Horoskopi mujor Korrik-2009

nga Vizitor Wed Jul 08, 2009 1:43 pm

Dashi

Karriera: Fatkeqësisht ky muaj nuk do t’ju sjellë suksese në karrierë po që se nuk angazhoheni në maksimum. Një zgjidhje për të dalë nga kjo situatë është të mos i shtyni gjërat për një afat tjetër, por t’i përvisheni punës. Megjithatë, gëzim mund të përjetoni në aspektin financiar, ku vërehen përmirësime të dukshme. Nëse dëshironi të investoni, atëherë kohë ideale për një gjë të tillë është periudha, prej 21 deri më 28 korrik.
Partneri: Gjatë këtij muaji duhet të jeni më aktiv, në mënyrë që të përjetoni një periudhë të hareshme me partnerin. Personat e lirë do të kenë mbështetjen e planetit Venera për të gjetur partnerin e jetë – vetëm se kërkohet pak veprim.

Demi

Karriera: Edhe pse mendimet pozitive vlojnë në kokën tuaj, kjo nuk do të thotë se edhe mund të arrini sukses të shpejtë në karrierë. Gjatë muajit korrik shpesh do të konfrontoheni me angazhime dhe detyra të papritura, të cilat mund t’ju tensionojnë. Megjithatë, kur të hasni në probleme nuk duhet të dekurajoheni, por të motivoheni për të arritur deri të synimi juaj. Në aspektin financiar do të dëshironit përmirësim më të dukshëm.
Partneri: Karizma nuk do t’ju mungojë dhe do të rrezatoni dashuri dhe bukuri. Po ashtu nuk do të përtoni t’i shfaqni ndjenjat e shpirtit tuaj, që do t’i ofrojnë relaks dhe lumturi partnerit. Personat e lirë do të kalojnë një muaj të lumtur, edhe nëse nuk e arrijnë qëllimin final.

Binjakët

Karriera: Gjatë këtij muaji do ta gjeni zgjidhjen për një problem në punë, të cilin ende e bartni në shpinë. Me kreativitetin që dispononi do të depërtoni në sipërfaqe. Sidoqoftë, një kujdes i shtuar kërkohet në aspektin financiar, sepse shpesh mund të gjendeni në situata pisk. Përpiquni të kurseni gjatë muajit korrik, por jo deri në atë masë sa do ta dëmtonit veten, apo nuk do t’ia plotësonit dëshirat dhe nevojat që lindin.
Partneri: Mund të lindin ca probleme me partnerin për shkak të ndikimit të planetit Uran – që sjellë befasi të pakëndshme. Megjithatë, nuk ka arsye për brengosje, sepse me një buzëqeshje do ta evitoni këtë krizë. Personat e lirë do të ndeshen gjithashtu me disa befasi këtë muaj.

Gaforrja

Karriera: Dëshironi të tregoni sa jeni të angazhuar dhe të aftë për punë – por këtë do ta arrini më se miri prej datës 11 korrik e tutje. Mirëpo, në anën tjetër, duhet të keni kujdes dhe të mos ndërmerrni obligime të mëdha, që do t’ju rraskapitin dhe që nuk do t’ju lejojnë t’i përmbushni synimet tuaja. Kujdes të shtuar duhet të keni edhe me shëndet, sepse lodhja e tepërt sjellë nervozizëm dhe prishje të qetësisë në kolektiv dhe prishje të raporteve me kolegët tuaj.
Partneri: Gëzohuni që keni një partner të mirë pranë vetes. Gjatë muajit korrik do të jetë mu partneri ai, që do t’ju mundësojë një jetë stabile. Personat e lirë të kësaj shenje vetëm nëse hapin zemrën e tyre, mund të arrijnë deri të një njoftim interesant, ndoshta edhe afatgjatë.

Luani

Karriera: Punët që kanë të bëjnë me konkurrencë do t’i përfundoni me sukses të plotë, duke përdorur inteligjencën tuaj. Në përgjithësi, nuk do të dorëzoheni para pengesave dhe çdo punë do ta çoni deri në fund me sukses. Megjithatë, duhet të shfrytëzoni këtë mundësi dhe të mendoni më shumë për aspektin financiar, respektivisht si të materializoni më mirë suksesin tuaj në biznes. Mundësitë janë, por kërkon pak përkushtim.
Partneri: Mirëkuptimi dhe inteligjenca do t’ju mundësojë të zgjidhni çdo problem që keni, apo që mund t’ju shfaqen në jetën tuaj bashkëshortore. Personat e lirë do të kërkojnë një partner intelektual, mu të tillë çfarë e konsiderojnë edhe vetveten.

Virgjëresha

Karriera: Nuk duhet të lejoni t’ju shfrytëzojnë të tjetër. Kolegët tuaj egoistë mund të keqpërdorin mirësinë tuaj dhe t’ju ngarkojnë edhe me punën e tyre. Pra, përpiquni t’i përfundoni obligimet tuaja me kohë, por mos nxironi të tregoni se mund të bëni edhe më shumë, sepse mundi nuk do t’ju shpaguhet. Pra, do të keni një sukses mesatar në karrierë, ndërsa një fazë e shkurtër, e suksesshme në financa, do të jetë periudha prej 8 deri më 12 korrik.
Partneri: Gjatë këtij muaji do të largoni një problem që ju ka preokupuar që një kohë të gjatë. Do të keni mundësi t’i shfaqni ndjenjat mu ashtu siç dëshironi – dhe ta afroni partnerin. Personat e lirë duhet të angazhohen më shumë, edhe pse kontaktet nuk do të mungojnë.

Peshorja

Karriera: Yjet tregojnë një periudhë turbulente në punë dhe në karrierë. Kësaj stuhie kozmike mund t’i shmangeni nëse planifikoni kohën tuaj më mirë. Përgatituni për rezistencë, sidomos deri më 27 korrik, kur do të hiqni barrën nga vetja dhe do të arrini të përfitoni goxha shumë. Po, pas kësaj date, është kohë ideale që ju të ndryshoni profesionin/punën tuaj, ose edhe të paraqisni projektet dhe planet që keni në kokën tuaj.
Partneri: Mundoni që, qysh prej fillimit të muajit t’i zgjidhni problemet që keni me partnerin tuaj, në mënyrë që të krijoni një bazë stabile për të pasur një jetë të qetë. Duhet të gjeni pak kohë edhe për romantikë. Personat e lirë do të mund ta gjejnë partnerin në afërsi.

Akrepi

Profesioni: Mund të ndodhë që për momentin të mos jeni të lumtur me punën dhe profesionin tuaj – sepse gjërat nuk po zhvillohen ashtu siç do të dëshironit. Megjithatë, disa biseda me personat e duhur, mund t’ju sjellin ndihmën e nevojshme. Përkundër faktit se do të jeni të angazhuar në mënyrë konsekuente, përpiquni të tregoheni më të kujdesshëm në aspektin financiar, respektivisht t’i mblidhni të mirat që do t’ju ofrohen, sidomos prej fillimit të muajit deri më 13 korrik.
Partneri: Marrëdhëniet me partnerin do të funksionojnë për mrekulli – por pakënaqësia mund të qëndrojë duku tjetër. Hiqni dorë nga kritikat dhe përpiquni të bisedoni shtuar me partnerin. Personat e lirë duhet të tregohen më të butë – dhe të kenë kujdes nga gjuha e mprehtë.

Shigjetari

Karriera: Nëse dëshironi të arrini sukses në karrierë gjatë këtij muaji, duhet të mësoheni me disiplinë. Do të keni nevojë për ndihmë dhe konsultime, sidomos në periudhën prej fillimit të muajit deri më 26 korrik. Pra, koordinoni punët me kolegët tuaj sepse do të keni mbështetjen e yjeve për punë në kolektiv. Po ashtu edhe në aspektin financiar duhet të kujdeseni që planet t’i bëni me bashkëpunëtorë, por duke e marrë përsipër organizimin e punës.
Partneri: Kompromiset janë çelësi i suksesit për jetën bashkëshortore në muajin korrik. Dëshira juaj do të jetë që gjithë muajin të kaloni pranë partnerit ose me shoqërinë, por mund të mos ju plotësohet dëshira në tërësi. Personat e lirë do të kombinojnë dashurinë me shoqërinë.

Bricjapi

Karriera: Nëse arrini ta akumuloni energjinë e nevojshme për punë, atëherë do të keni shanse të mira për ngritje në karrierë. Po ashtu, mund të keni edhe përparime në aspektin financiar. Megjithatë, po që se arrini të përfitoni financiarisht do të ishte mirë kursenit ca para për ditët e mëvonshme, kur mund të shfaqen një krizë e rastit. Dosido, duhet t’i harmonizoni synimet dhe dëshirat me mundësitë që ofrohen.
Partneri: Vështirë e kuptoni se ka edhe gjëra të tjera në jetë pos dashurisë. Do të jeni të koncentruar në maksimum në marrëdhëniet bashkëshortore – dhe punët të tjera mund t’i lëni anash. Përpiquni t’i balanconi gjërat. Personat e lirë kanë gjasa të mira t’i japin fund vetmisë.

Ujori

Karriera: Jeni të vetëdijshëm për anët tuaja të forta dhe ato të dobëta – mirëpo në muajin korrik do të dalë në sipërfaqe personaliteti juaj i fortë. Megjithatë, kujdes – nga një obligim mund të përfundoni në obligimin tjetër, dhe kështu t’ju humbas busulla e punës. Kërkohet më shumë vëmendje që të mos bëni gabime, sidomos ato të natyrës financiare, që do të shpeshtohen pas datës 21 korrik.
Partneri: Në muajin korrik do të jeni shumë më afër partnerit – respektivisht do ta ndjeni ngrohtësinë e lidhjes tuaj. Harmoninë do ta arrini edhe me biseda të çiltra dhe konstruktive. Personat e lirë duhet të hapin zemrën dhe të lejojnë të hyjnë personat e rinj.

Peshqit

Karriera: Me koncentrim, qetësi dhe zemërmirësi – që janë virtyte tuaja – gjatë këtij muaji mund të korrni suksese. Pra, nuk jeni person që lëvizni me shpejtësi, por keni kurajë të ecni sigurt drejt synimit në profesion. Gjatë korrikut do ta keni mbështetjen e yjeve për përfitim financiar, qoftë ai rritje rroge, apo edhe ndonjë biznes i ri. Sidoqoftë, suksesi qëndron tek bashkëpunimi me njerëzit të tjerë.
Partneri: Është kohë e duhur që bashkë me partnerin të formoni një jetë të re. Pra, është fazë e lumturisë, kur mund të mësoni shumë gjëra të reja dhe t’i përjetoni ato. Personat e lirë të kësaj shenje do të mund të takojnë personin e ëndrrave.

nga **Ylli** Wed Jul 08, 2009 3:06 pm

Premtues duket per mua ky muaj

Peshqit

Karriera: Me koncentrim, qetësi dhe zemërmirësi – që janë virtyte tuaja – gjatë këtij muaji mund të korrni suksese. Pra, nuk jeni person që lëvizni me shpejtësi, por keni kurajë të ecni sigurt drejt synimit në profesion. Gjatë korrikut do ta keni mbështetjen e yjeve për përfitim financiar, qoftë ai rritje rroge, apo edhe ndonjë biznes i ri. Sidoqoftë, suksesi qëndron tek bashkëpunimi me njerëzit të tjerë.
Partneri: Është kohë e duhur që bashkë me partnerin të formoni një jetë të re. Pra, është fazë e lumturisë, kur mund të mësoni shumë gjëra të reja dhe t’i përjetoni ato. Personat e lirë të kësaj shenje do të mund të takojnë personin e ëndrrave.

Thursday	+14°	+7°
Friday	+12°	+6°
Saturday	+13°	+4°
Sunday	+11°	+1°
Monday	+11°	+1°
Tuesday	+12°	+5°

Horoskopi mujor Korrik-2009

Horoskopi mujor Korrik-2009

Re: Horoskopi mujor Korrik-2009

MENU

SHTYPI I DITES

REVISTA

FAQET PARTNER