Këshilla per këmbët

nga Vizitor Sun Apr 12, 2009 12:51 am

Këmbët tuaja mpihen shpesh dhe ju mendoni se është për shkak të ndryshimit të temperaturës ose e konsideroni gjë të pashmangshme për shkaka të moshës apo të jetës që keni bërë duke qënë ulur?

Përpara se të arrini në përfundime të tilla, më mirë të vizitoni një doktor. Nuk janë të pakta rastet kur mpirja e këmbëve përbën shënja të një gjendjeje të vështirë: të sëmundjes së arteries periferike (mpirje gjaku të arterieve), e cila, nëse nuk përballohet në kohë, mund të jetë e rrezikshme. Këto më lart i theksoi dr. Alan T. Hirsch (drejtor i programit mjeksor për sëmundjet e venave, në shkollën mjekësore të universitetit të Minesotës) në kuadrin e Konferencës e firmës amerikane të zemrës.

nga Vizitor Sun Apr 12, 2009 1:09 am

Tani që peep toes kanë filluar të paraqiten në vitrinat e dyqaneve, erdhi momenti të fillosh të kujdesesh për këmbët e tua në mënyrë taktike. Ndiqni hapat e mëposhtëm për të një pedikyr të bukur.

Mbushni një legen me ujë dhe hidhni brenda kripërat e veçanta që përdoren edhe për të bërë banjë.

I lini këmbët brenda për 10 minuta.

Pasi lëkura e këmbëve tuaja është zbutur, fshijini me një peshqir ose pecetë.

Më pas përhapni një scrub për këmbët për të larguar qelizat e vdekura të lëkurës dhe i fërkoni vendet e ashpra me një gur smeril.

Fshijini këmbët që të largohen pjesët e mbetura nga scrub.

Më pas jepu një formë thonjve të tu me një limë të veçantë, pasi ke fshirë me aceton manikyrin që kishit më parë.

Nëse thonjët tuaj janë pak të verdhë nga lyerja e shpeshtë me manikyr, fërkoni sipërfaqen e tyre lehtë që të largoni zverdhjen me një limë të butë.

Përhapni rreth lëkurës së thonjve një solucion zbutës dhe shtyni lëkurën ngadalë mbrapa pa e dëmtuar dhe gjakosur.

Përhapni në këmbët tuaja body lotion dhe bëni masazh lehtë deri sa ta thithë lëkura komplet.

Në vazhdim fshijini thonjët që të mos mbetet krem dhe yndyrë.

Lyejini thonjët duke përhapur manikyrin bazë mbrojtës dhe pastaj lyejini me manikyrin që ju preferoni duke kaluar dy shtresa.

Në fund lyejini me manikyrin ndriçues ose manikyrin tharës.

©bukuri.com

nga Vizitor Sun Apr 12, 2009 1:11 am

Dhjetë hapa për këmbë të bukura

Këshilla per këmbët Pedicurexe1

Fshini manikyrin e vjetër me pambuk dhe aceton.

Limoni thonjtë tuaj duke u dhënë formë katrore.

I fusni këmbët në një legen me ujë të ngrohtë për 10 minuta, në të cilin kemi hedhur një gotë qumësht dhe pak vaj ulliri, sepse ndihmojnë në largimin e qelizave të vdekura.

Me një vegël të veçantë, zbusni dhe limoni sipërfaqen e thonjve.

Gërryeni thëmbrën me një furçë të ashpër.

Bëni masazh me një produkt peling.

Shplajini dhe fshijini këmbët mirë dhe përhapni në këmbët tuaja një krem zbutës.

Shtyni, largoni lekurën rreth thonjve.

Lyeni thonjtë me manikyrin e tejdukshëm që është baza (base coat).
Përfundoni duke i lyer me manikyrin që doni dhe në fund shkëlqyesin (top coat).

©bukuri.com

nga Vizitor Sun Apr 12, 2009 4:07 pm

Brisku është një metodë e thjeshtë dhe e shpejtë për depilim, por do edhe ai kujdesin dhe mënyrën e saktë për një përfundim të mirë dhe një lëkurë jo të acaruar.
Kur ju rruheni në të kundërt të drejtimit të qimes, lëkura mbetet shumë e butë e e lëmuar por shkaktohen ngacmime tek lëkurat delikate. Në rast se lëkura juaj pezmatohet lehtë, rruajeni atë me lëvizje të lehta pasi keni përhapur një shtesë të mjaftueshme shkume. Në zonën e bikinit dhe tek këmbët bëni lëvizje në të kundërt të drejtimit të qimes. Përsëriteni, duke vënë shkumë, sigurisht nëse është e nevojshme.
©bukuri.com

nga Vizitor Sun Apr 12, 2009 4:08 pm

Qimet janë një armik që të gjitha gratë duhet t’i përballojnë. Mëdyshjet e tyre përsa i përket metodave të heqjes së qimeve janë shumë. Cila metodë është më e mirë?

Brisk apo dyll?

Metodat bazë të depilimit janë brisku dhe qiriri. Çdo grua zgjedh atë që i preferon më shumë, por është e rëndësishme të dimë anët pozitive dhe negative për çdo metodë veç e veç.
Brisku, ndoshta është metoda më e përhapur e depilimit tek gratë. Është e thjeshtë, efikase dhe veçanërisht një zgjidhje e padhimbshme. Praktikohet në çdo çast pa qënë e nevojshme ndonjë lloj parapërgatitjeje. Por ka dhe anë negative. Brisku rrit dendësinë e qimeve dhe i bënë më të ashpra. Zgjat 3-4 ditë, dhe rrënjët janë të dukshme akoma edhe pas rruajtjes me brisk. Një mangësi tjetër e briskut është se nuk mund të përdoret në të gjitha pjesët e trupit, në të cilat ka qime të padëshirueshme.
Depilimi me dyll është metoda me përfundime më të mira për heqjen e qimeve në të gjitha pjesët e trupit. Pas heqjes së qimeve, lëkura është më e butë dhe e lëmuar dhe qimet vonohen të dalin për një kohë të gjatë. Kjo metodë ka dy teknika: Depilimi me dyll të nxehtë, e cila është më e shpeshta dhe më e përdorura dhe me dyll të ftohtë, që përdoret edhe në shtëpi.
Anët negative të depilimit me dyll të nxehtë dhe të ftohtë janë, se mund të bëhen vetëm në sallone bukurie dhe mund shkaktojë dhimbje dhe djegie në zonën ku hiqen qimet.
Çfarëdo mënyre nga të dyja që të bëni, e sigurt është se duhet të jeni të mirëinformuara për të dyja metodat, dhe të zgjidhni atë që ju preferoni.
©bukuri.com

nga Vizitor Wed May 06, 2009 10:10 pm

Kujdesi për këmbët

Të gjitha femrat do të dëshironin këmbë të gjata, të mbushura dhe të lehta. Megjithatë, kjo pjesë e trupit, përveçse është pjesa më joshëse për një femër, është dhe pjesa që është më shumë në rrezik.
Faktorët e shumtë që mund të rrezikojnë shëndetin e këmbëve janë: monotonia e punëve të përditshme, veshjet shumë të ngushta dhe takat e larta, si dhe mënyra e të ushqyerit, të gjitha së bashku bëjnë që në mbrëmje të kemi këmbë të ënjtura dhe me një rëndesë prej plumbi. Që nga kapilarët delikatë të gjakut gjer te mosfurnizimi sa duhet i venave me gjak, vuajnë tetë femra në dhjetë. Bëhet fjalë për një lloj epidemie të këmbëve të rënduara.
Kohët e fundit, trajtimet me balta dhe masazhe kanë rezultuar shumë të suksesshme. Bëhet fjalë për një përzierje veprimesh. Efektet janë të shumta, si antifryrje e këmbëve, lehtësim i tyre nga lodhja e përditshme, si dhe ndalimi i infeksioneve të shumta. Përveç këtyre efekteve, është dhe tonifikimi për të lehtësuar këmbët nga lodhja, qarkullimi i keq i gjakut dhe nga të gjitha zakonet e këqija moderne të jetës së përditshme. Për të ndaluar prodhimin e variceve, mosfurnizimin e venave me gjak, shërbejnë edhe norma dhe sjellje të përditshme, të cilat, shërbejnë për të pasur këmbë të shëndetshme dhe seksi.

Pushimi duhet të jetë një moto
Nuk duhet të qëndroni në një vend për një kohë të gjatë, por duhet të ecni shumë shpesh. Kur jeni të ulur, brenda mundësive duhet t’i mbani këmbët pak më lart se niveli i vendit ku jeni ulur. Në rastet kur shtriheni për të fjetur, këmbët duhet të rrinë në një nivel pak më të lartë se ai i shtratit. Duhet të bëni periudha pushimi gjatë ditës.

Gjimnastika dhe banja
Të shtrirë duhet të bëni lëvizje të lehta të këmbëve duke i shtrirë ato më lart se vendi në të cilin ndodheni, gjithashtu duhet të bëni një banjë prej 15-30 minutash, gjatë së cilës të rrini në ujë me temperaturë nga 36- 37 gradë. Nëse nuk është e mundur një banjë, atëherë është e këshillueshme të mbani këmbët në ujë të ngrohtë në po të njëjtat temperatura.

Klima
Duhet të evitoni temperaturat e larta si dhe vendet me lagështirë. Vendet malore janë më të këshillueshme, por nëse ju zgjidhni detin atëherë janë të këshillueshme banjat e gjata dhe shëtitjet në breg të detit me ujin gjer te gjunjët. Mundohuni të ekspozoni sa më pak këmbët në diell dhe mbajtjen e tyre sa më të shkurtër në rërë. Në shtëpi mundohuni të mbani temperatura mes 19-20 gradëve.

Veshjet
Mundohuni të evitoni veshjet shumë të ngushta, të nxehta dhe elastike. Kini kujdes nga këpucët shumë të ngushta, shumë të larta apo shumë të ulëta. Mundohuni t’i gjeni sa më të rehatshme.

Sporti
Nuk këshillohen sportet me lëvizje të vështira dhe të lodhshme. Më saktë i thuhet jo: tenisit, skive, shpatës, futbollit apo dhe sporteve të tjera me top, kërcime dhe vrapimeve të shpejta. Po, vetëm për notin dhe marshimet e lehta në ajër të pastër.

Higjiena
Mundohuni të mbani të pastër lëkurën e pulpave dhe të shputës së këmbës duke i larë ato me sapun dhe duke i trajtuar me kremra sa më ushqyes për këmbët. Nëse është e këshilluar nga mjeku, mund të përdorni dhe çorape elastike.

Ushqimi
Kini kujdes me dietat që përdorni, mundohuni të hani sa më shumë ushqime dhe fibra. Mundohuni të hani sa më shumë ushqime të lehta për t’u tretur pa vështirësi. Mundohuni të evitoni ushqimet pikante, hani sa më shumë fruta dhe perime dhe pini ujë.

Veshja
Për sa i përket veshjes së këmbëve nuk janë shumë të këshillueshme çizmet, megjithëse kanë shumë vite që dominojnë në pasarelat e të gjithë stilistëve më të njohur të botës. Veçanërisht për ato femra që rrezikojnë të kenë varice. Pavarësisht nga të gjithë faktorët, dëmin kryesor e shkaktojnë takat e larta. Megjithëse kanë shumë feminitet, ato shkaktojnë dhe shumë deformime të këmbëve dhe të shtyllës kurrizore. Taka ideale është ajo 3-4 centimetra.