Cilat jane ushqimet qe na krijojne probleme,si ti shmangim .

nga Vizitor Sat May 30, 2009 9:51 am

Alergjia ndaj ushqimeve, tipike gjatë verës

Janë të shumta ushqimet që mund të shkaktojnë alergji si: kikirikët, qumështi, vezët, gruri, soja, apo ato me përbërje vajore si arrat dhe bajamet. Mënyra më e mirë për të evituar një alergji të shkaktuar nga ushqimet është që ato të njihen dhe të mos përdoren. Edhe në rastet kur bëhet fjalë për puthje, këshillohet që partnerët të lajnë dhëmbët dhe fytyrën nëse ata kanë ngrënë një ushqim që shkakton alergji tek partnerët. Këshillë e vlefshme është që gjithnjë të lexohen përbërësit e ushqimeve. Kujdesi që u duhet kushtuar ushqimeve dhe alergjenëve të ndryshëm duhet të jetë i madh sepse mund të shkaktojë dhe vdekje. Kjo është një ndër rastet e një reagimi të fortë të shkaktuar nga alergjia, por mund të ndodhë. Mënyra më e mirë mbrojtëse është këshillimi me mjekun alergolog.
Alergjenët
Rreth 7 milionë amerikanë vuajnë nga alergjia e ushqimeve dhe 8 përqind e artikujve ushqimorë, përfshi kikirikët, arrat, peshkut, vezët e bulmeti, janë përgjegjës për rreth 90 përqind të rasteve të alergjive ushqimore. Ndërkohë vdekja e kohëve të fundit e një vajze kanadeze, si pasojë e alergjisë pasi kishte puthur te dashurin i cili sapo kishte ngrënë gjalpë kikiriku, ka ngritur përsëri shqetësime dhe shumë pyetje rreth alergjisë ndaj ushqimeve. Gazetat kanadeze e quajtën atë puthje fatale. Pak çaste pasi Kristina Deforges puthi të dashurin e saj, që kishte ngrënë gjalpë kikiriku, ajo u rrëzua pa ndjenja dhe menjëherë u dërgua në spital ku vdiq katër ditë më vonë. Statistikat tregojnë se rastet e alergjisë apo reaksioneve ndaj ushqimeve po vijnë duke u shtuar. Alergjia ndaj ushqimeve ndodh kur sistemi imunitar reagon ndaj një proteine të veçantë ushqimore.
Ushqimet dhe alergjia
Shumë vetë mendojnë se alergjia ndaj ushqimit dhe mospranimi i ushqimit nga organizmi janë e njëjta gjë. Por kjo nuk është e vërtetë. Mospranimi i një lloj ushqimi nga organizmi është çrregullim metabolik që nuk ka lidhje me sistemin imunitar. Për shembull kur disa njerëz pinë qumësht, bëhen me dhimbje barku dhe ndjejnë fryrje. Kjo ndodh sepse organizmi nuk e pranon një ushqim të tillë, stomaku nuk është në gjendje ta përpunojë atë, pra problemi lidhet me metabolizmin. Ndërsa alergjia është diçka tjetër: në përpjekje për të mbrojtur organizmin, sistemi imunitar krijon imunoglobulinë, lloj antitrupash, të cilët reagojnë ndaj ushqimit dhe kimikateve të tjera që bëhen shkak për simptoma të alergjisë që mund të prekin sistemin e frymëmarrjes, sistemin e tretjes, lëkurën dhe sistemin kardio-vaskular.
Alergjia nga kikirikët
Disa thonë se arsyeja që shumë amerikanë preken nga alergjia e kikirikëve është se ata i pjekin kikirikët para se t’i hanë, ndryshe nga banorët në Azi ku kikirikët hahen të ziera ose të skuqura. Doktor Sampson pranë shkollës mjekësore Mount Sinai thotë se pjekja e kikirikëve sjell ndryshime në strukturën e proteinave dhe kjo ka të ngjarë se shkakton alergji. Një tjetër arsye e mundshme është se fëmijët amerikanë sot janë ndoshta shumë të pastër. Shkencëtarët thonë se fëmijët e kanë të nevojshme të ekspozohen ndaj baktereve që në moshë të re për të mbajtur aktiv sistemin imunitar të trupit, përndryshe sistemi imunitar mund të kundër veprojë ose mund të reagojë më tepër sesa duhet ndaj ushqimeve të ndryshme. E vetmja mënyrë për të shmangur alergjinë ndaj kikirikëve ose çdo lloj ushqimi që bën reaksion është shmangja e tyre. Shumë artikuj ushqimorë tani pajisen me etiketa që tregojnë përbërjen ushqimore. Nëse etiketat përmbajnë terma të paqarta ose të pakuptueshme, njerëzit alergjikë duhet të këshillohen me mjekun specialist para se të përdorin ushqime të tilla, dhe nëse ndonjë artikull nuk është i pajisur me etiketë mbi përbërjen ushqimore, personat alergjikë duhet ta shmangin atë lloj ushqimi.
Simptomat alarmuese të alergjisë që nuk duhen nënvlerësuar:
- Teshtimat e shpeshta
- Sy të skuqur
- Hundë të rrjedhshme
- Shpesh ndodh edhe që hundët të bllokohen
- Njolla në lëkurë
- Vështirësi në frymëmarrje
- Në disa raste shoqërohet me kollë të lehtë
- Mund të sjellë ftohje të menjëhershme
- Diarre
- Probleme me tensionin e gjakut

Zbulohet një molekulë “mbrojtëse” ndaj alergjisë
Molekula e zbuluar nga një shkencëtar italian emërtohet interleuchina-12, dhe është një molekulë që prodhohet normalisht nga trupi ynë, e cila mund të bëhet një aleat i fortë për të realizuar shmangien e alergjisë pa u detyruar të heqësh dorë nga ushqimet që mund ta shkaktojnë atë. Zbulimi se interleuchina-12 mbron nga reaksionet alergjike u realizua nga eksperimentet laboratorike të disa minj, dhe tregon se kjo molekulë privon shfaqjen e alergjisë nga disa lloj ushqimesh. Nga eksperimenti u vu re se disa qeliza të goditura nga alergjia prej disa lloj ushqimesh pushojnë së prodhuari këtë molekulë, ndaj dhe alergjia kthehet në gjendje të përgjithshme trupore. Hipotezat e ekspertëve tregojnë se duke administruar interleuchinën-12, reaksionet alergjike mund të mbahen në kontroll të plotë.
Si ta shmangësh alergjinë duke ngrënë
Zbulimi i ri më tërheqës i shkencës mbi alergjinë ka të bëjë me mënyrën se si mund të fitosh mbi alergjinë duke shtuar morinë e ushqimeve të konsumuara. Të vegjlit me alergji mund të shërohen duke u stërvitur për të ngrënë sasi të vogla ushqimi. Ky trajnim do të reduktonte rrezikun e reaksioneve alergjike nga ushqime të ndryshme. Këtë zbulim të ri e tregojnë edhe rezultatet e para të një eksperimenti të bërë nga Wesley Burks në Durham. Rezultatet thonë se bëhet fjalë për një trajtim të ri imunoterapie të ngjashëm më trajtimin e ndjekur në rastin kur alergjent është poleni. Por në rastin e ushqimeve është akoma e vështirë të gjendet një vaksinë antialergjike, kështu kjo terapi bazohet në vetë shtimin e këtyre ushqimeve duke thyer reaksionet alergjike.
Një bakter që lufton alergjinë
Një grup kërkuesish italianë këna përpiluar një strategji parandaluese dhe terapeutike për të luftuar alergjinë. Ajo bazohet në veprimin e një proteine “Helicobacter pyilori” një bakter i ulçerës. Proteina bakteriologjike HP-NAP ka aftësinë të reduktojë prodhimin e qelizave imunitare përgjegjëse për reaksionet alergjike, limfocitet T. Këto qeliza në fakt, ndalojnë prodhimin e antitrupave specifikë kundër alergjenëve dhe janë të shumta në numër në organizmin e personave që vuajnë nga alergjia. Sipas studimeve të bëra janë të qarta rezultatet që ka dhënë përdorimi i proteinës bakteriologjike HP-NAP, si bazë për një terapi orale kundër alergjisë. Përveç kësaj kjo proteinë stimulon prodhimin e limfociteve T1 të cilat luajnë rol të rëndësishëm në luftimin e infeksioneve të ndryshme.
Si të evitojmë alergjitë më të përhapura
Të paktën për momentin, alergjitë më të përhapura janë akoma ato të rrugëve të frymëmarrjes, që prekin rreth 15 % të popullsisë. “Janë alergji të stilit të jetës moderne, të perëndimit. Këto janë të lidhura veçanërisht me ndotjen e ajrit, ujit apo dhe të ushqimeve. Jo rastësisht alergjitë janë më të përhapura në zonat e industrializuara dhe në qytete.”- shpjegon Patriarca. Vitet e fundit nga mjekët po mbrohet “teoria higjienike”, sipas së cilës shumë pastërti bën keq, veçanërisht tek të vegjlit. Tashmë është rritur numri i shkencëtarëve që janë kundër një jete të “sterilizuar” e shumë të mbrojtur nga viruset e bakteret, sepse sapo një organizëm kaq i mbrojtur përballet më ajrin e ndotur të qytetit çorienton sistemin imunitar. Është mirë që duke filluar nga fëmijët të mësohen më këtë papastërti duke fituar imunitet.

Burimi: Tirana Observer

Thursday	+14°	+7°
Friday	+12°	+6°
Saturday	+13°	+4°
Sunday	+11°	+1°
Monday	+11°	+1°
Tuesday	+12°	+5°

Cilat jane ushqimet qe na krijojne probleme,si ti shmangim .

Cilat jane ushqimet qe na krijojne probleme,si ti shmangim .

MENU

SHTYPI I DITES

REVISTA

FAQET PARTNER