Prinderit cuditen me sjelljet ose veprimet e femijeve te tyre!

Shumë herë prindërit dhe të rriturit qëllimisht apo jo qëllimisht bëjnë gjëra që mund të jenë shembull i keq për fëmiun dhe të rinjtë tjerë pranë nesh.

Më poshtë janë të përshkruara disa situata dhe këshilla të cilat mund t’i përdorni si shembull i mirë për të vegjlit tuaj.


Shembull i Keq për Fëmijët
"Thuaj që nuk jam këtu" me zë të lart i drejtohemi bashkëshortit apo fëmijëve sapo të ndihet cingërima e telefonit. Edhe pse ne mbase nuk e kemi vërejt, ne sapo u bëmë një shembull i keq i të gënjyerit pranë fëmijëve tanë. Kur ata na shohin neve duke mos e thënë të vërtetën ata do të mendojnë se qenka në rregull të gënjesh. Babai dhe nëna po e bëjnë.
Po të ishim më të vetëdijshëm për rolin tonë si shembull për fëmijët tonë, ne do t’i ishim shmangur këtij gabimi duke përdorur një mënyrë tjetër; duke i thënë bashkëshortit apo fëmijëve që nuk jemi në gjendje të flasim në këtë moment, e jo që nuk jemi në shtëpi; apo thjeshtë duke u lajmëruar në telefonatë. Por, ne kurrë s’duhet të gënjejmë.Shumë gjëra tjera të “vogla” që i bëjmë gjatë ditës mund të jenë si shembuj të këqij për fëmijët tonë, ndërsa ne ndoshta as nuk i vërejmë.
Duke qenë vazhdimisht të vetëdijshëm për rolin tonë si shembull para fëmijëve tonë, do të na ndihmonte t’iu ikim mundësive për të bërë ndonjë gabim të tillë. Sidoqoftë, janë disa raste të rrezikshme në jetët tona në të cilat do të duhej të ishim shumë të kujdesshëm. Këtu janë disa mendime që e paraqesin një rol model më të mirë.

Fëmijëve Tonë Ne Kurrë s’do të Duhej t’u Bëjmë Premtime të Rrejshme
Për shembull, ne kurrë s’do të duhej t’iu themi “Do të dërgoj në ëmbëltore nëse je i mirë” kur nuk e kemi ndërmend vërtetë që të shkojmë atje. Edhe kjo është gënjeshtër, dhe nëse bëjmë diçka të tillë, fëmijët tonë mund të humbasin besimin në gjithçka që e themi.


Mos u Fjalosni me Bashkëshorti(e)n në prezencë të fëmijëve
A thua si do të ndihej një fëmijë po të shihte nënën dhe babin duke bërtitur madje ndoshta edhe duke sulmuar njëri tjetrin? Çfarë tmerri do ta përjetonin në atë moment. Dhe si do të dinin si të veprojnë në atë moment. Dhe si do të dinin çfarë të bënin pastaj? A do të mundnin ata të kthehen në lidhjen e dashur prindërore pasi të shohin fjalosjen e abuzimin fizik ndaj njëri tjetrit? Nëse ne bëjmë një gabim të ngjashëm, fjalosje apo sulmim ndaj njëri tjetrit para fëmijëve tonë, ne duhet të jemi të sigurt të përfshijmë
sjelljen tonë të papjekur
Nuk është efektive çka nëna dhe babai THOTË, por ÇKA nëna dhe babai BËJNË, VEPROJNË.
Rritja e fëmijëve është një përgjegjësi e pabesueshme. Nëse ne dëshirojmë të kemi sukses, ne duhet t’i rrisim ata edhe me FJALË edhe me VEPËR.
Si qenie njerëzore që jemi, ne me kohë mund të bëjmë gabime.