Një jetë aktive në shtrat funksionon si ilaç për shëndetin

nga **MONDI** Thu Jun 25, 2009 2:46 pm

Një pyetje që për dekada më radhë ka tërhequr vëmendjen e psikologëve dhe specialistëve të ndryshëm në fushën e seksologjisë, është edhe ajo se cilat janë arsyet që i shtyjnë njerëzit të bëjnë dashuri. Në të vërtetë, “pse-ja” e një pyetjeje të tillë është shumë herë më e ndërlikuar sesa mendojmë. Megjithatë, falë një pune të madhe të kërkuesve të Universitetit të Teksasit, ne mund të mësojmë shumë rreth arsyeve kryesore që i shtyjnë çiftet “të zhyten” poshtë çarçafëve. Është renditur një numër i pafundmë argumentesh, mendimesh dhe arsyesh se përse njerëzit bëjnë dashuri. Siç mund të mendohet, surprizat s‘kanë të sosur. Raportet intime mund të nxiten nga arsyet më të çuditshme, deri tek ato më egoistet, por edhe nga aspiratat shpirtërore më të thella. Studiuesit që analizuan sjelljet seksuale të një grupi prej 2000 meshkujsh dhe femrash treguan se arsyet shkonin nga më banalet, si dëshira për të qenë më mirë dhe për t‘iu afruar Zotit, përpjekja vetëmohuese për t‘i dhënë kënaqësi partnerit, te gjesti manipulues për të fituar diçka e deri te dëshira për të plotësuar një hakmarrje. Shumë të pyetur tregonin se të bërit seks ishte një mënyrë e mirë për t‘u qetësuar ose për të luftuar mërzitjen, stresin, për të lehtësuar gjumin ose për të djegur kaloritë. Disa të tjerë preferonin “të hidheshin” nxitimthi në seks për të shmangur debatet me partnerin, të cilat mund ta vinin në rrezik marrëdhënien, të tjerë e përdorin këtë “armë” për të gjetur një arratisje nga zhgënjimet e jetës së përditshme ose të tjerë akoma, për t‘iu fshehur problemeve në përgjithësi dhe vetëm pak persona qenë të bindur se të bësh seks është mënyra më e mirë për të përballuar problemet që i përkasin çiftit, dhe të tjerë akoma që e zgjidhnin dashurinë thjesht “për të kaluar dhimbjen e kokës”, sepse ai funksionon më mirë sesa një kurë ilaçesh me aspirina. E, nëse arsyet që i shtyjnë meshkujt dhe femrat për të bërë seks janë shpesh të pazakonta dhe pak “fetare”, po aq të çuditshme janë edhe ato për të cilat studiuesit shpjegojnë se seksi është një proces i nevojshëm. Meshkujt dhe femrat nuk ndryshojnë shumë në mendime nga njëri-tjetri, për sa i përket motivit se përse bëjnë dashuri. Të dyja sekset veçonin “tërheqjen ndaj partnerit” si arsyen numër një që i shtyn ata të “futen” nën çarçafë. Me të vërtetë, 20 nga 25 arsyet më të shpeshta ishin të njëjta si për burrat, ashtu edhe për gratë. “Nga studimi u konfirmuan edhe gjëra që diheshin më parë, si meshkujt kërkojnë të bëjnë seks për kënaqësi fizike, ndërsa gratë duan dashuri. Një femër bën seks, përgjithësisht, sepse është e dashuruar, ndërsa një mashkull e bën këtë edhe pse ndoshta në mënyrë të pavetëdijshme kërkon të shtojë numrin e partnereve. Si fillim autorët pyetën një grup prej 444 grash dhe burrash me moshë nga 17-52 vjeç dhe u kërkuan atyre të gjitha arsyet që i kishin shtyrë ata drejt marrëdhënieve seksuale. Ata nxorën më shumë se 700 arsye, të cilat aktualisht u seleksionuan për t‘u bërë vetëm 237. Pas tyre erdhi një grup i dytë, i përbërë nga studentë universitarë, ku vajzat dhe djemtë, të ndarë nga njëri-tjetri u pyetën për të renditur arsyet sipas rëndësisë. Por edhe arsye të tilla, si eksitimi ose kënaqësia shfaqeshin në top-listën e dhjetë arsyeve më të forta për këtë çështje. Në fund lind sërish pyetja: Përse na duhet t‘i dimë të gjitha këto? Së pari, për të pasur më shumë informacion rreth edukatës seksuale dhe, së dyti, për t‘i ndihmuar kërkuesit që të studiojnë sjelljet e ndryshme njerëzore. Teza e përkrahur nga të gjithë është se një jetë aktive nën çarçafë, ju bën të ndiheni shtatë vite më të rinj dhe funksionon si eliksir i shëndetit.
Marrë nga “ Archives of Sexual Bevaviour”

20 arsyet që meshkujt thonë se i shtyjnë të bëjnë dashuri

1- Dehja
2- Tërheqje nga partnerja
3- Të ndjerit mirë
4- Partnerja me të cilën përfundoi në krevat puthte shumë mirë
5- Bukuria
6- Dëshirë për të shprehur afeksion për partneren
7- Për t‘u qetësuar
8- Eksitimi i momentit
9- Dëshirë për t‘i shprehur dashurinë partneres
10- Dëshirë për të arritur në orgazëm
11- Dëshira për të provuar “teknika” të reja seksuale
12- Partnerja ka një trup të bukur
13- Kërkimi i kënaqësinë së vërtetë
14- Për shkak të një çmendurie të momentit
15- Dëshirë për emocione të zjarrta
16- Është eksituese, aventurë e bukur
17- Ishte një rast i veçantë
18- Partnerja është shumë simpatike dhe tërheqëse
19- Hormonet nuk mund të kontrolloheshin
20- Thjesht ndodhi

20 arsyet që femrat thonë se i shtyjnë të bëjnë dashuri

1- Tërheqje nga partneri
2- Kërkojnë të tregojnë ngrohtësi
3- Kërkojnë të japin dashuri
4- Sepse ndihen të dashuruara
5- Në një moment “hot”
6- Kërkojnë të kënaqin partnerin
7- Dëshirë për emocione të veçanta
8- Tërhiqen nga pamja fizike
9- Në një ambient romantik
10- Kur festojnë datëlindjen
11- Partneri ishte inteligjent
12- Partneri dukej shumë i vendosur në vetvete
13- Të mësojnë më shumë rreth edukatës seksuale
14- Mënyrë e mirë për të “prezantuar” veten
15- Për t‘u qetësuar
16- Hormonet nuk mund të kontrolloheshin
17- Erdhi si diçka spontane
18- Thjesht ndodhi
19- Finalizimi pas puthjeve të zjarrta
20- Mendimi për t’u ndjerë e dëshiruart

Thursday	+14°	+7°
Friday	+12°	+6°
Saturday	+13°	+4°
Sunday	+11°	+1°
Monday	+11°	+1°
Tuesday	+12°	+5°

Një jetë aktive në shtrat funksionon si ilaç për shëndetin

Një jetë aktive në shtrat funksionon si ilaç për shëndetin

MENU

SHTYPI I DITES

REVISTA

FAQET PARTNER