13 pyetje për celulitin

nga Barbi Fri Nov 06, 2009 1:55 pm

13 pyetje për celulitin

Rregulla, dieta, aktiviteti fizik, trajtime estetike. Çfarë duhet të dini? Përgjigjet për dyshimet më të zakonshme dhe këshillat për ta luftuar atë.Të dish gjithçka për celulitin do të thotë të kesh më shumë armë për ta luftuar, ose të paktën për të ndalur keqësimin e tij. Le të shohim, nëpërmjet pyetjeve më të zakonshme identitetin e këtij ndryshimi që e privon

1 - A është celuliti shqetësim i vërtetë?
Mjekët e konsiderojnë një shqetësim të vërtetë që përfshin shtresat e lëkurës si dhe qarkullimin e lëngjeve. Në të vërtetë, është pasoja më e dukshme e një shtimi vëllimi anormal të qelizave që përbëjnë indet depozituese, në prani të të cilave gjaku e limfa nuk qarkullojnë mirë, duke i lënë vend e hapësirë grumbullimeve. Efekti "lëkurë portokalli" fryrjet, humbja e kompaktësisë së lëkurës që karakterizon shfaqjen e celulitit janë me një fjalë shprehje e ngadalësimit të qarkullimit të likuideve për shkak të zhvillimit të ekzagjeruar të indeve depozituese. Në sferën mjekësore si përgjigje kryesore shihen jeta sedentare, marrja e kalorive të tepërta, si dhe shtimi i vëllimit të indeve depozituese.

2 - Dobësimi ndihmon në pakësimin e tij?
Grumbullimi i indeve depozituese që shfaqen pashmangshëm nga shtimi në peshë, shkaktojnë e favorizojnë shfaqjen e celulitit, e nga ana tjetër pengojnë zhdukjen e tij, qoftë edhe nëpërmjet aktivitetit fizik. Pa dyshim që dobësimi deri në arritjen e peshës ideale në proporcion me gjatësinë e përbërjen fizike, këshillohet si strategji anticeluliti e madje tepër efikase. Për të bërë një llogari të përafërt, numri i kilogramëve që duhen humbur në raport me cm e gjatësisë, përtej 1 metri, është 7 nëse trupi është i hollë, 5 nëse është normal, e 3 nëse është i fortë (i mbushur). P.sh. pesha ideale e një femre në konstrukt të hollë, e gjatë 1,70 m është 70-7=63 kg.

3 - A ekziston ndonjë dietë anticeluliti?
Dieta ideale për të luftuar celulitin, që nuk ndryshon aspak nga ajo lloj diete që çdo femër duhet të mbajë për të ruajtur peshën, duke garantuar njëkohësisht mirëqenien dhe efikasitetin e organizmit. Më saktë, për të kontrolluar celulitin pa e varfëruar organizimin, d.m.th. pa rrezikuar humbjen e energjisë, duhet marrë përditë 2200 kalori të shpërndara në këtë mënyrë: 15% proteina (mish, qumësht e prejardhjet e tij, peshk, vezë, perime) duke mos harruar që një gram proteinë përmban 4 kalori: 25% yndyra (vaj, gjalpë, djathë, sallam, mish), duke ditur që një gram yndyrë përmban 9 kalori: 60% karbohidrate (patate, bukë, biskota, fruta, sheqer) dhe që një gram karbohidrate përmban 4 kalori. Dietës bazë i shtohen sasitë e frutave e perimeve, të nevojshme për shkak të kripërave minerale e vitaminave. Kush ka nevojë vërtet që të dobësohet duhet të marrë 500-600 kalori më pak se zakonisht, d.m.th., rreth 1600-1700 kalori ditore, duke pasur kujdes në proporcionet e ushqimeve.

4. Përse duhet pakësuar konsumimi i kripës?
Në prani të celulitit është mirë të pakësohet konsumimi i kripës pasi natriumi që e përbën provokon grumbullimin e lëngjeve, d.m.th. favorizon shtimin e fryrjeve që shoqërohen me celulitin. Teprica e natriumit shton densitetin e lëngjeve të organizmit, duke i bërë më pak fluidë, në qarkullimin e tyre. Për të kthyer lëngjet në shkallën normale të densitetit, në organizëm lindin dy mekanizma mbrojtës: grumbullimi hidrik dhe etja. Për shkak të së parës, organizmi mban sa më shumë të jetë e mundur lëngjet e tij, (urina pakësohet), ndërkohë që për të dytën merret aq ujë sa të shkrijnë si duhet lëngjet e organizmit. Në momentin që shfaqet grumbullimi hidrik, gjaku fillon të shkojë në kapilarë më shumë se zakonisht e kësisoj shton sasinë e lëngjeve prezentë midis qelizave, grumbullimi i të cilëve shfaqet me fryrjet e lëkurës. Nevoja ditore e natriumit, përgjithësisht mbulohet nga konsumi i vegjetalëve, djathit, peshkut, mishit. Për të mos ngrënë më shumë se ç'duhet është mirë që pjatat të aromatizohen me barishte e erëza.

5. Cili është aktiviteti fizik më i përshtatshëm?
Një aktivitet fizik anticelulit duhet të ndjekë 3 objektiva: të favorizojë eliminimin e grumbullimit të yndyrave, të rregullojë qarkullimin e lëngjeve, e ta rikthejë tonifikimin e muskujve. Ky aktivitet përmbushet nga walking, ose më mirë shëtitja me hap të fortë, ose biçikleta. Për të arritur rezultatet e dukshme brenda një kohe të caktuar, duhet ecur të paktën 5 herë në javë përreth 45 minuta. Shpejtësia e duhur është ajo që të lejon të ecësh pa t'u marrë fryma. Si alternativë mund të pedalosh çdo ditë përreth 35 minuta, pa t'u marrë fryma. Ideale do të ishte alternimi i të dy aktiviteteve. Ndërsa sportet e rënda, s'bëjnë dobi ndaj celulitit, pasi nuk shkaktojë djegien e yndyrave, por atyre të sheqernave. Organizmi varfërohet kështu nga burimi i tij energjik: rezultati është një lodhje e shpejtë, që nuk të lejon vazhdimin e aktivitetit të paktën 35-40 minuta pa ndërprerje. Me pak fjalë: një aktivitet muskulor pak intensiv, por i zgjatur, dobëson më shumë se një aktivitet i fuqishëm, pasi lejon përdorim si burim energjie depozitat e yndyrave.

6. Më mirë çorapët apo getat?
Për të penguar shfaqjen e celulitit, duhet evituar të gjitha veshjet e ngushta që shtrëngojnë zonën e kofshës. Në të vërtetë, përdorimi i tyre pengon qarkullimin korrekt të gjakut pasi vështirëson kthimin e gjakut nga pjesët e poshtme në zemër. Janë perfekte çorapët e lirshme, e sidomos ato që ushtrojnë pak presion mbi vena duke favorizuar ngjitjen e gjakut lart e duke penguar grumbullimin e lëngjeve.

7. Ç'lloj këpuce duhet zgjedhur?
Edhe zgjedhja e këpucëve përbën element të rëndësishëm në luftën kundër celulitit, pasi këpuca kushtëzon lëvizjen e këmbës dhe vendosjen e saj korrekte, nga ku varet edhe presioni i mjaftueshëm për ngjitjen e gjakut lart. Këpucët ideale, janë ato që janë të rehatshme për këmbët dhe me taka midis 3-5 cm. Në të vërtetë, një takë më e lartë, i detyron këmbët të marrin pozicion jo të natyrshëm, të papërshtatshëm për mbajtje e peshës së trupit. Dhe, nga ana tjetër, një takë më e ulët, e detyron këmbën të rrijë shesh, d.m.th. në një pozicion që e pengon këmbën të kryejë lëvizje të natyrshme e të lehta. Në të dyja rastet, gjaku qarkullon më me vështirësi, e me kalimin e kohës, favorizojnë keqësimin e celulitit.

8 - Cilat janë mënyrat "shtëpiake" për ta luftuar?
Kompresat me ujë e kripë ose me argjilë mund të përmirësojnë pamjen e lëkurës nga celuliti dhe të ulë fryrjet e dukshme. Kompresat me ujë e kripë, duhet të përshijnë të gjithë këmbën (nga kavijet, tek vithet). Për këtë të përdoren copa të lagura, përreth 15-20 minuta do ditë, akoma më mirë nëse bëhen para gjumit. Ndërsa argjila, duhet përgatitur në 2 lugë vaj, një lugë vaj ulliri e 4 lugë argjilë, e cila duhet bërë një masë e trashë e homogjene që aplikohet direkt mbi zonën që duhet trajtuar rreth një orë dhe 2-3 herë në javë.

9 - A funksionojnë kremrat anticelulite?
Ato pa dyshim që përmirësojnë pamjen e lëkurës, si dhe favorizojnë shkrirjen e yndyrave dhe pakësimin e grumbullimeve hidrike. Pa dyshim që jo të gjitha produktet janë njësoj mes tyre. Sipas përbërësve aktivë që përmbajnë mund të kryejnë p.sh. forcimin e enëve të gjakut (periferike), forcojnë e tonifikojë si dhe hidratojnë. Megjithatë, për të parë rezultatet e tyre është mirë që të përdoren për një kohë të gjatë, sidomos çdo ditë 6 javët e para e pastaj 1-2 herë në javë. Pastaj është mirë që të aplikohen duke u shoqëruar me masazh, i cili ndihmon në thithjen e tyre të shpejtë.

10. Po masazhi limfodrenues ç'është?
Ky masazh favorizon një qarkullim të limfës në hapësirat midis qelizave. Limfa është lëngu që prodhohet nga gjaku: kur gjaku arrin kapilarët, pjesërisht hyn në vena, nga ku ngjitet në zemër e pjesërisht në kapilarë, të cilët janë porozë, ku formohet i ashtuquajturi likuid ndërmjetës. Ndër sasi të vogla ngelen të lira midis qelizave. Kur mblidhet me tepricë shfaqen fryrjet. Në qoftë se masazhi bëhet nga duar eksperte, atëherë shihen edhe rezultatet më mirë.

11. A e favorizojnë celulitin disa lloj qëndrimesh?
Disa pozicione jo të rregullta lodhin qarkullimin e gjakut, duke keqësuar kësisoj celulitin. Midis tyre, qëndrimi shtrembër për një kohë të gjatë, këmbët e hedhura mbi njëra-tjetrën, qëndrimi në kurriz. Korrigjimi i tyre është i lehtë. Kur qëndrohet për një kohë të gjatë në këmbë, është mirë që të lëvizet herë pas herë mbi ndonjë bordurë çfarëdo qoftë, këmbët s'duhet kryqëzuar, pasi presioni i njërës këmbë i ushtruar mbi këmbën tjetër ngadalëson qarkullimin e gjakut. Gjithashtu, edhe kur qëndrohet ulur, është mirë që këmbët të mbahen pak të mbështetura diku. E në fund, është mirë që të flihet në një jastëk poshtë dyshekut, nga ana e këmbëve.

12. Përse nxehtësia e keqëson?
Nxehtësia përcakton si pasojë imediate ngushtimin e venave e si pasojë dhe ngadalësimin e qarkullimit të gjakut, i cili shkakton grumbullimin e lëngjeve. Kësisoj duhet që të ruhen këmbët sidomos gjatë verës ndaj diellit, duke i lagur herë pas herë me ujë, e mos të mbështeten pranë kaloriferit, e mos të mbahen gjatë në vaskë në temperaturë më të lartë se 32 gradë.

13. Cilat janë mënyrat natyrale më efikase?
Ndihmë japin çaji me carangth e mëllagë. Gjithashtu e mirë është boronica, e ngrënë si fryt apo e pirë si lëng. Përmban përbërës aktivë që përmirësojnë qarkullimin e gjakut pasi ndihmojnë enët e gjakut të qëndrojnë tonike e elastike. Telegrafi

nga capkenja Thu Apr 01, 2010 8:49 pm

Zbulohet teknika përfundimtare për ta eliminuar celulitin

Zbulohet zgjidhja përfundimtare për të eliminuar celulitin, një problem shumë shqetësues, sidomos për trupin e fermave. Lajmi i mirë për botën e kozmetikës vjen nga Shtetet e Bashkuara të Amerikës. Bëhet fjalë për një teknikë mini-pushtuese që mund të eliminojë jo vetëm celulitin dhe dhjamin e tepërt rreth trupit (përfshirë dhe fytyrën), por edhe për të ngurtësuar, ngritur lëkurën e varur. Pajisja quhet Açusculpt (për fytyrën Açulift) dhe tashmë 2 mijë pacientë në SHBA kanë testuar efektshmërinë e saj.

Teknika e re
Teknika e re ka marrë kohët e fundit dhe certifikimin e sigurisë evropiane. Ajo tashmë është përdorur suksesshëm edhe në Itali nga 86 persona. Sipas zbuluesve të kësaj teknike, ajo është shumë më e saktë dhe më e fuqishme se aparatet e tjera homologe dhe mbi të gjitha ajo është më pak invazive dhe nuk ka efekte anësore, që e bën të përshtatshme edhe për zona të ndjeshme të tilla: si fytyra, ana e brendshme e kofshës, krahu ose gjuri. Açusculpt shkrin yndyrën përmes tubave të vogla (rreth 1 ose 2 milimetra) që lëshojnë nxehtësi shumë pak në dallim nga laserët tradicionale të përdorura deri tani.
Profesor Luka Siliprandi në Institutin e Kirurgjisë Plastike, të Universitetit të Padovës shpjegon se “energjia e laserit nëpërmjet shtresave më sipërfaqësore të dhjamit, çon në tërheqje të lëkurës dhe lifting stimulon prodhimin e kolagjenit natyror të saj. Për këtë arsye, kjo teknikë mund të zbatohet edhe në moshat mbi gjashtëdhjetë vjeç, që kanë elasticitet të dobët të lëkurës. Açusculpt premton heqjen e plotë të dhjamit dhe celulitin me më shumë pak dëmtime në ind se metodat tradicionale e përdorura deri tani.

Ilaçet bimore
Përveç trajtimeve kozmetike për trajtimin e celulitit,
Që kryhen në qendra të specializuara dhe kanë një kosto jo të vogël, ekzitojnë një sërë ilaçesh bimore që vijnë në ndihmë të kësaj patologjie. Këto produkte, që nuk kanë asnjë efekt anësor për organizmin kanë dhënë efekte pozitive jo vetëm për evitimin e celulitit, por edhe për të rënë nga pesha, pa dëmtuar lëkurën.

Tarasako
Tarasako (Taraxacum officinale) është një bimë që njihet për karakteristikat e saj si favorizuese në funksionin tretës dhe depurativ (pastrues) të organizmit, veti këto që rrisin rëndësinë e saj si ndihmëse në dietat për uljen e peshës dhe përmirësimin e funksioneve osteoartikulare. Po ashtu, tarasako ka dhe shumë përdorime të tjera tradicionale. Për shembull, kjo bimë përdoret si laksativ i lehtë, tonik i mëlçisë, diuretik dhe depurativ dhe antiedematoz. Rrënja, që përbën dhe pjesën e bimës që ka vetitë e mësipërme përmban fruktozë, tarasakoside, laktone të hidhura, triterpeni, laktoni sesquiterpenike, sterole etj.

Mormodica
Mormodica është një bimë që rritet në Azi dhe përdoret nga vendasit edhe në ushqimin e përditshëm. Kjo bimë ka efekt ipoglicemizant, pra ul nivelin e sheqerit në gjak, prandaj dhe përdoret në dietat e ndryshme për dobësim, sepse ndikon në metabolizmin e sheqernave. Për efektet që ka kjo bimë nuk rekomandohet të merret nga persona që vuajnë nga ipoglicemia (nivele të ulëta të sheqerit në gjak) dhe nga gratë shtatzëna (edhe pse nuk ka studime të mirëfillta që konfirmojnë këtë kundërindikim). Kjo bimë është e pasur me vitamina dhe minerale si: hekur, kalcium, fosfor, kalium, fibra ushqimore, vitaminë A, C, B1, B3 etj. Përdorime të tjera të kësaj bime janë në: HIV/AIDS, tumore, diabet, etj.

Coleus
Coleus përmban një substancë të quajtur forskolin, që duke stimuluar gjëndrën tiroide bën të mundur humbjen e yndyrave. Por në ndryshim nga efedrina që është përdorur shpesh për këtë qëllim, forskolina nuk ka efekte anësore si rritje e tensionit, takikardi, nervozizëm dhe shqetësime të sistemit nervor. Me kalimin e viteve është gjithnjë e më e vështirë të humbet pesha nën ndikimin e substancave si kafeina, ose duke stimuluar gjëndrën tiroide ose insulinën.
Forskolina është parë që anulon këtë humbje sensibiliteti duke ripristinuar një nivel metabolik të djegies së yndyrave si në një organizëm të ri. Kjo është një avantazh plus për moshat mbi 40-vjeç, te të cilët pilulat dhe sistemet e dobësimit të tipave të tjera nuk janë shumë efektive. Dhe së fundmi, është parë që forskolina ruan muskujt gjatë dietave për dobësim.
Kjo është shumë e rëndësishme, sepse dihet që një pjesë e konsiderueshme e peshës së humbur nga dietat dobësuese i përket muskujve që i jep formën trupit dhe djeg kaloritë. Kjo është arsyeja që shpesh personat në dietë në fund të saj kanë një paraqitje më pak të kënaqshme edhe pse kanë humbur peshë.

Kromi
Kromi është një mineral esencial që ndihmon organizmin të djegë kaloritë, të humbë yndyrat dhe peshën duke ruajtur muskujt. Kromi e ndihmon organizmin të normalizohet nga pikëpamja metabolike dhe stabilizon fazën për një dobësim të sigurt dhe afatgjatë. Pjesa më e madhe e amerikanëve që hanë shumë karbohidrate dhe yndyra zhvillojnë një gjendje në të cilën trupi dërgon kalori në qelizat dhjamore, për ta konservuar aty në vend që ta dërgojë në muskuj për ta transformuar në energji. Kjo bën që jo vetëm të rritet sasia e dhjamit, por edhe ajo e kolesterolit në gjak. Kromi i kombinuar me një dietë të ekuilibruar dhe ushtrime fizike mundëson uljen e peshës. Në prani të një sasie të caktuar, kromi i “dërgon” organizmit kaloritë në vendin e duhur dhe ndihmon trupin të djegë yndyrat. Kromi ndihmon gjithashtu edhe për të mbajtur nën kontroll oreksin.

Glukomanani
Glukomanani ose e njohur ndryshe si rrënja e bimës së konjakut përmban glukomanan që falë fibrave të tretshme, në prani të ujit fryhet duke thithur deri në 100 herë volumin e saj dhe duke bërë që të ndihemi të ngopur me stomakun plot. Përveç kësaj, kjo bimë ul absorbimin e sheqernave, yndyrave dhe kripërave biliare, duke rregulluar edhe nivelin e kolesterolit.

Kajsia
Kajsia përdoret në dietat për dobësim, sepse ka një efekt laksativ, duke ndihmuar transitin intestinal që shpesh është më i ulur në personat mbipeshe. Grupet kërkimore në Universitetin e Okayames prej vitesh kanë fokusuar vëmendjen e tyre te kajsia, duke analizuar në fillim gjethet ku kanë gjetur luteolinen si komponent të rëndësishëm me aktivitet inibitor mbi lipazën pankreatike, substancë kjo në gjendje të ndihmojë në ruajtjen e nivelit fiziologjik të triglicerideve.

Banaba
Është një bimë që rritet në Azinë orientale dhe që përdoret kryesisht si hipoglicemizante dhe kundër obezitetit. Principi aktiv të cilit i detyrohen vetitë ipoglicemizante është acidi corosolic që ka një mekanizëm veprimi insulin-like edhe kur merret nga goja, favorizon përdorimin e glukozës nga qelizat dhe prandaj e quajnë fito-insulinë. Kjo veti e saj e ka bërë që të shihet si trajtim me interes dhe në personat që vuajnë nga diabeti (që janë insulin-vartës), por shumë më pak në diabetin juvenil. Pa diskutim që të shikohet efikasiteti duhet të ndiqet nga një stil jetese korrekt dhe i ekuilibruar.
Studimet klinike kanë parë që marrja e banabes vetëm për 4 javë fillon të japë rezultate të kënaqshme dhe përveç kësaj efekti zgjat deri në një muaj pas marrjes. Lëvizja e niveleve të glukozës në gjak stimulon urinë dhe dëshirën për të ngrënë sidomos të ëmbëlsirave, pra duke rregulluar nivelin e sheqerit në gjak mund të kontrollohet më mirë marrja e ushqimeve pra dhe rënia në peshë.

Acidi corosolic
Përveç gluicemisë, acidi corosolic ndihmon diferencimin e adipociteve (qelizat në citoplazmën e të cilave depozitohen yndyrat dhe që formojnë indin dhjamor), duke ndihmuar edhe një herë në rënien në peshë. Përveç uljes së glikemisë, nga studime të ndryshme është parë edhe një ulje e yndyrave në mëlçi si rrjedhojë e uljes së akumulimit të triglicerideve, duke ekuilibruar kështu situatën totale të yndyrave. Përdorimi i dozave nga 8-48mg të acidit corosolic nuk ka dhënë probleme toksiciteti, prandaj mund të quhet një bimë e sigurt për dobësim.
Megjithatë, për mungesë të studimeve klinike është më mirë të mos përdoret në shtatzëni. Kjo bimë gjen përdorim në uljen e niveleve të sheqerit në gjak, në mbipeshë, për të luftuar urinë nervore që vjen si rrjedhojë e fluktuacioneve të nivelit të glicemisë dhe për të përmirësuar yndyrat në përgjithësi. SB