Qerpikë të bukur

nga Vizitor Sun Apr 12, 2009 12:21 am

Shumë prej nesh nuk dimë ose vështirësohemi të përdorim rimelin!

Me lëvizje të thjeshta mundeni edhe ju të tregoni vështrimin tuaj dhe të theksoni karakteristikat tuaja.

Si të përdorni rimelin

Përhapni më parë një shtresë me rimel tek qerpikët poshtë.

Pastaj vendosni furçën e rimelit tek baza e qerpikëve dhe lëvizeni nga e majta djathtas.

Tërhiqeni furçën me drejtim lart midis qerpikëve.

Mbajeni furçën midis qerpikëve dhe hapni dhe mbyllni qerpikët mbi furçën që të theksoni majat e qerpikëve.

Mbyllni sytë dhe mbajeni furçën sipër qerpikëve dhe bëni të njëjtën lëvizje përsëri për qerpikët lart.

Në fund përdorni furçën e veçantë dhe i krihni që të hiqen mbetja e tepërt.

Që të duken sytë tuaj akoma më të mëdhenj, përdorni gërshërën kthyese dhe përfundimi do të jetë akoma më mahnitës. Mund ta bëni përpara se t’i lyeni me rimel.
Provojeni dhe të keni edhe ju një vështrim të pamposhtur!
©bukuri.com

nga Vizitor Sun Apr 12, 2009 4:20 pm

Qerpikët e bukur jane furça e fundit e makiazhit, e cila tregon jo vetëm bukurinë tuaj por në veçanti shprehjen tuaj.

Qerpikët duhet të jenë të dendur, të gjatë, të ndara në mënyrë të bukur dhe mjaft të kthyera. Shumëllojshmëria e produkteve për qerpikët, që ekziston në treg, ju jep mundësinë që të zbuloni atë që ju shkon saktësisht juve.
Rimeli hapet gjithmonë në fund, me levizje të lehta dhe të ngadalta, duke filluar që nga rrënjet dhe duke përfunduar deri tek majat. Gërshëra e vecantë e qerpikëve që është për kthyerjen e tyre, i ndihmon akoma më shumë.
Një shtresë e dytë rimeli pas 10 sekondash do të përfundojë paraqitjen tuaj, por vetëm tek qerpikët lart dhe jo poshtë. Në qoftë se jeni delikat në përgjithësi me mjetet kozmetike, atëherë kerkoni ato që nuk ju bëjnë alergji. Të gjitha firmat e produkteve kozmetike kanë produkte për të tilla raste.
Dhe natyrisht nuk është e nevojshme që t’ju rikujtojmë se ekziston shumëllojshmëri rimelesh me të gjitha ngjyrat e syve.

©bukuri.com

nga Vizitor Sun Apr 12, 2009 4:33 pm

Qerpikë të bukur Beautiful-eyes.thumbnail

Flokët nuk janë të vetmit që kanë venojë për kujdesje. E keni menduar ndonjëherë sesa të lodhur dhe të munduar janë qerpikët tuaj nga makiazhi? Përhapni një herë në javë përpara gjumit me një krruajtëse veshësh ose me gishtin tuaj tek qerpiket për së gjati pak vazelinë dhe lëreni të veprojë gjithë natën.

nga Vizitor Wed May 06, 2009 9:53 pm

Rimeli për pamje elegante dhe shikim joshës

Rimeli është protagonisti i tendencave të makijazhit në stinën e dimrit. Mjafton një kalim i shpejtë për të pasur një shikim elegant dhe joshës. Çdo rimel ka karakteristikat e veta i përcaktuar nga forma e furçës dhe nga pigmentet e formulës. Të gjitha këto elementë kontribuojnë për të krijuar efekte të ndryshme, dendësinë, gjatësinë, kur duam të kemi qerpikë të lakuar dhe voluminozë.
Çdo rimel ka një metodë aplikimi, rimeli me furçën e lakuar përdoret me një lëvizje zig zag, rimeli me krehër ka një metodë aplikimi rrotullues, nga rrënjët deri tek majat e qerpikëve. Estetët këshillojnë se duhet të përdorim këto metoda për të pasur një shikim marramendës.
Gjithashtu ata këshillojnë nëse keni pak rrathë të zinj rreth syve, të shmangni lyerjen me rimel për qerpikët e poshtëm, sepse rimeli krijon hije dhe nxjerr në pah defektet poshtë syve. Tek qerpikët e sipërm duhet ta kalojmë atë dy herë që të duken më të dendur.

Rimeli praktik
Për të aplikuar sa më mirë rimelin është e rëndësishme të mos e lëkundni dorën dhe aplikimi do të jetë më i lehtë edhe për duart jo shumë eksperte.

Rimeli i përkulur
Shumë make up artistë këshillojnë që para se të aplikoni rimelin, përdorni kthyesen e qerpikëve. Sepse nëse qerpikët janë të kthyer nga sipër duken sikur janë të lyera me rimel.

Rimeli voluminoz
Rimeli, pasi thahet, shpesh herë duket i zymtë. Përdorni rimel që ruan dritën dhe që u jep syve një efekt të dukshëm dhe brilant.

Rimeli i përshtatshëm
Nëse qerpikët janë të krehura mirë dhe të ndara nga njëri tjetri, rimeli përshtatet shumë lehtë në çdo qerpik. Duhet të aplikoni rimel që ka një furçë të dendur që zgjat dhe ndan qerpikët tuaj.

Rimeli shumë voluminoz
Qerpikët e hollë dhe jo shumë të dendur kanë nevojë për një produkt më specifik. Specialistët këshillojnë se në të tilla raste aplikoni rimel voluminoz që kanë dy baza ngjyrash, një e bardhë, që iu jep qerpikëve një efekt voluminoz dhe të padukshëm dhe nga ana tjetër baza e zezë që i zgjat.

Rimeli më në modë
Tendencat e fundit në botën e makiazhit këshillojnë që t’iu japim qerpikëve ngjyra, mbi të gjitha tek majat. Ngjyrat që rekomandohen janë lejlaja për sytë me ngjyra të errëta dhe jeshile për sytë me ngjyra më tropikale.

Rimeli që zgjat qerpikët
Për të pasur qerpikë më të gjatë duhet të përdorni rimel që krijon një efekt zgjatues rreth qerpikëve me furçë që përhap në mënyrë perfekte produktin.

Rimeli më i kompletuar
Nëse doni të dendësoni, volumizoni dhe të zgjasni qerpikët ju duhet një rimel me shumë funksione dhe me një furçë elastike, të shpeshtë që përhap produktin në çdo qerpik.

Rimeli permanent
Nëse preferon të lyesh qerpikët e poshtëm, por ke frikë se mbas disa orësh bëhet i zymtë, përdor një produkt me funksion kundër ujit.

Rimeli kurues
Dhe qerpikët dobësohen. Për t’i forcuar duhet një rimel i pasur me vitamina dhe ekstrakte bimore.