Re: Maska te ndryshme.....

nga Vizitor Fri Apr 24, 2009 2:00 pm

Mendohet se se kujdesi ndaj trupit dhe fytyres eshte i shtrenjte, por kjo nuk eshte gjithmon keshtu.
Qumeshti dhe disa prodhime te tij qe nga kohet e vjetra njohen si eliksir i bukurise.
Qumeshti per shkak te perberjes se pasur, e ngadalson plakjen e lekures.Permbane vitaminat A dhe E, qe i luftojne me shume sukses rrudhat,pastaj proteina qe i japin lekures pamje kadife,kurse enzimat e qumeshtit ndihmojne ne regjenerimin e lekures.
Qumeshti me yndyre te plote eshte shume i dobishem per lekuren e thate,sepse proteinat e tij e rrisin lagashtine dhe elasticitetin e lekures.
Prodhimet e qumeshtit dhe ate Jogurti,Ajka dhe Diathi poashtu jane te mire per lekuren.Ata mund te vihen vec e vec apo ne forme te maskave koktej,ku jane te perzier me perberes te tjere.

Banja e Kleopatres

Te perzihet nje liter qumesht me plote yndyre ,,, 10 ml vaj jojobe dhe te qiten ne ujin per larje.
Ne vasken ku keni qitur kete uje duhet te rrini 20 minuta, e mepastaj te shperlaheni me uje te ftohte.

Maska te ndryshme..... - Faqe 2 Kopel6

nga Vizitor Fri Apr 24, 2009 2:01 pm

Si te kemi kembe aromatike ?

~ Si te bejme banje freskuese dhe aromatike per shputat e kembeve...

]Perzieni nje luge leng limoni,,,2 luge vaj ulliri dhe 1/4 e luges se vogel qumesht,,, dhe ne fund mund te qitni ndonje parfum ne kete perzimje apo edhe petale lulesh si p.sh. trendafilit. Me kete perzierje i ferkoni shputat e kembeve.
Pas nje masazhi te shkurter,lajini ato me ndonje sapun te bute dhe fshijini ngadale. Keshtu do te kni shputa te fresketa dhe me arome te mire.
Vetem pas disa diteve pas perseritjes se nje rituali te tille do te keni lekure shume te lemuar te shputave...

nga Vizitor Fri Apr 24, 2009 2:03 pm

Pemet jane burim i bukurise per lekure!

Mollat:
Parandajojne formimin e njollave te pleqerise ne lekuren e fytyres dhe ne duar.
Me nje rriske molle lehtesishte ferkojeni fytyren dhe sigurohuni sesa e dobishme eshte ajo.Do te keni lekure te bute dhe shkelqyese.

Portokajte:
Preparatet per kujdesin ndaj flokeve ne baze te portokallit ndihmojne ne forcimin dhe ne elasticitetin e flokeve dhe ua kthejne atyre shkelqimin.
Ndersa si perberes i preparateve per kujdes ndaj fytyres ,,, portokalli e rrit vitalitetin dhe e pertrine lekuren.

Rrushi:
Ka ndikim shume te mire ne lekuren e fytyres,sepse te mbrone nga radikalet e lira qe e demtojne lekuren.
Rrushi e ngadaleson plakjen,prandaj gjendet ne shume preparate kozmetike.

Grejpfruti:
E freskon organizmin,e pastron ate nga materiet e demshme dhe e permireson qarkullimin.
Lekures ia kthen vitaliteitn dhe freskine,,,ndihmon per hapjen e poreve , e qeteson lekuren problematike dhe e rregullon ate te yndyrshme.

nga Vizitor Fri Apr 24, 2009 2:04 pm

Maskat e fytyrës- cilat duhet të zgjidhni!?!

Sipas llojit të lëkurës dhe problemit që keni, zgjidhni maskën e duhur, e cila do t'ju dhurojë, pikërisht atë që keni nevojë, me qëllim që fytyra juaj të shkëlqejë përsëri, plot shëndet dhe freski

Fytyra duhet të pastrohet me kujdes dy herë në ditë: në mëngjes dhe në darkë. Dhe për çdo herë nuk duhet të mungojë kremi i ditës apo i natës. Ky është rregulli që parashtrojnë estetistët, të cilët për maskat e fytyrës japin këshilla të posaçme.
E gjithë procedura e përdorimit të maskës bazohet në tre elemente: dëshirë, durim dhe kohë në dispozicion. Ndaj kur të vendosni të përdorni maskën që i kombinon llojit të lëkurës suaj, zgjidhni një ditë të lirë, pa shumë detyrime, me qëllim që të ndiqni me kujdes të gjithë procedurën. Por edhe nëse koha është shumë e kufizuar për ju, vendosni maskë qoftë edhe një herë në javë.

Zgjidhni maskën që iu kombinon
Për të zgjedhur maskën e përshtatshme, d.m.th. atë që i përgjigjet me saktësi nevojave të lëkurës suaj, mendoni se çfarë kërkoni në atë moment: hidratim, shkëlqim, ushqim, tendosje, ajrosje etj. Ka shumë mundësi që të keni nevojë edhe për dy apo më shumë maska, nëse lëkura juaj është e përzier ose paraqet nevojat të ndryshme në zona të ndryshme, si psh. e yndyrshme në ballë, hundë dhe mjekër dhe e thatë në pjesën tjetër të fytyrës. Gjithashtu, madhësia e problemit përcakton se sa herë duhet të përdorni maskë.
Zakonisht, mjafton një herë në javë, por nëse psh. lëkura juaj është shumë e thatë, atëherë do të keni nevojë për më shumë herë. Mos harroni gjithashtu, se nevojat e lëkurës varen edhe nga stina, niveli i hormoneve dhe gjendja psikologjike.

NEVOJAT TUAJA

Nëse keni lëkurë të thatë
Maskat më të përshtatshme janë ato hidratante. Përpiquni që lëkura juaj të jetë e lagësht me qëllim që maska të aktivizohet lehtë dhe shumë shpejt. Vendosni në të gjithë fytyrën (përveç syve dhe buzëve) një shtresë të trashë. E lini të veprojë për sa kohë që këshillojnë përgatitësit e saj. Mos e shpërlani, por me një pambuk hiqni me kujdes atë pjesë që lëkura nuk arriti ta thithte. Nëse dëshironi të trefishoni rezultatin, përdorni, menjëherë më pas, një krem ushqyes.

Nëse lëkura është e yndyrshme
Maskat më ideale për këto raste janë pastrueset. I përdorni ato rregullisht dhe mos harroni të bëni piling me një produkt të butë, gati 2 herë në javë. Shmangiuni zonës së ndjeshme të syve dhe mos e lini maskën që të veprojë më pak ose më shumë se sa rekomandojnë përgatitësit e saj. Nëse e hiqni më shpejt se ç'duhet, nuk do të jetë thithur dhe poret nuk do të jenë pastruar deri në thellësi, ndërkaq është e padobishme që ta mbani më shumë orë pasi nuk do të keni rezultat më të mirë.

Nëse keni lëkurë të ndjeshme
Një pastrim i thjeshtë me ujë të destiluar, përpara se të vendosni maskën, forcon veprimin kurues. Pastroni lëkurën me pambuk ose shami letre, pa e fërkuar fort. Vendosni maskën dhe shtrihuni në kanape, duke u qetësuar për sa kohë që ajo vepron.
I mbuloni sytë me pambuk të lyer me kamomil dhe shijoheni këtë moment shlodhësh që nuk shkon më shumë se 10 minuta.

Nëse lëkura juaj është e lodhur
Pavarësisht nga lloji i saj, ka momente që lëkura duket e lodhur, pa shkëlqim sikur të mos ketë jetë në të. Në këto raste një maske rigjeneruese do të ndihmonte që të vinte në vete dhe të fitonte shkëlqimin e mëparshëm, sikurse edhe do të luftonte rrudhat dhe do të tendoste lëkurën.

NJË MASKË PËR ÇDO RAST

Hidratantet
Janë të pështatshme për lëkurat e thata dhe shumë të thata, të cilat ose paraqesin mungesë lagështie të përhereshme ose vuajnë herë pas here nga thatësia. Të pasura me aloe vera, proteina qumështore, banane, mjaltë dhe vitaminë E, maskat hidratante ushqejnë lëkurën e uritur me lagështirë, duke lehtësuar funksionin e qelizave dhe frymëmarrjen e lëkurës.

Kurueset
Përmbajnë kamomil dhe përbërje të tjera që "qetësojnë" lëkurën e irrituar, duke ndihmuar në funksionimin më të mirë të lëkurës. Gjithashtu, përdoren edhe për lëkura me puçrra.

Tendosëset
Janë të mira për lëkura më të pjekura, që kanë filluar të paraqesin shenja rënieje. Ato ndihmojnë në tendosjen e lëkurës dhe zhdukjen e gjurmëve të viteve mbi fytyrë (në shumicën e rasteve vetëm përkohësisht).

Për pastrim në thellësi
Këto maska përdoren për lëkurat e yndyrshme (zakonisht për moshat e reja). Arrijnë të pastrojnë poret si dhe të pengojnë shfaqjen e puçrrave dhe shenjave të zeza. Zakonisht, maskat e pastrimit janë të pasura me vitamina, por përmbajnë edhe argjil (me ngjyrën e zakonshme të gjelbërt).

Për shkëlqim dhe rigjenerim
Këto maska kanë në përbërje vitaminë C dhe duke bërë një pastrim të lehtë të lëkurës, arrijnë tëë largojnë qelizat e vdekura dhe i japin asaj shkëlqimin e nevojshëm. Mund t'i përdorni pak para se të vendosni makiazhin.

Maskat-ekspres
Veprojnë në kohë rekord (vetëm 5 minuta) dhe i japin lëkurës freski e shkëlqim. Por ato janë të rezultatshme kryesisht në fytyra që nuk paraqesin probleme.

SI VENDOSET MASKA?
• Pak para se të vendosni çfarëdolloj maske, duhet ta pastroni lëkurën me shumë kujdes (në fytyrë dhe qafë).
• Vendosni një shtresë të trashë në fytyrë e qafë dhe zbatoni me saktësi udhëzimet që japin përgatitësit. Ndonëse, maskat-ekspres kërkojnë pak kohë (vetëm 5 minuta), shumica e maskave të tjera duhet të qëndrojnë mbi lëkurë më shumë se 10 minuta.
• Në asnjë rast maska nuk duhet përhapur në zonën e syve dhe në buzë, përveç se në rastet kur produkti këshillohet edhe për këto zona.
• Maska hiqet nga lëkura, duke përdorur pambuk dhe më pas ujë të bollshëm. Zakonisht menjëherë më pas përdoret krem i posaçëm.

• Përdorni maska që kombinojnë me llojin e lëkurës suaj.
• Shmangiuni maskave me fruta, nëse keni lëkurë të ndjeshme.
• Preferoni ta vendosni maskën menjëherë sapo keni bërë një banjo të ngrohtë, kur poret janë ende të hapura dhe i japin mundësi maskës të veprojë më mirë.
• Mos preferoni maska që paralelisht pastrojnë në thellësi, nëse keni puçrra.
• Mos harroni se maskat janë të nevojshme, por ato nuk mund të zëvendësojnë përdorimin e produkteve të tjera kozmetike për fytyrën

nga Vizitor Fri Apr 24, 2009 2:04 pm

Ripertritja e lekures se trupit!

Per te bere nje trajtim regjenerues te lekures se trupit,,,duhet pak vaj ullirit dhe kripe e ashper me ngjyre pak te erret (si per turrshi).
Pasi ta lyejme trupin me vaj dhe me sasi te konsiderueshme kripe,masazhojme me force pjeset qe deshirojme,,,veqanarisht zonat e deformuara.
Vaji i ullirit dhe Kripa jane organike dhe te pademshme per lekuren. Deportojne ne thellesi te lekures dhe realizojne heqjen e qelizave te vdekura.
Ky proces rrite metabolizmin e lekures dhe e stimulon ate te prodhoje qeliza te reja.
Gjithashtu eshte efikas per celulitin!

nga Vizitor Fri Apr 24, 2009 2:05 pm

Banjo me aromat e preferuara!

Zgjidhni erezat qe juve ju pelqejne me se shumtit(mente,borzilok,jasemin,levando,vanilje etj)...
Me pas keto i qitni te zhyten ne nje tas te madhe me uje te vale per rreth 15 minutash. Kullojeni ujin ne tas dhe e derdhni ne ujin ku me pare e keni mbushur vasken,,,shijoni aromat e juaja te preferuara per rreth 20 minutash.Ose nese doni mund ti fusni erzat ne qeska te vogla pelhure te holle dhe ti hidhni ato direkt ne ujin e vaskes.

Banjo me kamomil!

Mund te veprohet si me larte,,, te mirren lulet e kamomiles te zhyten ne nje tas ...pra e njejta procedure!!!
Eshte qetesues mjafte i mire.Preferohet te perdoret per lekura te thata dhe te ndieshme. Gjithashtu ndihmon gjumin.

Banjo me livando!

Ka parfum te fresket dhe shquhet si stimuluese dhe tonike per trupin. Gjithashtu ka aftesi qetesuese ne raste dhimbje apo stresi.

Banjo me mente!

Bime aromatike qe eshte stimuluese per mendjen dhe qetesuese per trupin nga stresi i dites.Mund te perzihet me Rozmarine per banjot aromatike forcuese. I pershtatet me teper lekurave te thata.

Banjo me rozmarine!

Stimuluese dhe tonike per trupin.Preferohet ne raste lodhjeje dhe stresi fizik.Duke u perzier me ekualipsin ,,,banjo me rozmarine kthehet ne masken ideale per lekurat e yndyrshme!

nga Vizitor Fri Apr 24, 2009 2:05 pm

Lekura e trupit ka po aq nevoje per kujdes sa edhe lekura e fytyres!!!

Banjo me qumesht!

Pasi te keni mbushur vasken me uje,,,qitni nje liter qumesht,pse jo kush te deshiron mund te shtoje edhe disa luge mialte per me teper arome dhe butesi.

Banjo me kripe!

Derdhni 500 gram kripe ne ujin e vaskes. Me pas shkrini dy luge mialte ne nje gote qumesht dhe derdhni brenda ne vaske.Qetesohuni per rreth 20 minuta ne vaske duke shijuar clodhjen dhe embelisine e ketij momenti.

Banjo me nisheste!

Qitni 200 gram nisheste ne ujin e vaskes.Perzijeni mire dhe qendroni aty per rreth 20 minutash.
Uji me nisheste ne kete rast do te shkepuse qelizat e vdekura nga lekura juaj,,,duke e pastruar ate edhe nga ndonje njolle e mundeshme.

nga Vizitor Fri Apr 24, 2009 2:06 pm

Vitaminat

Per te patur nje lekure sa me te shendetshme dhe te bukur,,,frutet dhe perimet jane te pasura me vitamina te cilat ndihmojne per nje lekure te shendetshme dhe te fresket.Nese doni ti evitoni produktet kozmetologjike te perbera me shume kemikate ,ngrenia e fruteve dhe perimeve eshte shume e dobishme per lekuren tuaj. Disa lloj vitaminash qe e ushqejne lekuren tuaj,jane vitamina A,B3 dhe B5.

Ja disa prej produkteve qe permbajne keto lloj vitaminash:

Vitamina A:

Gjendet tek gjalpi, e kuqja e vezes, dhe qumeshti i paster (pa modifikim yndyre). Vetem 15 g gjalp, nje veze dhe nje cope djathe, sjellin 1/2 e mases se rekomanduar ditore.
Sipas eskperteve Vitamia A ndihmon ne pastimin e akneve. Sipas disa studimeve qe jane bere ne te rinj meshkuj apo femra u pa qe nje kure me vitamine A kuroi shenjat e akneve dhe parandaloi krijimin e akneve te reja. Por, qe te behet nje regjim i plote per problemin e aknese, nuk mjaftojne vetem frutat apo perimet qe e permbajne ate, por duhet konsultuar nje specialist/mjek per trajtimin e nevojshem.

Vitamina B3 ose PP:

Gjendet ne melcine e kafsheve, mishi, dhe peshku, perimet dhe cerealet komplete. Vetem 100 g mish psh, sjellin 1/2 e mases se rekomanduar ditore.

Vitamina B5:

Gjendet ne produktet shtazore (si dhe vitamia B3) tek mishi, melcite e kafsheve, por dhe tek veza, buka komplete dhe frutat e thata. Gjithashtu majaja e birres eshte shume e pasur me vitamina B3 dhe B5 te cilat jane shume te mira dhe per shendetin e flokeve.
Besoj se te gjithe keni degjuar mbi maskat apo shampot e flokeve me maja birre apo jo?
E pra tani u bene 2 arsye me shume per ti perdorur sa me shume keto vitamina ne dieten tuaj ditore.

nga Vizitor Fri Apr 24, 2009 2:07 pm

Të gjitha maskat për të eliminuar problemet e fytyrës

Si te pergatisni maska bimore per fytyren ne kushte shtepiake?

Stina e dimrit sjell jo pak probleme për fytyrën e vajzave dhe të grave. Për t’i evituar këto acarime të lëkurës ju mund të përgatisni vetë, në kushtet e shtëpisë, disa maska bimore. Vajza “natyrale” e ushqen fytyrën me kos, trajton flokët me limon, përgatit maskën me miell bajamesh. Natyrale 100 për qind janë frutat, mineralet dhe bimet e shtypura ose të përhapura direkt në fytyrë. E gjitha kjo bëhet në kuzhinë, me një shtrydhëse frutash. Me një mollë, për shembull, mund të përgatitet një ujë antioksidues shumë lehte. Me një kos dhe një lugë kafeje mjaltë mund të përfitohet një qumësht riekuilibrues për fytyrën. Kozmetiket natyrale janë një mënyrë e mirë për të trajtuar fytyrën, por mund të jenë dhe një mënyrë argëtimi. Deri tani kjo mënyrë është përdorur nga personat që janë fanatikë të natyrës dhe nga ata që kanë alergji nga detergjentet kimikë. Por mund të bëhet një hobi. Ndryshe nga një dhuratë e zakonshme, një mikeje mund t’i dhurosh një tonik trendafili, ose diçka tjetër të bërë me duart tuaja. Mund të freskoni trupin, si një damë e vërtetë e shekullit XX duke përdorur një përzierje të uthullës së mollës, lavander dhe rozmarinë. Më të pasionuarit mund të provojne masken “goditje drite”, e bardhë veze e rrahur, limon dhe kos. Prodhimi i këtyre produkteve kërkon një higjienë maksimale, duar shume të pastra, kavanoz xhami, dorashka. Ato mund të ruhen për një muaj, jo më shumë. Preferohet të ruhen në frigorifer, në enë të pastra dhe të mbyllura mirë. Ndryshe nga produktet e shitura në parfumeri, që përmbajnë një sasi të madhe përbërjesh dhe lëndësh, këto janë të bëra në shtëpi, 100% bimore dhe aktive. Duhet të keni kujdes sidomos me esencat e vajit që përdorni, ndërsa kualiteti i lëndëve të para (perime, bimë, fruta, kos, vezë) është thelbësor dhe duhet të jetë shumë i mirë. Mungesa e parfumit, ngjyruesve, i bëjne këto kremëra më të mira, por dhe më të vështira për t’u thithur. Shampot e prodhuara në këtë mënyrë, për shembull, janë lëngje, por nuk bëjne asnjëherë shkumë.

Për të zhdukur rrudhat
Përzieni një të verdhë veze, 1 lugë kos dhe 1 lugë mjaltë derisa të përfitoni një krem të butë. Shpërndajeni maskën nëpër fytyrë dhe në qafë dhe lereni të veproje për 15 min. Një maskë tjetër për rrudhat është të zieni 2 karota, i shtypni derisa të bëhet një pure e dendur dhe shpërndajeni të ngrohtë në lëkurë. Pas 15 minutash shpërlajeni fytyrën me ujë të vakët.

Maskë me portokall dhe mjaltë
Është ideale për të krijuar një efekt energjidhënës në lëkurë. Kjo maskë përgatitet shumë shpejt. Në të vërtetë mjafton ta lyeni fytyrën me 3 lugë mjaltë, duke evituar zonat rreth syve, dhe pastaj të shpërndani mbi të lëkurën e portokallit (kjo e grirë). Lereni rreth 10 minuta. Mjalti ndihmon për të stabilizuar hidratimin e qelizave dhe portokalli e ushqen atë me vitaminën C.

Maskë me banane
Përzijeni një banane të pjekur mirë e të shtypur, një lugë kafeje me kos natyral dhe një lugë kafeje lëng limoni. Pasi përgatesa të marrë formën e një kremi, e vendosni mbi fytyrë. Kjo maske mbahet për 20 minuta në fytyrë. Me pas fytyra shpërlahet me ujë të vakët.

Qumësht pastrues për lëkura të yndyrshme
Shtrydhni një grejpfrut (nerenxë) dhe përzijeni lëngun e tij me një gotë qumësht të ftohtë. Përgatesën ruajeni ne frigorifer dhe përdoreni për të pastruar fytyren para gjumit. Lagni me këtë maskë një copë pambuk të pastër dhe lyeni me të gjithë fytyrën. Pas maskës fytyrën shpërlajeni me ujë të vakët dhe fshijeni me pecetë të pastër.

Ujë trëndafili për sy të enjtur
Zijeni një litër ujë dhe pasi ta hiqni nga zjarri hidhni në të 20 petale trendafili. Lërini rreth 30 minuta, më pas kullojeni. Lëreni ujin e trendafilit të ftohet pak dhe bëni me te kompresa në sy.

Maskë me patate për rrathët e zinj të syve
Pastroni një patate dhe priteni në feta shumë të holla. Shtrojini fetat në sy dhe lerini rreth 10 minuta. Më pas hiqeni dhe shpërlani fytyrën.

Krem pastrues për fytyrën
Merrni 1/4 e kastravecit (me lëkure të prerë hollë), 1/8 e patates (me lëkurë te prerë hollë), 1 lugë sodë buke, 1 kokërr vezë, 1/4 filxhan kos. Hidhni në makineri grirëse pataten dhe kastravecin. Shtoni sodën dhe vezën dhe vazhdoni përzierjen. Më pas hidhni kosin. Nëse keni lëkurë të yndyrshme, shtoni 2 lugë kafeje lëng limoni. Kremi ruhet në frigorifer për 2 ditë. Vendoseni në një copë pambuku, ose në pecetë të pastër dhe pastroni me të fytyrën. Më pas hiqeni dhe shpërlani fytyrën.

Për të pasur një lëkurë të mëndafshtë
Merrni 250 ml lëng të fresket kastraveci, 50 ml mjaltë, 125 ml kos, 6 pika vaj livande, 4 pika vaj karafili. Këto i përzini mirë bashkë dhe maskën vendoseni në fytyrë përpara se të laheni.

Maskë për të hequr qimet e fytyrës
Për të përgatitur këtë maskë nevojiten: një pako me xhelatinë, 125 ml lëng frutash ose lëngje barërash. I ngrohni së bashku derisa të tretet xhelatina. Përgatesa lihet të ftohet në temperaturë normale derisa të mund ta duroni mbi lëkurë. Aplikojeni më pas në fytyrë dhe lëreni të thahet krejt. Pas tharjes maska tërhiqet nga fytyra jo me shume forcë.

Maskë për lëkurën normale
Merrni dy lugë me argjilë, një lugë kafeje me mjaltë, 2 pika vaj karafili. Përdorni aloe vera ose ujë për të formuar pastën. Pasi t’i përzieni së bashku dhe të formoni kremin, maskën vendoseni në fytyrë dhe pas 15 minutash lajeni atë.

Maskë për lëkurën e thatë
Për lëkurën e thatë përgatitet kjo maskë. Merrni 1 lugë me argjilë, 1 lugë me miell thekre, 1 lugë të vogël me mjaltë, 1 lugë kafeje me vaj bajamesh, 1 pikë vaj trendafili, 1 pike vaj livande. I përzieni të gjitha së bashku dhe masazhoni fytyren për rreth 20 minuta me këtë maskë.

Maskë me kungull
Kungulli i verdhë është shumë i pasur me vitaminë A dhe ndihmon për të rigjeneruar lëkurën dhe për ta bërë atë sa më të shëndetshme. Kjo maskë përgatitet në këtë mënyrë.
Zieni një fetë me kungull të prerë në copa për 15 minuta në ujë. Pasi e keni zier shtypeni. I shtoni masës një lugë të vogël me panë të freskët, të lëngët dhe e përzieni mirë. Lëreni masën të ftohet dhe kur ajo të marrë temperaturën e ambientit, përhapeni në fytyrë dhe në qafën e larë dhe lëreni te pushojë në atë vend për rreth 10 minuta. Duhet të evitoni sytë dhe buzët. Më pas, shpërlajeni me ujë të vakët dhe lyeni fytyrën me kremin hidratues që ju përdorni.

Për një fytyrë sa më të pastër dhe me shkëlqim
Merrni 1 lugë kafe lëng limoni, 1 lugë gjelle sheqer. I përzieni të dyja dhe e aplikoni në fytyrë për 1 minutë. Më pas fytyra pastrohet vetëm me ujë të vakët. Një maskë tjetër që përdoret në shumë sallone bukurie është kjo:
Merrni 4-5 kokrra luleshtrydhe, 1/3 gotë mjaltë, 1/2 çokollatë, 1/2 gotë shampanje. Në fillim në mikrovalë shkrini çokollatën, ndërkohë që në një grirëse fusni luleshtrydhet dhe mjaltin, duke i bërë si pure. E përzieni mirë në një tas me çokollatën dhe me një furçë të vogël aplikojeni në të tërë trupin. Në një shishe të vogël sprucoje fusni shampanjën, dhe lagni të gjithë trupin me të. Mbulohuni me letër alumini dhe qëndroni ashtu për 15 min. Më pas shpërlahuni me ujë të vakët.

Maskat për flokët
Tonifikues për flokë të dobët
Në një tas të vogël rrihni 1 kokërr vezë dhe 1/2 filxhan çaji me kos. Masazhoni me këtë masë flokët tuaj. Lëreni tonifikuesin në flokë rreth 10 minuta. Më pas shpërlajeni.

Zbutës për flokët e thatë
Në një enë përzieni 2 kokrra vezë të rrahura me 1 lugë vaj ulliri, 1 lugë glicerinë dhe pak uthull. Kalojeni këtë maskë në flokë dhe lëreni rreth 15 minuta. Në vazhdim lajeni flokun.

Për flokë sa më të butë dhe me shkëlqim
Merrni 1/4 gotë kafe të ftohtë, 1 lugë kafe sheqer, 1/2 gotë qumësht. I përzieni të gjitha dhe vendoseni në flokun tuaj. Me qëllim që të krijohet ngrohtësi i mbështillni flokët e njomë me letër alumini dhe me një peshqir sipër. Maskën e mbani në flokë për 10 minuta dhe pastaj shpërlajeni flokun me ujë të vakët.

nga Vizitor Wed May 06, 2009 10:18 pm

Maska nga kuzhina për fytyrë (2)

Aknet do të zhduken menjëherë nga fytyra, nëse i lyeni disa herë brenda ditës me një pambuk të lagur në lëngun e limonit. Të njëjtën gjë përsëriteni disa herë brenda ditës, derisa aknia të tërhiqet.

Maska nga avokado për lëkurë të thatë

Përzieni dy lugë mjaltë me ca avokado të shtrydhur, një lugë uthulle të mollës, tri lugë vaj ulliri dhe tri lugë të ndonjë kremi i cili ka pH-faktorin neutral. Mbajeni këtë maskë në fytyrë 20 minuta dhe pastaj lajeni me ujë të vakët. Në këtë mënyrë lëkura fiton lagështi të posaçme, bëhet e njomë, ndërsa acidet esenciale të avokados ndihmojnë në përtëritjen e indit lëkuror.

Maskë për lëkurë të yndyrshme dhe format tjera të lëkurës

Një lugë tharmi të freskët me dy lugë nga gjethet mendër, të zbutura në ujë, dhe dy lugë të ndonjë kremi me pH-faktorin neutral, vendosini në fytyrë dhe i leni të qëndrojnë 15 minuta, pastaj fytyrën e lani me ujë të vakët. Në fund vendoseni kremin të cilën zakonisht e përdorni.

Maskë nga dredhëzat

Përzieni disa dredhëza dhe vendosini në fytyrë. Pas 10 minutash largojeni maskën. Fytyrën lajeni, në fillim me ujë të nxehtë, pastaj me ujë të ftohtë dhe lyejeni me vaj nga bajamja ose me vaj ulliri. Kjo maskë rekomandohet vetëm për ata të cilët nuk janë alergjik në dredhëza.

Maskë përkëdhelëse

Përzieni dy lugë nga lëvozhga e grimcuar e limonit, dy lugë mielli të misrit, gjashtë lugë bajame të grimcuara dhe dy deri tri lugë ujë. Maskën vendoseni në fytyrë dhe bëni masazh të butë me lëvizje rrethore për disa minuta. Lajeni fytyrën me ujë të vakët dhe fshijeni me peshqir të butë dhe në fund vendosni krem hidratues.

nga Vizitor Wed May 06, 2009 10:19 pm

Maska nga kuzhina për fytyrë (1)

Për ta mbrojtur lëkurën tuaj nga efektet anësore të preparateve të ndryshme artificiale të cilat i ofrojnë prodhuesit, ja disa këshilla natyrale për kujdesin ndaj fytyrës suaj.
Maskë për ngritje të natyrshme
Rrihni mirë të bardhën e vesë, vendoseni në fytyrë dhe le të qëndrojë 15 minuta. Pastaj lajeni fytyrën me ujë pak të ngrohtë, dhe lyeni lëkurën me krem hidratues. Efektet e këtij trajtimi vërehen menjëherë dy orë pas larjes së fytyrës, mirëpo nëse këtë e përsëritni disa javë, rezultatet do të jenë të përhershme.

Maskë për lëkurë të thatë
Rrihni mirë një ve të plotë, dhe vendoseni në fytyrë. Kur të thahet e leni dhjetë minuta të shfaq efektin e vet në lëkurën e fytyrës suaj. Pastaj lani fytyrën me ujë të ftohtë dhe e lyeni me vaj bajameje ose me vaj ulliri.

Tretësirë uthulle kundër akneve
Në një litër ujë të vluar, të ftohur, shtoni një lugë uthulle të mollës. Me një pambuk vendoseni tretësirën në fytyrë çdo natë para se të flini dhe skuqja do të pakësohet nga dita e dytë, po ashtu to të zvogëlohet edhe numri i akneve. Ndërsa nëse kjo nuk ka sukses atëherë duhet ta vizitoni dermatologun.

Majdanozi i largon mitiserat
Majdanozin e imtësuar mirë vendoseni në vendin ku keni mitisere. Pastaj me ujë të nxehtë lajeni fytyrën, me qëllim që lëngu i majdanozit të depërtojë thellë në lëkurë. Pastaj shumë lehtë do të mund ta largoni mitiserin me ndihmën e një pambuku.

Maskë nga mjalti
Disa lugë mjalti i ngrohni dhe i përzieni me një lugë lëngu të limonit. Pasi t’i keni përzier disa minuta, i leni që të ftohen. Vendosni në fytyrë dhe i leni të qëndrojnë 10-15 minuta. Pas kësaj kohe, fytyrën lajeni me ujë të ftohtë.