Saranda...

nga Vizitor Tue Mar 24, 2009 2:50 pm

Qyteti i Sarandes ndodhet ne jugperendim te vendit,buze detit Jon dhe eshte port
detar.Ekzistenca e tij permendet per here te pare nen emrin ONHEZEM ne shek I
p.k,sherbente si liman per kalimin nga Epiri ne gadishullin Italik,era juglindore shume e
preshtatshme per kete lundrim njihej me emrin e Onhezmit.Zhvillimin me te madh ky qytet i
vogel e pati nga shek i II-III p.k.Kesaj kohe i perkasi dhe disa renoja buze detit.Ne shek e IV
qyteti riperterihet rreth berthames se pare dhe rethohet me mure mbrojtese 2m te trashe,duke
mbajtur perbrenda rreth 5 ha toke.Brenda keshtjelles ne trajte gjysemrrethi,te perforcuar me
kulla,germimet arkeologjike kane zbuluar rrenoja banesash,sterrerash dhe nje bazilike
paleokristiane te shek V-VI,dyshemeja e te ciles ishte shtruar me moxaik te bukur
shumengjyresh.Ne nje sere aktesh kishtare te viteve 414-516 permendet si seli peshkopesh
dhe si qytet.Ne udherrefyesin e Hieroklit te shek VI del ne skene me emrin Anhiazmi si nje nga
12 qytetet e provinces se Epirit te vjeter.Sherbente si skele e Foinikes (Finiqi).Gjate mesietes
nuk permendet me ne burimet e shkruara.Muri rrethuae i epokes Bizantine ne pjesen
perendimore te qytetit te sotem,rrenojat e nje manastiri paleokristian me emrin Ajiu Saranda
(Dyzet Shenjtoret) qe ngrihet ne shpatin e malit mbi Sarande dhe ndertimi ne fund te shekullit
XVI-fillimi shek XVII i kalase se Lekuresit ne jugelindje te qytetit,tregon se Onhezmi eshte i
lashte,ndonese ne renie,ka vzhduar me emra te tjere.Emri ''Sarande'' hyri ne perdorim ne
fund te vitit 20 te shek te XX.madje deri ne vitin 1930 nga banoret quhej thjesht
''Skele''.Me 1876 ketu ishte nepunes dogane Naim Frasheri.Me 1878 u dogj e u shkaterua
nga banda anetaresh greke te ardhur nga korfuzi.Me 1927 kishte rreth 800 banore dhe nuk
hynte ne rradhen e Qyteteve.Dicka me shume u rit ne vitet 30-40,kur u zhvillua tregetia,u
ndertuan,dyqane,magazina,shtepi te tregetareve etj.Ne fillim te viteve 30 te shek te XX mer
trajte dhe urbanistika e Sarandes,vendosia e rugeve dhe e ndertesave shkalle-shkalle,u hap
shetitorja anes bregdetit (qe ne ditet tona eshte dyfishuar),u ndertua moli i ri,muri mbrojtes ndaj
dallgeve dhe 3 ruget kryesore.Saranda eshte porti i trete ne vend nga rendesia pas Duresit
dhe Vlores.Ne ditet e sotme Saranda cilesohet si nje nga qytetet Perla te Shqiperise dhe
aktiviteti i saj eshte bazuar kryesisht ne turizem dhe ne perpunimin portual.Ne vitin 1990
popullsia e saj qe rreth 16.400 banore.Numri i banoreve te rrethit te Sarandes (sipas
statistikave te vitit 1993) eshte 53.730 banore,ndersa siperfaqia eshte 1097km2.

nga Vizitor Mon May 25, 2009 11:00 pm

Saranda

Saranda është qytet në Shqipërinë jugore i vendosur ne bregun e detit Jon perballe ishullit te njohur grek te Korfuzit. Eshte i vendosur ne nje shpat mali.

Saranda është qytet në Shqipërinë jugore i vendosur ne bregun e detit Jon perballe ishullit te njohur grek te Korfuzit. Eshte i vendosur ne nje shpat mali.

Histori

Për herë të parë emri i Sarandës përmendet në vitin... Saranda është qytet në jug të Shqiperisë, e vendosur në bregdetin jonian, përballë ishujve të Korfuzit. Emri Saranda vjen nga një manastir i hershëm kristian që i kushtohet Dyzet Shenjtëve (Ágii Saránda në greqisht) (Santi Quaranta në italisht).

Transporti

Saranda ndodhet rreth 300 km larg Tiranës, kryeqytetit të Shqipërisë. Përkohësisht mjeti i vetëm i udhëtimit për në Sarandë janë automjetet. Transporti detar i Sarnadës e lidh qytetin vetëm me qytetet greke të Korfuzit dhe Igumenicës. Është projektuar ndërtimi i aeroportit të qytetit në fshatin Vrion, 1 km larg tij.

nga Vizitor Mon May 25, 2009 11:08 pm

Zbulohet një anije e shekullit të 3-të në Sarandë

Ekspedita shqiptaro-amerikane e arkeologjisë nënujore ka filluar sezonin e ri të kërkimeve në ujërat shqiptare me një zbulim spektakolar. Një anije e shek të III ose IV pas Krishtit, është gjetur nga ekipi i kësaj ekspedite në ujërat e Jonit, në veri të Sarandës, mes këtij qyteti dhe Porto Palermos. Reliti arkeologjik është i ruajtur mjaft mirë dhe është i përbërë nga amfora të mëdha që mendohen se vijnë nga Afrika Veriore. Ky relit arkeologjik mendohet nga arkeologët se është ndoshta nga më të bukurit dhe nga më të ruajturit, të gjetur ndonjëherë në ujërat e Mesdheut. Mbas gërmimeve që do të bëhen në të ardhmen në këtë relit, mendohet se të dhënat e fituara do të sjellin të reja mbi kuptimin e kontakteve të banorëve të Ilirisë së Jugut me kulturat e Mesdheut. Pritet që gërmimet e mëtejshme të hedhin akoma e më shumë dritë mbi pasuritë që fsheh nën vete deti, por siç u tha dhe më lart, edhe mbi kontaktet që ilirët kanë pasur me të tjerët por edhe mbi materialet që mund të kishte anija. Ky zbulim është bërë i mundur si rezultat i përdorimit të teknologjive bashkëkohore e moderne për zbulimet nënujore, teknologji që e kanë ndihmuar shumë vetë zbulimin, por edhe rezultatet e marra nga studimet dhe kërkimet që po kryhen në botën nënujore të detit Jon. Nga fotografitë e marra në vendin ku është zbuluar anija, shihet qartë gjendja në të cilën janë amforat e përmasave kryesisht të mëdha. Vendi i saktë ku është gjetur kjo anije nuk është bërë i ditur, mbase sepse kjo do të dëmtonte zbulimin e bërë për studime të mëtejshme.

Zbulimi

Ky zbulim është i shtati në listën e zbulimeve të rëndësishme të kryera nga kjo ekspeditë e përbashkët, e cila ka filluar 3 vite më parë si bashkëpunim i Fondacionit Amerikan RPM Nautical Foundation dhe Degës së Arkeologjisë Navale të Institutit të Arkeologjisë Shqiptare me bashkëdrejtor Dr.Jeff Royal nga pala amerikane dhe Dr. Adrian Anastasi nga pala shqiptare. Pika e kontaktit mes arkeologëve shqiptarë dhe fondacionit amerikan ka qenë Auron Tare, i cili vazhdon të kontribuojë për vlerat që mbart arkeologjia nënujore shqiptare, por edhe ajo tokësore. Ka qenë pikërisht Tare, ai që ka bërë të mundur bashkëpunimin, duke organizuar takimin mes palës shqiptare dhe asaj amerikane. Kjo ekspeditë po kryen gjithashtu matje të hollësishme të fundit të detit, duke kryer për herë të parë hartat e pasurive nënujore të deteve shqiptare e duke dhënë mundësinë e identifikimit të kësaj pasurie arkeologjike. Teknologjia e larte multibeam dhe përdorimi i robotëve në thellësi të mëdha që kjo ekspeditë po përdor, si dhe rezultatet e shkëlqyera të saj, e radhitin atë në një prej tri ekspeditave më të rëndësishme në Mesdhe, sipas ekspertëve të huaj të arkeologjisë navale. Media amerikane dhe ajo botërore i kanë kushtuar kësaj ekspedite një vëmendje të madhe, pasi zbulimet që kjo ekspeditë ka në Shqipëri, po hapin një kapitull të ri në fushën e zbulimeve të arkeologjisë nënujore. Ekspedita shqiptaro-amerikane do të bashkëpunojë për herë të parë edhe me arkeologë malazezë, duke kryer kërkime në ujërat e Malit të Zi. Në këtë mënyrë, për herë të parë do ketë një bashkëpunim të specialistëve të arkeologjisë navale për të kërkuar thellësitë e bregdetit iliro-dalmat.

Anija 2500-vjeçare

Jo shumë kohë më parë i njëjti ekip, në ujërat shqiptare mundi të zbulojë një tjetër anije, e cila datonte pikërisht 2500 vjet më parë. Anija ishte nisur nga Korinthi për të shkuar në një nga kolonitë e këtij qytet-shteti në Shqipëri. Ngarkesa e saj përfaqësonte në pjesën më të madhe tjegulla korintike të kësaj periudhe. Me përmasa 73 me 52 centimetra, janë tjegulla që në atë periudhë kishin një përdorim të gjerë për sa i përket ndërtimit të tempujve dhe sipas Adrian Anastasit, ato janë gjetur nga një gërmim në Akropolin e Durrësit. Këto tjegulla përdoreshin në lashtësi edhe në shtrimin e rrugëve cilësore.