Zhvishet për bamirësi

Britney Spears po ndjek hapat e të famshmëve George Clooney, Scarlett Johansson dhe Kate Moss, duke ofruar trupin e saj për të grumbulluar para për bamirësi. Britney ka pozuar vetëm me jelek për artistin Daniel Maltzman i cili ka krijuar disa vepra artistike të cilat do t’i shesë për bamirësi. Piktura do të nxirret në ankand për të grumbulluar para për fondacionin “The Promises” (“Premtimet”), i cili u ndihmon nënave në nevojë dhe fëmijëve të tyre. Spears ndërkohë, është duke shitur shtëpinë e saj në Kaliforni, kështu që do të ketë më shumë “para” për t’i rritur dy fëmijët e saj. Krijuesja e hitit ‘Toxic’, ka nxjerrë në shitje shtëpinë me gjashtë krevate për një shumë prej 7.9 milionë euro dhe shpreson të gjejë një pronë të re, e cila do t’i japë më shumë liri dhe hapësirë për të rritur dy fëmijët, Sean Preston, trevjeçar, dhe Jayden James, dyvjeçar. Këngëtarja ka jetuar në atë shtëpi për së paku dy vjet.