Kirurgjia Plastike

nga Vizitor Sun May 24, 2009 8:44 pm

Të ndryshosh pamjen është kthyer në imperativin e kohës moderne. Edhe nëse ndjehemi të bukur ose jo, dëshirojmë të kalojnë një herë nga dora e kirurgut plastik për të përmirësuar ndonjë defekt të lindur, gjë që koha nuk mund ta riparojë. Në bazë të kërkesave që pacientët kanë, operacionet konsiderohen në relativisht të lehta dhe të vështira. Shprehja "Që të bëhesh e bukur duhet të vuash", është plotësisht e përshtatshme për të ilustruar pacientët, sidomos femra (por është rritur edhe numri i meshkujve, të cilët u nënshtrohen operacioneve të tilla). Hyjnë me dëshirën për t‘u bërë të bukura, për të ndryshuar një hundë të madhe dhe me formë të shëmtuar, buzët e holla, gjoksin e vogël dhe të paformë e deri te tendosja e rrudhave, apo heqja e dhjamit të tepërt për zonjat. Operacionet plastike mund të dalin shumë të suksesshme, nëse bëhen nga profesionistë të vërtetë, të cilët kanë eksperiencë, por ndër to nuk përjashtohet edhe dështimi, që është pjesë përbërëse e një operacioni.

Çfarë është kirurgjia plastike?
Ndahet ne dy dege kryesore:Kirurgjia plastike rikonstruktive dhe kirurgjia plastike estetike.

Nuk do të thotë që personat, të cilët iu nënshtrohen operacioneve "plastike", të kenë një fytyrë ose trup të përbërë nga elementë false. Emri nuk është marrë nga substanca sintetike, por nga fjala greke "plastikos", që do të thotë të krijosh, të japësh trajtë. Procedurat rregulluese korrektojnë defektet në fytyrë ose në trup. Këto përfshijnë defektet fizike të lindura si: shenjat në buzë, deformimet e veshëve, dëmtimet si pasojë e aksidenteve ose traumatike, si për shembull shenjat e lëna nga kafshimi i qenit ose të djegurat etj.

Procedurat kozmetike (ose estetike) rregullojnë ato pjesë të trupit me të cilat personi nuk është i kënaqur. Procedura të tjera kozmetike përfshijnë rritjen ose zvogëlimin e gjoksit, riformimin e hundës (e njohur si rinoplastikë), si dhe heqjen e dhjamit të tepërt nga pjesë të ndryshme të trupit (liposucioni).

Të shumtë janë adoleshentët, të cilët vendosin që të kryejnë operacione plastike. "Dua të më bësh të bukur...", "Dua të bëhem si X aktore, apo dua trup si të sajin", janë shprehjet tipike që dëgjohen nga goja e adoleshentëve. "Për kirurgët plastikë kjo gjë sjell shqetësim, sepse dihet që adoleshenca është mosha në të cilën të vendosësh është e vështirë, pothuajse e pamundur, mund të marrësh vendime për të cilat më vonë mund të pendohesh. Është një moshë me të cilën personalisht has shumë vështirësi për t‘i kuptuar. Në fakt nuk dinë se çfarë duan në të vërtetë. Filmat janë të mbushur me aktore të bukura, të cilat kalojnë në shumë duar për të pasur atë rezultat. Adoleshentet joshen nga figura dhe vijnë e të kërkojnë të bësh të pamundurën. Ka nga ata që janë të bindur, në këtë kategori hyjnë personat që kanë probleme me veshët, si dhe me heqjen e njollave të lëkurës. Procedurat që i nënshtrohen më shumë adoleshentët është riformimi i hundës, rregullimi i veshëve, heqja e akneve ose njollave të ndryshme në lëkurë, si dhe zmadhimi i gjoksit", shpjegon Ivo Pitanguy, një nga kirurgët më të mirë në botë, dora e të cilit ka "krijuar" imazhe shumë të bukura. Lidhur me pyetjen nëse kirurgjia plastike është zgjedhja e duhur, profesor Pitanguy përgjigjet: "Kirurgjia rikonstruktuese ndihmon në rregullimet e defekteve të mëdha, ose problemeve dhe kjo mund të ndikojë pozitivisht në personalitetin dhe në vetëbesimin e dikujt. Ndërsa për sa i përket bërjes së operacioneve plastike vetëm për të ndryshuar imazh, në lidhje me këtë gjë ka anë negative dhe pozitive. Ajo që duhet të dihet me shumë siguri është se kirurgjia plastike nuk mund të ndryshojë jetën. Rëndësi thelbësore në këtë drejtim ka mosha në të cilin kryet operacioni. Ndaj për shumicën e operacioneve mosha ideale për t‘iu nënshtruar është pas moshës 18-19 vjeç, pasi në këtë kohë është formuar një pjesë e mirë e kockave të trupit dhe ato kanë marrë formën përfundimtare".

Siç e përmendëm më parë, shkalla e suksesit dhe e dështimit të një operacioni është 50 me 50. Ajo që mund të themi me sigurinë më të madhe pas kërkimeve të shumta në internet është se pothuajse të gjithë yjet e botës kinematografike kanë ndryshuar diçka të vogël, që ka sjellë ndryshimin e madh në imazhin e tyre.

Thursday	+14°	+7°
Friday	+12°	+6°
Saturday	+13°	+4°
Sunday	+11°	+1°
Monday	+11°	+1°
Tuesday	+12°	+5°

Kirurgjia Plastike

Kirurgjia Plastike

MENU

SHTYPI I DITES

REVISTA

FAQET PARTNER