Biondet? Për shkak të gjeneve do të jenë shumë të rralla..

nga Barbi Wed Sep 09, 2009 9:05 pm

Është një pyetje që e kemi bërë shpesh, por ende nuk i kemi marrë një përgjigje të saktë: "Biondet janë në zhdukje, apo jo?". Kësaj pyetjeje i është kthyer gazeta prestigjioze "Le Monde" para dy ditësh, duke lëshuar një tjetër alarm si ai i vitit 2002. Sipas së përditshmes franceze thuhej se "nga mesi i vitit 2200, në Finlandë do të lindë biondja e fundit në planet". Sipas studimeve ka shumë mundësi që njeriu i fundit me flokë ngjyrë të çelët mund të jetë një mashkull. Subjekti i temës ka ardhur si pasojë e një studimi të bërë nga Organizata Botërore e Shëndetësisë në shtator të vitit 2002, kur për herë të parë u sinjalizua edhe alarmi.

Lajmin për zhdukjen e biondeve e kemi dëgjuar shpeshherë në radio, televizion e gazetat në mbarë botën. Por në fillim të tetorit të vitit të kaluar OBSH-ja informoi: "Asnjëherë nuk kemi ndërmarrë studime lidhur me këtë argument dhe mund të themi se nuk kemi ndonjë të dhënë treguese lidhur me fatin e biondeve". Shqetësimi që në të ardhmen nuk do të ketë më femra me flokë biondë dhe sy të kaltër nuk është i pabazë. Gjeni (ose gjenet, nuk dihet se sa janë realisht të personalizuar) që i bën flokët të duken ngjyrë të çelët në shumicën e rasteve është recesiv. "Nëse një fëmijë lind me flokë biond, atëherë ai trashëgon dy çifte të gjenit "biond", nga secili prind. Për të pasur flokë të errët mjafton të trashëgohet vetëm një gjen ‘brun‘, nga nëna ose babai", shpjegon gjenetisti Bruno Dallapiccola, drejtor shkencor i Institutit Mendel në Romë. "Në vitin 2050, popullsia botërore do të arrijë 9 miliardë njerëz. Nga këta, 3 miliardë njerëz që priten të lindin, do të jenë me origjinë nga Afrika, Azia dhe Amerika e Jugut", sipas Le Monde. Ky është një tregues shumë domethënës për sa i përket shumicës së popullsisë, e cila do të jetë me flokë të errët dhe sipas statistikave mundësitë do të jenë më të pakta që një fëmijë "biond" të këtë të mbartura gjenet, si nga nëna ashtu edhe nga babai. Fakti se gjeni në flokët biondë është recesiv nuk do të thotë aspak se ai do të zhduket nga struktura e ADN-së tonë. Ky gjen do vazhdojë të transmetohet nga një brez te tjetri. "Ekziston një ligj i gjenetikës, sipas të cilit frekuenca e gjeneve në një popullsi të caktuar të qëndrojë konstante", shpjegon Dallapiccola. Zhvillimi i tipareve nordiko-evropiane: sy dhe flokë të çelët, në historinë e njerëzimit nuk i ka ndjekur asnjëherë rregullat e gjenetikës dhe ndoshta kjo i jep të drejtë studimit të Dallapiccola-s. Origjina dhe zhvillimi i biondeve dhe biondëve është një tjetër mister, ashtu si hipoteza që lidhet me zhdukjen e tyre, lë pa përgjigje shumë pikëpyetje të ngritura nga shkencëtarët. Nëse në strukturën e ADN-së, "kuqaloshët" janë zhdukur para 10 mijë viteve më parë, në bazë të të dhënave më të besueshme, është e vështirë të shpjegosh arsyen përse në një hark kohor kaq të shkurtër, një gjen recesiv do të shfaqet në 2-4 për qind të popullsisë botërore. Peter Front, një antropolog kanadez nga Universiteti i Saint Adrews, në mars të vitit 2006, ka publikuar një studim të quajtur "Evolution and human behavior" (Zhvillimi dhe sjellja njerëzore) sipas të cilit, femrat me flokët të çelët do të jenë "preja" e preferuar e meshkujve homosapiens. Në atë epokë të akullt, meshkujt merreshin pothuajse gjatë gjithë kohës me gjueti të rrezikshme, të cilat në të shumtën e rasteve ishin të kërcënuese për jetën e tyre. Të mbijetuarve u liheshin mundësi të mëdha për zgjedhjen e femrave. Sipas Frost, nuk ka dyshim se meshkujt e shpellave preferonin biondet.

Ikonat antike dhe moderne

VENERA

Prototipi i biondeve, personifikonte bukurinë dhe pastërtinë

MARLENE

Femër fatale, bën pjesë te femrat bionde inteligjente dhe shumë seksi. Një imazh thuajse unik

MARILYN

Në kohën e saj lindi shprehja "Meshkujt preferojnë biondet"

PARIS HILTON

Imazhi i saj të krijon idenë e kukullës Barbi: e gjatë, bionde dhe simpatike

Sipas studimit të realizuar nga OBSH në Francë: planeti është i pushtuar nga brunet

Ngjyra e flokëve

Ngjyra më e zakonshme është gështenjë ose e errët

Përcaktohet nga pigmenti eumelania

Pigmenti që është përgjegjës për ngjyrën e kuqe është feomelanina

Njerëzit biondë kanë një sasi shumë të ulët të pigmentit. Njerëzit 100% biondë përbëjnë rreth 2-4 % të popullsisë botërore

Lokalizohen në Evropë mbi paralelin e 50, por gjenden edhe në banorët e Australisë. Flokët biondë janë më të dobët dhe më të hollë në krahasim me flokun e errët

Sipas të dhënave studimore, njerëzit e parë biondë janë shfaqur në tokë, 10 mijë vjet para. Akoma nuk është e qartë mënyra se si biondet janë riprodhuar me kaq sukses

Thursday	+14°	+7°
Friday	+12°	+6°
Saturday	+13°	+4°
Sunday	+11°	+1°
Monday	+11°	+1°
Tuesday	+12°	+5°

Biondet? Për shkak të gjeneve do të jenë shumë të rralla..

Biondet? Për shkak të gjeneve do të jenë shumë të rralla..

MENU

SHTYPI I DITES

REVISTA

FAQET PARTNER