Ego mashkullore?!

nga Vizitor Thu Oct 01, 2009 8:07 pm

Burri dhe gruaja, kur vendosin të fillojnë jetën e tyre, kur i japin fjalën njëri-tjetrit për besnikëri dhe përkrahje në çdo kohë ndihen më të sigurt në vetvete.

Kjo mund të zgjatë gjithë jetën, por mund të ndodhë që të zgjatë shumë pak. Disa burra, pavarësisht se mund të jenë besnikë gjatë gjithë jetës, me kalimin e viteve, ndryshojnë sjelljen e tyre, duke u bërë më të mbyllur, duke mos biseduar si më parë me bashkëshorten.

Kjo gjë ndikon në marrëdhëniet e tyre, pasi duke mos pasur bisedim, ata nuk arrijnë të kuptojnë njëri-tjetrin.

Gjatë bisedës me një grup shokësh u bëra një pyetje: Kur ka qenë hera e fundit që ke marrë mendimin e bashkëshortes tënde?

U habita kur pjesa më e madhe e tyre buzëqeshnin ndërsa dëgjonin pyetjen time pa dhënë asnjë përgjigje. Shumë pak iu përgjigjën pozitivisht asaj.

Me të drejtë pyes: Pse nuk këshillohet burri me gruan e tij? Këtë po e analizoj sipas arsyetimeve të mëposhtme:

Arsye edukimi dhe mentaliteti

Ndoshta bashkëshorti është rritur në një ambient ku burrat kanë pasur epërsi të theksuar karshi grave. Kështu sjellja dhe veprimet me bashkëshorten, atij, ndonëse jo fort të hijshme, i duken fare të natyrshme, pasi njeriu është pjellë e ambientit ku rritet dhe edukohet. Ndoshta ky burrë merr për shembull të atin, i cili mund të mos e vlerësojë dhe respektojë gruan e tij.

Arsye psikologjike

Ka njerëz që nuk këshillohen me asnjeri në jetë, qofshin burra apo gra. Ata mund të jenë mendjemëdhenj, egoistë dhe kanë besim të tepruar në vetvete dhe mendojnë se këshillimi me të tjerët është tregues i dobësisë së tyre.

Arsye fetare të shtrembëruar

Disa njerëz i kuptojnë disa tekste fetare gabimisht dhe këmbëngulin në disa aspekte pa dijeni të plotë për to. Ky mund të jetë dhe rasti i mosvlerësimit të gruas aq sa i takon asaj. Ata duket sikur e harrojnë ajetin kuranor: “O njerëz! Në të vërtetë, Ne ju krijuam ju prej një mashkulli dhe një femre dhe ju bëmë popuj e fise, për ta njohur njëri –tjetrin. Më i nderuari prej jush tek Allahu është ai që i frikësohet më shumë Atij. Vërtet, Allahu është i Gjithëdijshëm dhe për Atë nuk është e fshehtë.” (El- Huxhurat:13)

Diktatura zakonore

Pothuajse është e pamundur apo dhe gabim që të zhduken zakonet dhe traditat e popujve. E mira është që ato zakone dhe tradita, që bien në kundërshtim me legjislacionin islam, të ndryshohen e të zëvendësohen me të tjera. Tradita dhe zakonet janë tregues për identitetin dhe kulturën e popujve. Ndodh që ndonjëherë këto zakone të jenë diktatoriale.

Prej tyre përmendim:

- Mosparja e së fejuarës;

- Shtrenjtësia e pajës së nuses që bën djali (mehri);

- Mosmartesa e vajzës së vogël para vajzës së madhe;

- Privimi i gruas nga trashëgimia

Ka dhe shumë zakone të tjera të përhapura te myslimanët, të cilat bien në kundërshtim me natyrën e Islamit. Të ndryshuarit e këtyre zakoneve kërkon durim dhe kohë.

Po ju tregoj një histori të shkurtër. Tre motra indiane i dhanë fund jetës së tyre duke u helmuar. Zëdhënësi i policisë së Bombeit tha se babai i tre vajzave kishte refuzuar të martonte dy vajzat e vogla para se të martonte të madhen. Ky është një prej mijëra rasteve, ku njerëzit sakrifikohen për shkak të zakoneve diktatoriale./cdodite/

nga Kalomira Tue Oct 06, 2009 3:38 pm

Eshte ai person qe ve interesat e tija vetjake mbi intresat shoqerore!

nga **Tironcja_omel** Wed Jan 05, 2011 6:37 pm

Tek disa eshte pikerisht egoizmi ai qe i shtyn dhe karakterizon gjate cdo veprimi ne jeten e tyre, tek disa te tjere egoizmi mund te zere me pak vend por besoj se askush nuk shpeton prej tij.Te mendosh per veten nuk eshte gabim por jo aq shume sa te vendosesh veteveten ne majen me te larte te piramides duke mos lejuar qe asnjeri te afrohet.....

nga Mona Wed Jan 05, 2011 7:39 pm

Mentaliteti dhe egoizmi jan shkaktar në këto rase besoj
Mendoj se është gabim të futet shkaku "besim fetar", për këtë rast, në anjë besim fetar nuk predikohet që bashkshortët të mos bashkvendosin, për sa i përket zakoneve, që jan përmëndur më posht ato i takojn të kaluarës , të paktën për në Shqipëri, ato i kemi njohur si ligjet e Kanunit të Lekës, dhe ky kanun nuk doli nga besimi fetar