Qka mendoni per SERIALET si po dalin ne TV ne Kosove

Qdo mbremje mblidhemi para televizionit si para ndonje shenjetori dhe qdo mbremje per nje gje te caktuar natyrisht per ti shikuar serialet e famshme spanjollo-shqiptare.
nuk ben te na ik asnje epizod se perndryshe do dalim nga tema dhe nuk do te jemi ne rjedha dhe keshtu do mbesim mbrapa. e dim qe nuk na sjellin gje por prap se prap jemi te mvarur nga ata si nga droga
qfar mendoni ju a ja vlen te shikohen keto seriale?
a i shikoni ju?
nese po qfar keni mesuar nga ata?
e shum qka tjeter rreth SERIALEVE te famshme


Me Respekt ...Mirë Pres Mendimin e Juaj Mos Dilni Nga Tema Ok...!!

"MEHMET KOSOVA" PËRBALLË KOSOVARËVE



Fenomeni i shquar e i identifikuar kohët e fundit si "Mehmet Kosova", i sjellë në Kosovë nga RTV21, surprizë për shikuesit tanë, si edhe seritë e tjera televizive të mëparshme, në idilin e tranzicionit kosovar, kur çdo gjë më nuk është si ka qenë, ka bërë që në kohën kur po shfaqet kjo telenovelë, sa romantike sa e mbushur me aksion, shumë femra kosovare e edhe pak meshkuj kosovarë t'i "lëpitë" nga e marta deri të premten për monitori nga ora 20.15 deri në 21.00.

Si mund të shpjegohet në kontekstet sociologjike e mediatike fenomeni i idilit mes Mehmetit (kryeprotagonist i predisponuar që të vuajë për dashurinë e humbur) dhe Nerminit kur dihet se çdo ditë në rrethanat tona kosovare kemi raste të tilla. Në realitet, çka e shquan këtë seri të re, ku sipas analizave kuantitative, personazhi Mehmet ka filluar t'i preokupojë femrat e Kosovës, aq sa, në kohën kur shfaqet ky seri, rrugicat e qyteteve e të qytezave pothuajse zbrazen tërësisht! Frikohesh nëse në orën 20.00 e një çerek të zë terri vetëm në ndonjë qorrsokak e i sheh të tjerët duke vrapuar për në shtëpi, se u është bërë vonë!

Sikur te mos mjaftonin problemet e shumta sociale e ekonomike, tani në familjet kosovare shtohet edhe xhelozia dhe grindjet për këtë serial. Një burrë që punon si roje nate, në kohèn kur emitohet seriali i "Mehmetit" i telefonon gruas së tij për të cilën e din shumë mirë qe vetëm vdekja e ndan nga ekrani. Ajo zakonisht nuk lajmërohet dhe të nesermën e akuzon të shoqin, pse të paktën nuk po i`a qëllon në reklama!

Nëse do t'i adresoheshim ndonjë studimi empirik, që tani me siguri na mungon, kujtoj se deri-diku do të mund ta elaboronim fenomenin e tillë, i cili, në mungesë të një debati publik, të paktën nëpër televizionet tona, do ta na mundësonte ta shoshitim këtë çështje në shumë aspekte. Por, çfarë është ajo që aq shumë i tërheq shikuesit kosovarë ta përcjellin me aq afsh dhe dramë, njëkohësisht, këtë Mehmetin. (Thuhet se në familje të ndryshme derdhen edhe lot currjel).

Nuk jemi ne shoqëri që nuk jemi mësuar të shikojmë seri të pavlera. Ato që nga paslufta na e kanë zënë frymën, thuajse e gjithë skema programore ka qenë e, fatkeqësisht, është e mbushur me ta, por me serinë "Mehmet Kosova" na u "prish" pak stili i jetesës, rehatia!

Përderisa seritë spanjolle fundin e kanë të lumtur, pavarësisht padrejtësive, intrigave, hakmarrjeve që përjetoheshin në çdo episod, ato fundin e kishin të lumtur. Të gjitha ato "dhimbje" të tyre i rehatonin në fund shikuesit, sepse zgjidheshin mosmarrëveshjet, bashkoheshin të mirët, dhe gjithçka bëhej mirë e më mirë. Kurse, për dallim nga ta, te seritë turke duket që ndikon skenari dramatik, personazhi nga "Kosova", atmosfera mediatike e fuqizuar në mediet tona të shkruara, pastaj referimi që i bën filmi ekskluzivisht vetëm subkulturës së femrës, vuajtjet që i pësojnë një nga një personazhet kryesorë, Mehmeti dhe Nermini, atmosfera "shqiptare" (ndejat në ambiente familjare, respekti për mysafirët, pirja e çajit), kanë bërë të vetën që ky seri të bëhet kaq i famshëm këtu te ne, e që, fatkeqësisht, duket se nuk po përfundon me një "happy end"!

Madje, nëse i adresohemi ndonjë kualiteti regjisorial, nuk do të gjenim diçka shumë profesionale. Nëse i adresohemi temës, po ashtu kemi tema identike në shumë seri dhe shumë televizione të tjera që nuk e kanë këtë shikueshmëri kaq të madhe sikurse ky seri. Nuk dua ta shoh këtë kredibilitet të kësaj serie si pasojë e një lobimi të RTV21, për shkak se ai normalisht ka intencë të krijojë audiencë të madhe të veten rreth këtij televizioni.

Një element që e ka ngritur këtë shikueshmëri të kësaj serie padyshim është papunësia. Femrave të papuna gajlet më të mëdha ua heq Mehmeti! Por, kur të analizohen qëllimet e medieve tona, si kjo e RTV 21, e cila tenton ta ngrehë shkallën e shikueshmërisë, pastaj shkallën e ndjeshmërisë sonë, ne jemi më të dëmtuarit që "ngujohemi" përballë një monitori e përballë një Mehmet Kosovari që bezdis femrat vazhdimisht. RTV21, sapo të kryhet ky seri, ka menduar për shikuesit tanë të sjellë edhe romanca të tjera kaq të ndjeshme. Hair i qoftë e aferim!

Serialet televizive te TV 21 dhe KTV, jane seriale te lira, komerciale dhe pa asnje vlere edukative. Per dallim nga serialet latino-maerikane ku nuk dihet kush eshte babai, kush nena e kush i biri apo e bija, kur ndodhe qe nena te jete dhe gruaja e velalut nga nena tjeter e kesi marrinash, por edhe seriale te cilat nuk mund te percillen me familjen shkaku i skenave te shumta lakuriqe dhe erotike.
Pse serialet nga jasht? Sepse prodksioni Kosovar eshte shume i varfer materialisht qe te prodhoj vet dicka te kapshme, edukative dhe me vlera (jo pse mungojne idete, por sepse parat i marrin ata qe jane ne dardhe dhe jo ata qe ofrojne vlera), ne kete menyre jemi bere rober te serialeve importuese qe rralle (vec serialit turk: Trendafili i Bardhe) kane dicka te perbashket em traditat tona Shqiptare.