Lodhja mendore dhe seksi

nga Barbi Fri Jul 03, 2009 3:18 pm

Sa e ndikon depresioni tek partnerët dhe marrëdhënien seksual

Pjesa më e madhe e njerëzve që janë në gjendje depresive humbasin interesin për seks. Sipas studiuesve, nëse këtë gjendje e mbartin prindërit, humbja e dëshirës për kontakt seksual mund të vërehet edhe tek fëmijët e tyre. Nëse jeni të lidhur me një partner të “dëshpëruar”, kujtoni se kjo dëshirë e ulët për seks nuk është personale, por është e lidhur drejtpërdrejt me gjendjen e tij depresive. Depresioni prek çdo aspekt të jetës, duke përfshirë edhe marrëdhëniet intime. Në të vërtetët kur njëri nga partnerët është i dëshpëruar, lidhja mund të “vuajë” kaq shumë sa mund të arrijë edhe në ndarje. Në fakt një lidhje e mirë është shumë qetësuese për një person të brengosur, sepse ka nevojë për dashuri, mbështetje dhe afrimitet më shumë se kurdoherë tjetër edhe pse e kanë të vështirë ta pranojnë apo edhe ta shfaqin. Njerëzit e dëshpëruar zakonisht ndihen të mbyllur në vetvete. Ata nuk mendojnë se mund të gjejnë energjinë e duhur për të vazhduar jetën normalisht, për të bërë gjëra me familje e tyre edhe pse arrijnë të kuptojnë se njeriu i zemrës është shumë i kujdesshëm ndaj tyre. Partneri në këtë situatë mund të ndihet i refuzuar dhe i padëshiruar, apo edhe jo nga tjetri.

Gjinitë
Tek meshkujt, ulja e aktivitetit të trurit shkakton lodhje dhe mosbesim, që mund të lidhen drejtpërdrejt më humbjen e libidos dhe problemet me erkesionin.
Tek femrat, ky aktivitet i zvogëluar i trurit ka tendencën të lidhet me humbjen e dëshirës për seks dhe shpeshherë me vështirësitë në arritjen e orgazmës. Të gjitha këto probleme mund të pakësohen nëse gjendja depresive përmirësohet. Mendohet se seksi mund të jetë një zgjidhje shumë e mirë për të larguar këtë gjendje ligështie.

Seksi dhe performanca
Fatkeqësisht ende nuk është mundur të arrihet në konkluzione për efektet dhe ndryshimet që ndodhin në tru gjatë depresionit. Gjithsesi nga këndvështrimi mjekësor ajo çfarë është e qartë, është se sëmundjet depresive kanë tendencën të prekin sistemin fizik, duke ulur aftësitë e tij. Ky efekt është i lidhur ngushtë me aftësinë për gjumë, me aktivitetin që kërkon gjallëri, spontanitetin dhe koordinimin. Këtu përfshihet edhe seksi. Pra shumë njerëz që janë në gjendje depresive janë më të prirë për të mos dëshiruar seksin, por nuk mund të përjashtohen rastet në të cilat ata mendojnë se kontakti seksual është mbështetja e tyre e vetme.

Keqkuptimet
Ndonjëherë partneri mund të keqkuptojë dëshirën e ulët për seks të njeriut që ka në krahë dhe mund të mendojë se i vetmi shpjegim është humbja e dashurisë dhe fundi i lidhjes. Gjërat mund të duken kaq keq në shtëpi sa që bashkëshorti/ja mund të mendojë se fakti që është i/e lënë pas dore seksualisht do të thotë se partneri ka një lidhje jashtë martesore që i dhuron më shumë kënaqësi. Është shumë e vështirë që të jetohet normalisht një marrëdhënie dhe të shijohet edhe nëpërmjet aktit seksual, nëse atë e shoqërojnë xhelozia dhe frika e ekzistencës së një personi të tretë. Në të tilla raste partnerët humbasin besimin mes njërit-tjetrit dhe pas kësaj edhe dëshirën për marrëdhënie intime. Gjithsesi çdo partner në gjendje depresive duhet të jetë i duruar dhe të kuptojë se kjo sjellje është normale. Pra edhe nëse në gjendjen tuaj më të mirë, por partneri ka humbur aftësinë për t’u përqendruar në atë çfarë ju thoni apo për të dhënë një buzëqeshje, apo për të vlerësuar momentet e bukura të jetës, përpiquni të pranoni se të gjithë këto gjëra janë pjesë e kësaj sëmundjeje të vështirë. Mos harroni se në pjesën më të madhe të rasteve humori i keq dhe dëshira e ulët për seks nga ana e partnerit nuk ka të bëjë më ju dhe me tërheqjen tuaj fizike, por me gjendjen e tij shëndetësore.

Thursday	+14°	+7°
Friday	+12°	+6°
Saturday	+13°	+4°
Sunday	+11°	+1°
Monday	+11°	+1°
Tuesday	+12°	+5°

Lodhja mendore dhe seksi

Lodhja mendore dhe seksi

MENU

SHTYPI I DITES

REVISTA

FAQET PARTNER