë asnjë lëvizje. Prandaj, për ta lehtësuar sëmundjen, këshillohet të pihet çaj 3 herë në ditë përpara buke. Kur dhimbjet janë të forta, i sëmuri këshillohet të bëjë regjim shtrati. Çaji i rozmarinës këshillohet edhe për lehtësimin e dhimbjeve me origjinë reumatizmale, si dhimbjet e kyçeve, gjunjëve, si pasojë e motit të keq. Edhe në këto raste këshillohet pirja e çajit të rozmarinës. Kundër djersës dhe infeksioneve Rozmarina ndihmon mjaft në pakësimin e djersitjes, sidomos gjatë periudhs së verës, kur djersa është përherë e pranishme. Por çaji shërben jo vetëm kur djersa është për shkak të temperaturës së lartë, por mund të shkatohet edhe nga rënia e rezistencës së trupit apo nga humbja e kripërave minerale. Shumë të tjerë djersitin kur janë të sëmurë me grip apo edhe nga shëndeti i tepërt, pa qenë shkaktare e ndonjë sëmundjeje. Rozmarina është shumë e efektshme edhe për kurimin infeksioneve në mitër dhe organeve gjenitale. Nga çaji i bimës pihen 2 filxhanë në ditë, por gjithmonë para buke. Dhimbje koke, stomaku, tëmth Për qetësimin e dhimbjeve të kokës dhe kur dhembjet janë të shoqëruara me marrje mendsh këshillohet të pihet çaj i ëmbëlsuar me mjaltë. Pas pirjes së çajit do të shihni efektet pozitive që ai jep. Te personat, që vuajnë nga dhimbjet e stomakut, kur ato janë shkaktare të një sëmundjeje apo kur është dhimbje e rastit, një gotë me çaj rozmarine do të ndalonte menjëherë dhimbjet shqetësuese. Dhe sëmundja e fundit që kjo bimë kuron janë shqetësimet e tëmthit. Kjo bimë shërben për shkrirjen e gurëve në tëmth, si dhe ndihmon në rritjen e prodhimit të lëngut në këtë organ. Paketë këshillash Këshillohet që gjatë pirjes çajit i rozmarinës të jetë i nxehtë Këshillohet që çaji të pihet gjithmonë përpara buke, për të dhënë rezultate Pjesët që përdoren për kurim janë gjethet e thara në hije dhe të grimcuara Nëse lani trupin me ujin e rozmarinës, kini kujdes që lëkura të mos jetë e dëmtuar Nëse doni të bëni gjumë të qetë, këshillohet pirja e një gote ça. Për të patur lëkurë të freskët dhe pa djersë pini çajin e rozmarinës

Nigella Sativa,
Fara e zezë është bimë njëvjeçare, që rritet deri në 30 cm. Me kërcell
të drejtë dhe me degëzime e gjethe te holla, me lule blu në të
përhirtë, me bishtajë dhe fara të dhëmbëzuara.Vendi i saj është Azia
Perëndimore dhe ajo kultivohet në shumë zona të Azisë dhe të Detit
Mesdhe, për farat e saj të cilat mblidhen kur piqen. Farat e bimës kanë
një përbërje vaji të qëndrueshëm (melanitin) prej 40% dhe rreth 1.4 %
vaj të avullueshëm.

Meritat që i njohin bimës, mjekët e lashtë

Vaji i farës së zezë përmban një numër acidesh të yndyrshme bazë. Fara
e zezë përmban lëndë Nigellone, e cila është një lloj antioksidi
natyral, si dhe Glutathione. Fara e zezë përmban gjithashtu acid
Arginine. Mjeku i lashtë grek, Destordhiris thoshte: “Farat e farës së
zezë përdoren si ilaç për dhimbjet e kokës, gripit, dhembjet e dhëmbëve
dhe krimbat e stomakut. Ato përdoren shumë edhe si nxitës urinimi,
nxitës menstruacionesh dhe shtues të qumështit tek nënat gjidhënëse”.
Mjeku i njohur arab, Ibën Sina (Avicena – vdekur në vitin 428 Hixhri),
në librin e tij të shumënjohur “Statuti i mjekësisë”, thotë: “Shuneza
(fara e zezë) është bimë e hidhët që ndalon gëlbazën, pastron kanalet e
frymëmarrjes, shpërbën gazrat dhe fryerjet e barkut, pastron në
maksimum. E përzierë me uthull ajo shërben si ilaç për puçrrat laktike,
duke i lyer ato. Ajo shpërbën tumoret flegmatikë dhe të ngurtë. Po
kështu, e përzierë me uthullën, ajo përdoret për plagët flegmatike dhe
për zgjeben e qelbëzuar. Fara e zezë bën dobi për ftohjen, veçanërisht
e bluar dhe e ruajtur në enë të bërë me fije liri. Ndihmon në dhimbjen
e ftohtë të kokës, duke lyer ballin. Nëse lihet në uthull për një natë,
pastaj bluhet dhe i jepet të sëmurit për ta nuhatur me hundë, i bën
dobi nga dhembjet kronike të kokës. Ajo vret krimbat e barkut, qoftë
edhe vetëm me lyerjen e barkut mbi kërthizë. Nxit menstruacionet duke u
përdorur disa ditë, dhe pihet e përzierë me mjalt dhe ujë të nxehtë për
gurët në veshka dhe në fshikëzën e urinës.” Një mjek tjetër i njohur
arab, Daud el Antaki, thotë: “Përdorimi i farës së zezë çdo mëngjes, të
skuqur bashkë me rrush të thatë, skuq lëkurën dhe e pastron atë.
Pluhuri i saj ndërpret hemorroidet me ngrënie dhe lyerje. Nëse skuqet
me vaj ulliri dhe pikohet vaji në vesh, shëron nga mosdëgjimi, sidomos
me yndyrën e farës jeshile. Tymi i saj largon parazitët. E përzierë me
ujin e bimës Colocynth dhe të bimës Ëormëood largon parazitët e barkut
duke e lyer barkun mbi kërthizë...”

Kërkimet shkencore për vetitë antikanceroze

Janë bërë disa kërkime shkencore për të vërtetuar se fara e zezë ka
veti antikancerore dhe forcuese të sistemit imun i cili mbron
organizmin nga mikrobet dhe viruset e ndryshme.
Mjekët e specializuar në bimët natyrale këshillojnë për përdorimin e
farës së zezë ashtu si është, duke e bluar dhe e përdorur menjëherë pas
bluarjes dhe jo të lihet e bluar, sepse vaji avullues që ajo përmban,
avullon shpejt dhe kështu i ikin të gjitha vetitë shëruese. Kurse vaji
i farës së zezë që ekziston sot në treg nuk ka vetitë kuruese që mund
të përmenden, sepse ai është vetëm vaj i qëndrueshëm, kurse vaji i
avullueshëm ka avulluar gjatë fabrikimit të tij. Fara e zezë e bluar
mund të përdoret e përzierë me mjalt, apo duke e tretur në ujë apo në
qumësht. Ky është përdorimi më i mirë i farës së zezë. Mënyra më e
thjeshtë për marrjen e farës së zezë është duke vendosur një lugë nga
fara e zezë në një pjatë me kos lope ku shtohet edhe vaj ulliri. Kjo
është pjata më e dobishme e mëngjesit dhe e mbrëmjes.

Kujdes!

Përdorimi i farës së zezë për sëmundje serioze dhe të komplikuara,
duhet të bëhet pas këshillimit me nje specialist në bimët mjekësore,
me qëllim që të arrihet suksesi sa më i plotë dhe i shpejtë, si dhe për
të parandaluar ndonjë komplikim apo efekt anësor të mundshëm, sidomos
me përzierjen e farës së zezë me bimë të tjera mjekësore.

Përmbledhje me dobitë e farës së zezë:

-Fara e zezë ndihmon në ruajtjen konstante të temperaturë së trupit.
- Fara e zezë ndihmon në ardhjen dhe shtimin e qumështit te nëna gjidhënëse.
- Fara e zezë ka ndikim nxitës në sistemin imun.
- Fara e zezë është ushqim i shëndetshëm dhe i rëndësishëm për fëmijët,
gratë dhe të moshuarit, për shkak të përmbajtjes së saj ushqimore të
shumëllojshme.

Përdorimi i farës së zezë për sëmundje specifike

1. Dhimbje kokë ose migrena: Marrja e dozës orale dhe aplikim në ballë
ose në pjesën me dhimbje. Të largohet nga ngrënia e tepërt e
ëmbëlsirave.
2. Sëmundjet reumatizmale: Marrja e dozës orale ditore dhe aplikim në pjesët me dhembje dy herë në ditë për rreth tre muaj.
3. Diabeti: Marrja e dozës ditore orale dhe një gotë çaji ‘santonica’ të zier.
4. Imuniteti i fëmijëve: Marrja e dozës orale ditore për tre muaj.
5. Çlirim për sëmundjet e hundës: Tri luge çaji çdo ditë për një javë si dhe masazh për pjesët e sëmura.
6. Ulja e kolesterolit në gjak: Marrja e dozës orale ditore dhe largimi nga ngrënia e yndyrave (për efekt të uljes së peshës).
7. Contusions dhe propodiplegia: Marrja e dozës orale ditore dhe masazh
i pjesës së dëmtuar për pesëmbëdhjetë minuta dy herë në ditë.
8. Stomaku dhe ulçera: Marrja e dozës orale ditore, kufizimi i të
ngrënit të ëmbëlsirave dhe frutave agrume. Këshillohet testimi i
hormoneve tiroide dhe masazh i jashtëm dhe ngrënia e shegës bashkë me
lëkurën e saj të brendshme.
9. Në raste ftohjeje, marrje fryme, kollë: Në një gotë uji me çaj dhe
sheqer hidhet një lugë kafe vaj fare të zezë dhe pihet para se të bini
në gjumë dhe vendoset dhe një kompresë e ngrohtë në kraharor;
qetësohesh menjëherë.
10. Për kurimin e infeksioneve të zemrës dhe ngushtimin e venave: Pihet
vazhdimisht vaji me çfarëdo pije të nxehtë. Kjo ndihmon në shkrirjen e
yndyrave, zgjerimin e damarëve dhe arterieve.
11. Për sëmundjet e lëkurës dhe lebrozës: Lyhet vendi i prekur nga
sëmundja me uthull molle dhe më pas lyhet me vajin e farës së zezë për
15 ditë.
12. Për kurimin e rasteve të dobësisë seksuale, nevojitet 200 gr kokërr
fare të zezë të shtypur (pluhur), 50 gr vaj ulliri, 100 gr dylli të
shtypur (dyllë pemë mashkull), 50 gr vaj fare të zezë, 50 gr vaj
xhirxhiri (sallatë arabe, në anglisht rocket ose eatercress) si dhe 200
gr mjaltë i pastër. Këto përzihen mirë së bashku dhe përgatesa përdoret
një lugë kafeje pas çdo vakti. Kjo kurë kthen aktivitetin edhe nëse je
në moshë të thyer.


Veçoritë e vajrave acidikë të pangopur

-Ndihmojnë metabolizmin e trupit
-Nevojiten në rritjen, zhvillimin dhe rinovimin e qelizave
-Ndihmojnë në zhvillimin e hormoneve dhe në formimin e një sistemi nervor dhe hormonal-mbrojtës të shëndetshëm
-Pengojnë shtimin e substancave që dërgojnë sinjale alergjike
-Ndalojnë qelizat mbrojtëse (imunitare) të punojnë më shumë se ç’duhet
-Kolesterolin në gjak e kthejnë në nivelet normale
-Pengojnë bllokimin e damarëve duke rregulluar strukturën e tyre dhe njëkohësisht shpejtësinë e qarkullimit të gjakut
-Ulin tensionin dhe reduktojnë rrezikun e ashpërsimit të damarëve dhe infarktit në zemër
-Ndihmojnë në përmirësimin e shpejt të plagëve
-Trupi i njeriut nuk i prodhon këto vajra dhe është i detyruar t’i marrë nga jashtë

Bima që redukton rrezikun e tensionit dhe zemrës

Njerëzit me çrregullim të metabolizmit dhe alergjikët gjejnë shërim të plotë

Fara e zezë (Nigella Sativa), është një bimë që ka gjetur përdorim të
gjerë në mjekësinë popullore. Falë përbërjes që ajo ka efektet e saj
kuruese për sëmundje të ndryshme janë të shumta. Ajo përmban vaj acidik
të pangopur, vaj me eter, vitamina dhe një sërë substancash të tjera të
domosdoshme për organizmin. Tashmë është vërtetuar se vaji acidik i
pangopur që përmban fara e zezë ndikon pozitivisht mbi metabolizmin e
trupit, rrit imunitetin dhe ndalon alergjinë. Fara e zezë përmban
përafërsisht 38 për qind karbohidrate, 35 për qind vajra të ndryshëm,
21 për qind albumin dhe pjesa tjetër përbëhet prej më shumë se një qind
substanca të ndryshme. Për t’u përmendur janë: vajrat acidike të
pangopura, acidi Linolein, acidi alfa-Linolein, vajrat me eter
(nigellon, alfa-pinen etj.), vitaminat (B1, B2, B6, Acidi Folik,
Niacina), minerallet (hekur, kalcium, magnez, zink, etj.) dhe
aminoacidet. Vajrat me eter si Nigellon dhe alfa-Pinen zgjerojnë rrugët
e frymëmarrjes, lehtësojnë kollitjen, pengojnë qelbëzimin dhe ndalojnë
dhimbjen. Nëse përdoren rregullisht ulin sheqerin në gjak. Vitaminat
B1, B2 dhe B6 luajnë rol në prodhimin e enzimave dhe forcojnë sistemin
mbrojtës. Acidi folik redukton rrezikun e tensionit dhe sëmundjeve të
zemrës, gjithashtu është i nevojshëm në rinovimin e qelizave.
Antioksidantët si vitaminat A, E, C dhe Beta-Karotin forcojnë sistemin
mbrojtës te trupit. Përveç efektit që jep fara e zezë në sistemin
imunitar, metabolizmin dhe zhvillimin e hormoneve, njëkohësisht ajo
pastron trupin nga substancat e dëmshme të quajtura toksina (Toxin),
përforcon qarkullimin e gjakut, ndihmon në funksionin e zorrëve dhe
rrit shkëlqimin e flokëve dhe lëkurës. Fara e zezë ul tensionin dhe
temperaturën dhe kryen funksionin e antibiotikëve. Është mjaft efektive
ndaj sëmundjeve alergjike si astma dhe alergjia ndaj polenave. Për
efektin që ka në sistemin imunitar është i këshillueshëm përdorimi i
saj në sëmundjet si AIDS, kanceri etj. Me gjithë këto veti të mira
kuruese që përmban fara e zezë, është vështirë të qëndrojë jashtë
vëmendjes së botës përëndimore. Vitet e fundit në Europë dhe SHBA
vërehet të ketë kërkesë për këtë farë. Në farmacitë gjermane fara e
zezë tashmë është e pranishme në formën e saj origjinale si farë, vaj
ose tabletë.

Fara e zezë

Megjithese kjo bimë e ka marrë emrin habtul bereke (fara e bekuar) për
shkak të vetive të saja kuruese ajo është e quajtur me shumë emra si:
fara e zezë, nigella sativa, habbetus-sevda, etj... por megjithatë emri
më i përdorur është “fara e zezë”.

Megjithëse në vendet arabe përdorimi i saj është i mirënjohur, në
Shqipëri apo në viset e ndryshme shqiptare kjo bimë gati nuk njihet apo
nuk është bërë si ilaç i praktikueshëm në ambjentet familjare apo edhe
tek ato të mjekësisë popullore. Megjithëse ajo përmban fuqi kuruese
shumë të mira ashtu siç po vlerësohet nga të gjithë institucionet
perëndimore të cilat tani kanë filluar ta perdorin këtë bime për të
kuruar sëmundje të ndryshme. Për këtë bimë, Pejgamberi, Muhammedi
salallahu alejhi ve sel-lem, ka thënë:

“Ka sherim te fara e zezë për të gjitha sëmundjet përveç vdekjes”. çSahih el-Buhari: 5688]

Nigela sativa ose fara e zezë besohet të jetë indigjene ndaj zonës
mesdhetare por është e kultivuar në vende të tjera të botes duke
përfshirë Arabinë Saudite, vendet afrikano-veriore dhe pjesë të Azisë.

Farat e zeza janë të vogla dhe me qime dhe jo më tepër sesa 3mm në
gjatësi, farat e zeza origjinojnë nga bima euroaziatike (Foeniculum
vulgare) ose (Nigela sativa) nga familja e Ranunculaceae.

Bima i ndan gjethet në menyrë të përkryer me lulet e bluta, të bardha
dhe vishnje. Lulet rriten në deget e saja ndërsa gjethet rriten për
kundër njëra tjetrës në çifte. Gjethet e saja të poshtme janë të vogla
ndërsa gjethet e saja sipër janë të gjata (6-10 cm). Kërcelli i saj
rritet deri ne 34 -39 cm ndërsa frutet e saja, farat e zeza, piqen.

Nigela sativa riprodhohet me veten e saj dhe formon një frut në formë
kapsule e cila përmban shumë fara trigonale të bardha. Kur frutet e
kapsulës piqen, ajo hapet dhe farat që ajo permban i ekspozohen ajrit,
duke u bërë të zeza në ngjyrë (farat e zeza).

Historia e farës së zezë

Fara e zezë (nigela sativa) është zbuluar në varrin e mumjes
Tutankhamon duke lënë për të kuptuar që ajo ka luajtur një rol të
rëndësishëm në praktikat e lashta të Egjyptit. Megjithëse roli i saj
unik në kulturën egjyptiane është i panjohur.

Diocoredes, një doktor i lashtë grek i shekullit të parë e ka
regjistruar farën e zezë si një shëruese e dhimbjeve të kokes,
dhimbjeve të dhëmbëve, rrjedhjeve të gjakut nga hundët dhe krimbat e
zorrëve. Grekët e lashtë gjithashtu e kanë përdorur si një diuretik për
të ndihmuar në kohën e menstruacioneve si dhe për të shtuar prodhimin e
qumështit.

el-Biruni (973-1048), i cili kompozoi një ilaç mbi origjinat e ilaçeve
indiane dhe kineze, përmend që fara e zezë është një lloj fare e
quajtur el-Uanak në dialektin Sigzi.

Ibën Sina (980-1037), në më të famshmit nga volumet e tij, i quajtur
“Kanuni i mjekësisë” i shikuar nga të tjerët si libri më i famshëm në
tërë historinë e mjekësisë, i referohet fares së zezë se “...stimulon
energjinë e trupit dhe ndihmon në ripërtëritjen nga lodhja..”.

Fara e zezë është gjithashtu e përmendur në listen e ilaçeve natyrale
në librin el-Tib el-Nebevi nga Ibën Kajjim el-Xheuzijje (Mjekësia e
Pejgamberit) dhe sipas traditës profetike: ”përdoreni farën e zezë
sepse në te ka shërim për çdo sëmundje përveç vdekjes”. Kjo referencë
profetike në pershkrimin e farës së zeze si “ka nje sherim per çdo
semundje” shihet nga kërkimet e tanishme që kanë provuar fakte të
mjaftueshme që tregojnë se fara e zezë permban një aftësi të madhe për
të ngritur sistemin mbrojtës- nëse përdoret vazhdimisht. Fraza
profetike ”përdoreni faren e zezë” gjithashtu thekson përdorimin e
vazhdueshëm të farës së zezë.

Përbërja primare e farës së zezë

Ashtu si fakti i prezantuar në ketë seksion që do të tregojë, është
shumë e mundsme që ashtu siç shkenca e mjekësisë mëson vazhdimisht
rreth farës së zezë, një ose më tepër përbërës aktiv mund të kombinohen
në një recete farmaceutike për kushte të veçanta. Nëse kjo ndodh, është
gjithashtu e mundshme që fara e zezë mund të përzihet me kimikate dhe
kështu të bëhet një ilaç shumë më i fuqishëm.

Ndërsa është e disktueshme që përzierja me kemikate mund ta shtojë
efektivitetin e farës së zezë në trajtimin e disa kushteve specifike,
principet shëruese të farës së zezë në formën e saj të pastërt, në
formën e saj natyrale duhet të mirren si të sakta.

Fara e zezë në formën e saj të kompletuar, formën natyrale vepron në
mbështetje të procesit shërues të vetë trupit në tejkaliminm e
sëmundjes ose përmbajtjen e shëndetit. Vepron mbi pjesë ose sistemin e
trupit pa e shqetësuar në vende të tjera.

Efekti ushqyes i kombinimit të farës së zezë dhe vlerës mjeksore jo
vetëm që e ndihmon atë të çlirohet nga kushtet e tashme por gjithashtu
e ndihmon ndërtimin më tej të rezistencës kundër sëmundjeve të
ardhshme.

Ndërsa faktet historike sugjerojnë që përdorimi i farës së zezë është
për një numër të gjërë sëmundjesh, këtu përmendëm vetëm disa prej
kërkimeve më të fundit mbi farën e zezë.

Veçanërisht ata që merren me tregi duhet të sjellin ne vendet tona nga
kjo bimë. Kjo bime po ashtu shitet në produkte të shumta si vaj, erëza
çaji, sapunë për fytyrë. Ka plotë rrjete në internet që e shesin këtë
bimë në këto produkte të cilat janë shumë të mira për shëndetin

Ja dhe farat e zeza te Nigella Satives,per te cilen folem me lart...
.