E shkuara, e sotmja e ardhmja

nga **MONDI** Tue Apr 14, 2009 12:56 pm

Je një tip që jeton të sotmen, apo pëlqen t’i projektosh gjërat? Apo preferon ta jetosh jetën ditë pas dite? Apo jeton ende me të kaluarën?

A - Të jesh e suksesshme, është çelësi i jetës tënde?
1. Sigurisht, është vërtet shumë e rëndësishme.
2. Po, përveç faktit që kjo të mos ndikojë në cilësinë e jetës sime.
3. Nëse do të ishte e mundur, do të më pëlqente.

B - Punën e zgjedh mbi gjithçka?
1. Jo, përparësi për mua është familja.
2. Do të privilegjoja dëshirat dhe ëndrrat e momentit.
3. Do ta quaja kompetencë të momentit.

C - Një histori e bukur dashurie varet…
1. Nga momenti kur e ke përjetuar.
2. Kur të surprizon nga të rejat që të sjell.
3. Kur rritet bashkë me projektet për të ardhmen.

Ç - Mbas dhjetë vjetësh do të jesh…
1. E martuar me dy fëmijë dhe me një pozicion të mirë profesional.
2. Nuk e di dhe nuk e shoh si një problem.
3. Shpreson të jesh ndryshe nga nëna jote.

D - Shëndeti për ty konsiderohet…
1. Nëse do të kisha një patologji në familje, do të isha në merak.
2. Çdo ditë e re, me një rregull të ri për shëndetin.
3. Shëndeti është i rëndësishëm, por të jetosh në harmoni është edhe më e rëndësishme.

Dh - Një natë çmendurie është…
1. Më e mirë se çdo gjë tjetër.
2. E bukur nëse nuk ndodh shpesh, sepse pastaj do të bastardohej.
3. Nuk do të hiqja asnjëherë dorë prej saj.

E - Historitë e familjes…
1. I njeh përmendësh dhe ke gjithmonë konsideratë për to.
2. I përket të kaluarës, nuk më intereson.
3. Është e rëndësishme, por jo sa e ardhmja.

F - Ekologjia dhe e ardhmja e planetit…
1. Është e rëndësishme, dhe e mendoj çdo ditë.
2. Është e rëndësishme ta mendosh, nëse do një të ardhme.
3. Është rezultat i neglizhencës në të kaluarën.

G - Mikja jote e parë e shkollës…
1. Herë pas here e sheh dhe jeni ende në kontakt.
2. Nuk të kujtohet, ka kaluar shumë kohë.
3. Nuk e kujton më, ke mjaft mike të reja.

H - Kush të tremb më shumë…
1. Respekti për disa episode të trishtueshme të së kaluarës.
2. Falimetimi i projekteve në të cilat ti beson.
3. Nëse nuk do të ndiheshe rehat me veten tënde.

Më shumë përgjigje 1
Je projektuar drejt së ardhmes Është e ardhmja ajo që të preokupon më tepër se çdo gjë tjetër. Energjitë e tua shkojnë drejt projekteve, që kanë të bëjnë me të ardhmen. Për ty, kuptimi i të jetuarit është të ëndërrosh si do të jetë e ardhmja. Ajo që ka rëndësi për ty, është ajo që duket e vërtetë.
Je një futuriste.

Më shumë përgjigje 2
Je e drejtuar nga e kaluara Sigurisht, e kaluara është mikja me të cilën udhëton më shumë. Nuk e jeton dot të sotmen, nëse nuk mendon të kaluarën. Çdo moment është i ndërtuar falë një sekuence që e ka origjinën nga e djeshmja. Për ty, jeta nuk duhet ta braktisë kurrë origjinën e saj. Historitë janë këshilla për ty. Je një femër gjithmonë në kërkim.

Më shumë përgjigje 3
Je e përqendruar tek e sotmja Është e sotmja, ajo që ka më shumë rëndësi për ty. I shijon kënaqësitë që të fal jeta ditë pas dite; nuk harxhon si dhe nuk hedh poshtë asnjë minutë kot. Je e përqendruar tek ajo që të ndodh në moment dhe e ke hedhur pas krahëve të shkuarën. Ajo i përket së djeshmes, ndërkohë që ti i përket të sotmes. Jeton nga instinktet dhe je një grua egoiste.

nga shaban cakolli Tue Apr 14, 2009 1:37 pm

e kaluara ishte me rezultative pavaresisht mundimeve,e sotmja nuk qendron ne nivel,te ardhmes nuki dihet.

nga Irinda Tue Apr 28, 2009 9:09 pm

Jane te treja te nje : rrethi

Personalisht e konceptoj kohen shume me ndryshe se sa perceptimi i pergjithshem. Nuk e mendoj si nje vije drejtevizore ku fillon me te shkuaren, jetohet ne te tashmen dhe shkon drejt se ardhmes. Une e mendoj si nje rreth te mbyllur, ku gjithcka riciklohet dhe rifillon. E kur ky rrotullim behet per disa here, koncepti i kohes mbetet vetem si i tille pa percaktime eskplicite nese eshte e shkuar, e tashme apo e ardhme. Kjo mund te shpjegoje dejavu, por jo vetem. Shpeshhere na duket sikur perjetojme ( apo ka ngjashmeri te persosura ) me nje ngjarje qe kemi perjetuar dikur ne te shkuaren, ashtu sikurse shpeshhere na dalin ne te ardhmen pikerisht ato qe mendojme ne te tashmen. Realisht kjo ndodh sepse ne vertete e kemi perjetuar ate ndodhi ne nje apo disa rrotullime me pare te kohes.

Eshte pak e komplikuar dhe ekscentrike por ne te tille teme jane normale keto.

nga Barbi Sun Jul 12, 2009 1:02 pm

E shkuara eshte shkruajtur, e sotmja po shkruhet , dhe e ardhmja do shkruhet. Ne menyre te vecante per cdo popull. Cdo popull eshte zoti i vendit te vet.Cdo shtet ka kushtetuten, zakonet e traditat dhe veset e tyre.Te hedhesh hipoteza te tilla se epiqendra e gjithckaje eshte nje shtet i vetem kundrejt universit me duket e pabaze.

nga **Morena** Sat Dec 26, 2009 10:37 am

E kaluara e sotmja e ardhmja..

Fillimi i nje jete vazhdimi dhe fundi i saj.
Di te kaluaren,di ate qe jetoj dhe preferoj mos te di cfare do me ndodhe..smund te jap me teper komente!
Di vetem qe jeta nuk jepet asnjehere ashtu sic enderrohet,di qe ka te papritura dhe qe eshte nje lufte ne paqe per disa dhe ne te kundert per te tjere.

nga **CLICHE'** Thu Oct 04, 2012 2:22 am

Je e drejtuar nga e kaluara Sigurisht, e kaluara është mikja me të cilën udhëton më shumë. Nuk e jeton dot të sotmen, nëse nuk mendon të kaluarën. Çdo moment është i ndërtuar falë një sekuence që e ka origjinën nga e djeshmja. Për ty, jeta nuk duhet ta braktisë kurrë origjinën e saj. Historitë janë këshilla për ty. Je një femër gjithmonë në kërkim.

nga Vizitor Mon Feb 04, 2013 12:44 pm

Më shumë përgjigje 3
Je e përqendruar tek e sotmja Është e sotmja, ajo që ka më shumë rëndësi për ty. I shijon kënaqësitë që të fal jeta ditë pas dite; nuk harxhon si dhe nuk hedh poshtë asnjë minutë kot. Je e përqendruar tek ajo që të ndodh në moment dhe e ke hedhur pas krahëve të shkuarën. Ajo i përket së djeshmes, ndërkohë që ti i përket të sotmes. Jeton nga instinktet dhe je një grua egoiste.