Legjenda” e aktit të parë seksual, këshillat e ekspertëve

nga **MONDI** Thu Jun 25, 2009 2:34 pm

Kultura e aktit të parë seksual është shumë e rëndësishme. Ka raste kur dëshirave të natyrshme të vajzës së re dhe romantizmit të saj ndaj dashurisë e martesës u përgjigjet pakujdesia dhe brutaliteti i burrit të pakulturë, i cili në vend të kënaqësisë mund t’i shkaktojë partneres traumë psikike ose ftohtësi seksuale. Në qoftë se edhe në të ardhmen ngacmuesit seksualë nuk janë të këndshëm, atëherë pakënaqësia sa vjen e shtohet dhe reagimi i femrës sa vjen e dobësohet deri në shuarje të plotë të dëshirës seksuale, dhe bashkë me to edhe të romantizmit të dashurisë së martesës. Ndodh ajo që në gjuhën e psikologjisë quhet akumulim ngacmuesish. Nga kjo del se sa e rëndësishme është për partneren që aktet e para të kryhen me njeriun që dashuron dhe nga ana tjetër të jenë delikate dhe të kujdesshme, gjë që e aftëson femrën të ndjejë kënaqësi maksimale dhe martesa të shkojë në hapat e duhura. Në të kundërt fillimi i jetës seksuale mund të sjellë ndikime serioze (veçanërisht te femrat), të cilat shfaqen në të gjitha funksionet dhe në të gjitha etapat e zhvillimit seksual. Mirëpo ky problem nuk mund të kuptohet si duhet nga partnerët pa pasur disa njohuri në fushën e psikologjisë dhe fiziologjisë së seksit për të kuptuar rëndësinë që kanë lidhjet ndërmjet jetës seksuale dhe ndjenjave të larta. Gjithashtu nevojiten edhe disa njohuri psikofiziologjike për pasionin seksual dhe orgazmës sipas sekseve.
Kënaqësia e partnerit
Akti seksual normal që siguron orgazëm të njëkohshme, pra edhe kënaqësi maksimale për të dy partnerët, nuk arrihet që në aktin e parë seksual të një partneri, aq më tepër kur edhe vetë partneri mashkull është shumë i eksituar. Nga ana tjetër i shkakton dhimbje femrës, prandaj edhe ajo pothuajse nuk ndjen kënaqësi seksuale. Prandaj gjatë aktit të parë nuk ka nevojë për ndonjë përgatitje erotike duke prekur zonat erogjene, por nevojiten përkëdheljet, shfaqja e dashurisë dhe kujdesi për të arritur atë që synohet. Nga ana tjetër dhimbja që ndjen femra në këtë moment varet edhe nga përgatitja e saj psikologjike për këtë akt. Kur vajza është e përgatitur psikologjikisht dhe partneri vepron me maturi e kujdes, dhimbja do të jetë fare e lehtë dhe pa shqetësime e ndërlikime. Nëse partneri shqetësohet nga ejakulimi i parakohshëm, partnerja duhet të tregohet e gatshme për ta ndihmuar, në mënyrë që ai të mos bjerrë në depresion, të mos shndërrohet në neurotik, por ta bindë se në të ardhmen çdo gjë do të normalizohet e ndoshta duke i shpjeguar se mospërmbajtja për momentin ka lidhje me eksitimin e fortë seksual. Partnerja duhet të jetë e gatshme për marrëdhënie seksuale më të shpeshta derisa jeta seksuale të normalizohet plotësisht. Ndonëse roli aktiv, si rregull mendohet se i takon mashkullit, disa bashkëshorte parapëlqejnë që të marrin iniciativën të parat. Kjo është diçka normale. Por edhe gjatë marrëdhënieve intime femra duhet t’i përgjigjet dëshirave të tij me fjalë të ëmbla e ledhatime, si edhe me përqafime e prekje delikate të zonave erogjene. Kështu mashkulli i kënaqur edhe për faktin se ka bërë të lumtur partneren do të krijojë besim te vetja dhe në të ardhmen duke fituar përvojë do të pasurojë më tej jetën intime me elemente e forma të reja veprimi, të cilat u sigurojnë kënaqësi maksimale të dy partnerëve. Në këtë mënyrë shmangin çdo pengesë për ndërtimin e harmonizuar të jetës seksuale në çift.

Dëshira për qetësi pas kënaqësisë

Nëse kur jeni në shtrat nuk ekzistojnë parapërgatitjet dhe gjithçka fillon menjëherë e drejt në temë, atëherë ai është një egoist. Tashmë të gjithë dinë që femrat i adhurojnë puthjet dhe përkëdheljet. Nëse ai nuk i praktikon, me siguri që shtiret sikur nuk e di që një femër nuk mund ta konsiderojë të tillë një akt seksual pa disa minuta pasionante me puthje, përqafime dhe fjalë të ndjera. Në këtë rast është e rëndësishme që të ndërhysh menjëherë, para se të jetë shumë vonë për të zgjidhur problemin. Nëse partneri është një prej atyre që bien në letargji pas lodhjes së ëmbël të seksit, kjo nuk do të thotë që është i pandjeshëm. I gjithë faji është i sterotoninës, e cila indukton tek mashkulli qetësinë pas kënaqësisë. Shkencëtarët kanë vënë re se seksi ndikon mjaft pozitivisht për mbajtjen në nivele të pranueshme të imunoglobinës, një antigjen që ndodhet në koracën e mukozës.

Dëshira për të dhënë dhe marrë kenaqËsi

Çdo individ ka mënyrën e vet të të qenit i dashurm

dhe të ndjerit dashuri. Për disa njerëz dashuria bëhet përmes fjalëve, pra fjalë të cilat të thëna nga parteri i bëjnë të ndihen të ledhatuara. Për të tjerë është thjesht një veprim, për shembull njeriu i zemrës ju përgatit një filxhan çaj apo ju vendos në sfond muzikë të lehtë dhe joshëse, dhe ndoshta edhe i thotë një poezi dashurie në mbrëmje. Ndërsa për individë të tjerë dashuria është një formë komunikimi mes prekjes dhe seksit, strukur pranë njëri-tjetrit duke ledhatuar partnerin plot eksitim. Gabimi që bëjnë çiftet në një marrëdhënie është se flasin me gjuhën e marrëdhënies së tyre, në vend që të flasin me atë të partnerit. Nëse martoheni me dikë nënkupton dashuri mes prekjesh. Nuk është e thënë që femra të bëjë të gjitha punët dhe të kujdeset për gjithçka, por kjo do të thotë të punojë me zgjuarsi, pra t’i japë parterit atë që dëshiron dhe ka nevojë.

T’i ndash kënaqësitë me personin që ke
Pa një lidhje të qëndrueshme me partnerin nuk do të kishim biseda të mira dhe interesante. Përveç kësaj gjithnjë është mirë t’i ndash kënaqësitë dhe pakënaqësitë me personin që e dashurojmë. 48% e femrave dëshirojnë më tepër seks dhe të gjitha herët a vonë e bëjnë këtë në marrëveshje me partnerin e prej tyre 43 %, duke biseduar me të dhe 41% heshturazi, duke dërguar sinjale të heshtura por të efektshme trupore. Asnjëherë nuk duhet kritikuar partneri, po gjithnjë duhet dhënë vullnet pozitiv. Gjithnjë thoni “kështu është mirë” dhe asnjëherë “jo nuk mundem”. 20% e femrave nuk ndërmarrin asgjë kur janë të pakënaqura. Duhet ditur se heshtja për partnerin mund të jetë tejet shpërqëndruese. Mund ta humbasë interesimin për ju dhe mund të bëjë që lidhja juaj të shfaqë probleme, edhe pse ju nuk do ta dëshironit këtë. Është interesante se femrat jashtë lidhjeve martesore më shumë flasin për përvojat e tyre kur takohen me shoqet.

Thursday	+14°	+7°
Friday	+12°	+6°
Saturday	+13°	+4°
Sunday	+11°	+1°
Monday	+11°	+1°
Tuesday	+12°	+5°

Legjenda” e aktit të parë seksual, këshillat e ekspertëve

Legjenda” e aktit të parë seksual, këshillat e ekspertëve

MENU

SHTYPI I DITES

REVISTA

FAQET PARTNER