THAQI:SËRBIA LARG KOSOVËS NJËHERË E PËRGJITHMONË

Kryeministri Kosovës u kthye nga Sllovenia
Thaçi: Serbia larg Kosovës njëherë e përgjithmonë

Prishtinë-Kryeministri Hashim Thaçi pas kthimit nga Sllovenia ka thënë se vendimi për lejimin e vizitës së presidentit serb Boris Tadiq në Kosovë ka qenë në interes të Kosovës si shtet i pavarur dhe sovran, pas kërkesës drejtuar autoriteteve ndërkombëtare dhe ato ndërkombëtare tek institucionet legjitime të Republikës së Kosovës. “Vendimet i marrë në përputhshmëri me interesat e shtetit dhe të ardhmes euroatlantike të vendit dhe të popullit tim dhe nuk marrë vendime duke u bazuar në kalkulime të çastit, personale apo të ngushta, por vendime në përputhshmëri me realitetin në Kosovë, dhe kushtetutën dhe interesat për integrime evropiane”, ka thënë Thaçi në një konferencë për media, pas arritjes të shtunën në Kosovë nga vizita në Slloveni. Ai tha se ka luftuar për të larguar Serbinë nga Kosova dhe për të ndërtuar shtet modern. “Unë kam luftuar për të larguar Serbinë nga Kosova dhe Serbia është larguar nga Kosova, e kemi larguar bashkë me ndërkombëtarët. Kam luftuar për të ndërtuar shtet demokratik dhe modern dhe jo shtet të mentalitetit të së kaluarës. Ne kemi e larguar Serbinë njëherë e përgjithmonë nga Kosova dhe e gjithë bota e di këtë”, thekson Thaçi, duke shtuar se kjo kërkesa e parë e një presidenti të Serbisë që i drejton autoriteteve ndërkombëtare dhe autoritetet ndërkombëtare institucioneve legjitime të Republikës së Kosovës. Kryeministri rithekson se Serbia njëherë e përgjithmonë është larguar nga Kosova dhe se gjithë bota e dinë këtë, por tha se është në interes të të gjithëve që të merren vendime unike si institucionale, edhe ato politike dhe çështje me interes të veçantë dhe ato të jenë vendime të urta, mençura, përgjegjshme dhe shtetërore. Ndërkaq, vizitën në Slloveni kryeministri Thaçi e ka cilësuar si shumë të rëndësishme për të ardhmen e Kosovës dhe për marrëdhëniet ndërmjet dy vendeve. Ai tha se takimet e zhvilluara me krerët e shtetit slloven kanë qenë shumë të mira dhe ato do të ndikojnë në thellimin e bashkëpunimit ndërmjet dy vendeve tona, e të cilat do të sjellin vetëm progres. Thaçi tha se e ardhmja e Kosovës është e ardhmja evropiane, sikurse e Sllovenisë, dhe Kosova do të jetë pjesë e NATO-s dhe e Bashkimit Evropian dhe se Sllovenia ka qenë dhe është në mbështetje të vazhdueshme të progresit në Kosovë.