Seri A kampionati italian

Toti, mungesë edhe ndaj Palermos


Pasi mungoi në ndeshjen e parë të kampionatit ndaj Napolit, Françesko Toti, sipas të gjitha gjasave, do të mungojë edhe në transfertën në Palermo në ndeshjen e dytë. Një gjë të tillë e ka lënë të nënkuptohet mjeku i Romës, Mario Broci: “Ai ka ende dhimbje dhe ka shumë mundësi të kthehet në fushë të martën, më datën 16, në sfidën e Ligës së Kampioneve ndaj Klujit”. Kapiteni i verdhekuqve u dëmtua në kavilje në Superkupë ndaj Interit.

Roberto Mançini: Nuk ndihem i papunë


Roberto Mançini ka folur sërish pas divorcit me Interin. “Më intereson ende futbolli, por nuk ndihem i papunë, duke qenë se tani jam në rolin e babait, - tha ish-trajneri zikaltër. - Tani do të kthehem në Milano, sepse rifillon shkolla dhe djemtë e mi duhet të merren me mësimet. I përshëndes gjithë tifozët e ish-skuadrave të mia: Inter, Lacio, Bolonja, Sampdoria dhe Fiorentina.”

Patrik Vieira: Do ta mposht tersin!



Pas dëmtimeve të shumta muskulore, mesfushori i Interit është gati të kthehet e të luajë

“Kam bërë një hap përpara, përsa i takon arritjes së formës më të mirë. Nuk jam ende në gjendje ta them se kur mund të kthehem në skuadër, por shpresoj që kjo të ndodhë sa më parë. Ndërkohë, jam ambientuar disi me lojën, sepse kisha nevojë. Objektivi im i ardhshëm është ta mposht tersin, për të dhënë një kontribut të rëndësishëm për sukseset e Interit.” Kështu u shpreh Patrik Vieiraja të shtunën në mbrëmje, pas testit ndaj Lokarnos. Mesfushori francez po i jep fund kalvarit të tij të dëmtimeve muskulore. Por ai mund të kthehet në fushë edhe më shpejt nga ç’e imagjinon. Pse jo, që në ndeshjen e së shtunës ndaj Katanias, sepse Mourinjos mund t’i mungojnë dy titullarë. Argjentina e Kambiasos dhe Zanetit do të luajnë nesër në mbrëmje në Peru dhe ka mundësi që dy lojtarët të luajnë 90 minuta. Ata më pas do të nisen të enjten në mbrëmje për në Milano, ku do të mbërrijnë të premten pasdite. Kështu që do të kenë më pak se 24 orë kohë për t’u çlodhur. Sakaq, Vieira është shprehur për shtypin parizien se ka shumë dëshirë të jetë sërish protagonist edhe në kombëtare, pas një Europiani të kaluar si spektator, për shkak të problemeve fizike. Domeneku, duke qenë se nuk po shkëlqen aspak, e pret krahëhapur. Që t’i rikthehesh të kaluarës së lavdishme është e domosdoshme pikërisht vendosmëria. Vieiraja tashmë i ka muskujt prej mëndafshi, të raskapitur nga kilometra e kilometra të tëra, nga trauma të forta dhe nga ai fizik, që e ka bërë të madh, por që tani është në fazë rënieje. Megjithatë, ai mbetet një mesfushor i kompletuar, që e njeh artin e qarkullimit të topit dhe që e di se kur duhet ngritur ritmi dhe se kur duhet ulur. Madje, shndërrohet në një sulmues të shtuar, kur ka harkime nga këndet apo nga goditjet e dënimit, si dhe di të mbrojë me efikasitet. Me pak fjalë, kur është mirë është i domosdoshëm.

kete sivjet e fiton milani

po lale, pa merak fare

[b]Reja: Mutu dëshiron të fitojë? Edhe unë![/b



Napoli

Reja nuk i druhet betejës. Ndërkohë që Mutu bën të ditur se Fiorentina e tij dëshiron të dalë me kokën lart nga San Paolo, ku kurbat do të jenë të mbyllura për tifozët, dy javë pasi mori pikë në fushën e Romës, trajneri i kampanëve me siguri nuk ka ndër mend të qëndrojë duarkryq. “Edhe ne duam të fitojmë, - u përgjigj Reja, - dhe i kemi cilësitë për t’u përballur me çdo kundërshtar. Fiorentinën e mundëm edhe vjet, por bëhet fjalë për një skuadër me vlera të rëndësishme, sidomos nga mesfusha e lartë, ndaj duhet të japim më të mirën dhe të mos gabojmë asgjë, sepse ata kanë lojtarë të cilët të ndëshkojnë menjëherë.”

Prandeli: Ta nisim mirë ciklin e ndeshjeve



Fiorentina

Fiorentina është gati të hedhë hapin e madh përpara. Pas barazimit në ndeshjen e debutimit ndaj Juves, vjollcët e Prendelit janë gati për ndeshjen e dytë. Një sfidë e vështirë ajo e San Paolos ndaj Napolit, por trajneri Prandeli duket se është i karikuar deri në pikën e duhur: “Ndeshja do të jetë e vështirë, por duam ta nisim këtë cikël të rëndësishëm që na pret sa më mirë, - deklaroi trajneri i Fiorentinës përpara se të fliste diçka për kundërshtarët. - Laveci është tepër i zoti në duelet një për një. Për ta ndalur duhet të veprojmë si repart dhe jo me lojtarë të veçantë.”

Berluskoni: Milani? Po merrem me Italinë!


Pronari “i driblon” pyetjes

Marrëdhëniet mes Ançelotit dhe Berluskonit duket se nuk janë të mira, ndonëse klubi kuqezi ka aprovuar edhe projektin e drejtimit për sezonin që vjen. Trajneri madje pranoi që kishte folur në telefon me Berluskonin, i cili i kishte thënë të rrijë i qetë. Por, para dy ditësh, “Kavalieri”, në një emision televiziv “i dribloi” pyetjes mbi të ardhmen e Ançelotit. “Kryeministri po kujdeset vetëm për Italinë dhe, ndër të tjera, nuk jam më presidenti i skuadrës.” Fraza që duken të çuditshme. Në mbledhjen e para dy ditëve, mes trajnerit dhe Galianit, asnjë nuk i vuri në dyshim çështjet teknike dhe klubi i dha besim teknikut të vazhdojë punën i qetë. Pra, nëse do të bëjë zgjedhje delikate dhe, nëse do të bëjë shumë, Ançeloti do t’i ketë drejtuesit nga krahu i tij. Është vetë Galiani që e bën të ditur, duke treguar se kërkon ta vazhdojë marrëdhënien me Ançelotin, me përjashtim të ndonjë “rrëshqitjeje” tjetër.

Milani, punë atletike me “Topat e Artë”


Rotacioni kuqezi është gati ndaj Zyrihut në Kupën UEFA. Ançeloti synon t’u lërë hapësirë të rinjve

Programe speciale për të gjithë, si një “sallon bukurie”. Dje, Ronaldinjo, Shevçenko dhe lojtarët e tjerë, të ardhur nga kombëtaret e tyre (Zambrotta, Kalaxe, Jankulovski, Flamini, Pirlo), janë pritur në Milan Lab për teste mjekësore, që do të duhen për të stabilizuar pikat e dobëta dhe lodhjet.
Dy “Topat e Artë” u zëvendësuan në pushim të ndeshjes Xhenoa-Milan dhe nuk do të luajnë në ndeshjen e parë të Kupës UEFA të enjten kundër Zyrihut. Për ata dhe të tjerët, që janë të lodhur nga java ndërkombëtare, është gati një projekt me stërvitje të dyfishta, që do të nevojiten të kthehen në formë.
STOP - Punë, punë dhe vetëm punë! Është receta e vendosur për të kaluar vështirësitë dhe për të bërë të pamundurën. Ukrainasi, aspak i mërzitur nga fakti se do të qëndrojë pushim në ndeshjen e parë europiane, u duk dje në Milanelo shumë i qetë. Qëkur është rikthyer te Milani, ka nisur të kërkojë këshilla nga përgatitësit dhe fizioterapistët, për t’u kthyer sa më shpejt të jetë e mundur në formë, por sforcimi individual nuk mjafton. Pas dy humbjeve në kampionat, ka plane për të gjithë, sepse Andrei nuk është i vetmi që duhet riaftësuar.
ROTACION - Zambrota, Kalaxe, Flamini e Ronaldinjo: për motive të ndryshme, këta lojtarë janë larg formës së tyre më të mirë dhe me ta do të punohet në mënyrë të veçantë. Dy sulmuesit mund të qëndrojnë pushim edhe ndonjë javë tjetër, që do të thotë, si në Kupën UEFA ashtu edhe për javën e tretë të kampionatit kundër Lacios. Zgjedhjet në këtë rast nuk mungojnë, ndërsa do të jetë e vështirë të lihet ndonjë ditë më shumë pushim Flamini.
DYSHE E BUKUR - Rotacioni do të nisë nga Borrielo e Pato. Edhe djaloshi brazilian në UEFA do të ketë mundësi të niset si titullar. Dyshja e re Borrielo-Pato duket e përshtatshme, me Kakanë pas sulmuesve, por Ançeloti duhet të zgjidhë një tjetër problem: të ecë përpara me skemën 4-3-2-1, ose të kthehet tek ajo me dy sulmues e me një fantazist.
IDENTITET - Pasi të vendoset moduli, do të kujdeset për përshtatjen e lojtarëve. Por vendosja e modulit është nyja për t’u zgjidhur. Pasi të kryhet, mund të shtohet puna taktike, sepse Milani duhet të zgjedhë një identitet edhe të fortë, që ta rigjejë disi sigurinë.

Tjetër telash, edhe Pirlo dëmtohet


Tërheqje muskulore

Nuk ka paqe në shtëpinë kuqezi! Ditën e testeve fizike për lojtarët e rikthyer nga përkushtimet me kombëtaret, e vendosur në mbledhjen e së hënës pasdite në klubin kuqezi, një tjetër telash kë rënë në kokën e Karlo Ançelotit. Gjatë stërvitjes së mëngjesit, Andrea Pirlo ka pësuar një tërheqje muskulore në muskujt e kofshës së djathtë. Analizat për kohën e qëndrimit pushim dhe të riaftësimit do të bëhen të premten.

Femra dhe muzikë, Brazili akuzon Dinjon



Agjencia vendëse e shtypit, “Agencia Estado”, zbulon një festë të nxehtë të “Selesaos”, pas barazimit me Bolivinë

Do të thonë se tani nuk duhet të mendohet që të dielën Ronaldinjo luajti dobët ndaj Xhenoas, sepse nuk kishte më fuqi. Por, pavarësisht nga konsideratat e gojëve të liga, shtypi sportiv brazilian nuk ka mundur të rezistojë së akuzuari interpretimin “e turpshëm” të kombëtares “Selesao” në ndeshjen kundër Bolivisë, e luajtur në Rio-de-Zhanejro dhe e përfunduar 0-0. Një rezultat që e zgjat edhe më shumë kualifikimin në “Botërorin 2010″.
Para së gjithash, pas “natës së bardhë”, e kaluar nga Gauço me disa shokë të tij të skuadrës. Po, një natë “e çmendur” deri në drekën e ditës tjetër. Ajo që e zbulon është agjencia e shtypit brazilian “Agencia Estado”, sipas së cilës, “futbollistët qenkan grumbulluar në një vilë, ky hyrja ishte e vështirë, në Zhakarepagua”, në një zonë pranë autodromit, që mban emrin e tri herë kampionit të Botës, Nelson Pike.
FEMRA E MUZIKË - Në hyrje nuk kalohej kollaj, sepse rojet e sigurimit ishin shumë rigorozë, për të ndaluar qarkullimin e çdo lajmi ose imazhi nga festa e “Selesaos”. Rregulla të ashpra për të gjithë, si ndalimi i mbajtjes së çantave ose celularëve. Sipas zërave, Ronaldinjo paska shpërthyer duke kërcyer “pagoden”, një ritëm muzikor shumë popullor në Brazil dhe është shënjestruar nga shumë vajza të bukura të pranishme në festë. Milanisti qenka larguar nga vila vetëm një orë para drekës së ditës tjetër. Me të paskan qenë edhe shumë lojtarë të tjerë, por Dinjo është i vetmi që citohet në mënyrë specifike.
TIFOZË TË ZHGËNJYER - “Shpenzova 250 real (90 euro), për të shkuar në stadium me familjen dhe për të parë atë ndeshje të shpifur, dhe ata, pas një paraqitjeje të tillë, bëjnë festë. Ky është turp!”, i tha “Agencia Estados” pronarit të një restoranti pranë vilës “rozë”, dëshmitar i pranisë në zonë të Ronaldinjos me shokë. Denoncimi të kujton atë të një viti më parë, gjithnjë në Rio-de-Zhanejro kur, pas fitores së Brazilit 5-0 kundër Ekuadorit, Ronaldinjo, Robinjo, Vagner Love e të tjerë lojtarë, u panë duke festuar në një lokal nate. Edhe atëherë deri në orët e para të mëngjesit, kur, sipas disa zërave pranë futbollistit, “qenkan përdorur një numër rekord profilaktikësh”.
DËSHTIMI NË GJENOVË - Është për t’u theksuar se Ronaldinjo, i cili qëndroi në vilën Zhakarepagua deri në orët e drekës së të të enjtes së shkuar, të dielën u aktivizua në fushë nga Ançeloti në ndeshjen Xhenoa-Milan, duke e detyruar trajnerin Ançeloti të zëvendësojë, pas 45 minutave të para, pas një paraqitjeje vërtet zhgënjyese.

Mutu-Fiorentina, marrëveshje për t’u larguar


Prapaskena

Do të kishte qenë blof “martesa” e rinovuar mes Adrian Mutusë dhe Fiorentinës. Sipas shtypit italian, ekziston një marrëveshje mes lojtarit dhe padronit Dela Vale, shumë e ngjashme me atë që u bë para dy vitesh me Luka Tonin, i cili ndodhej shumë pranë Interit. Në fund të sezonit, Mutu duhet të jetë i lirë të largohet. Në atë kohë, “bomberi” axurr zgjodhi Bajernin, ndërsa aktualisht rumuni paska disa oferta: pikërisht, Bajerni, Roma dhe i zakonshmi Inter. Rëndësi ka gatishmëria dhe pretendimi i Mutusë, që kërkon 4 milionë euro në sezon.

Xhorxh Soros: Kurrë s’e kam dashur Romën!


Përgënjeshtrimi

Xhorxh Soros kthehet të flasë për Romën, por e bën ndoshta për herën e fundit. Mjaft i prerë, deklarata e financierit hungarez nga Brukseli është shumë e qartë: “Është kurioze. Kam pasur shumë reklamë për interesimin tim të mundshëm për klubin e futbollit të Romës, që është praktikisht pa asnjë borxh, më shumë sesa për përkushtimin tim 20-vjeçar të devotshëm për çështjen e romëve”.
Me gjithë deklaratat dhe përgënjeshtrimet e shpeshta, Roma, përmes pronares së tashme (pas vdekjes së të atit) Rozela Sensit, nuk ka pasur dhe nuk ka ndër mend ta shesë klubin.

Amauri: Nëse më thërret Lipi shkoj me vrap


Braziliani mund të zgjedhë “axurrët”; përgatitet për Championsin dhe ia kushton familjes golin e së dielës

“Mirë se vini në vendin tonë!” Kështu shkruhet në çdo pikë kufitare. Kjo histori mund të lidhet me atë të një sulmuesi, i cili është në kërkim të golave e të kohës së humbur dhe është i bindur se një shtetësi më tepër mund të ndryshojë shumë gjëra. E diela ishte një natë në të cilën dukej sikur topi nuk kishte ndër mend ta kalonte vijën e portës së Handanoviçit. Torino nuk është si Berlini, por takimi Juve-Udineze kështu ishte. Pa nisur ende mirë loja, Amauri ishte i gatshëm të rrëfente diçka: “Po, kam folur me Lipin. Ai më ka thënë gjëra të mira. Nëse sot do ta kisha pasaportën italiane dhe nesër Lipi do të më thërriste, sigurisht që do të shkoja me vrap. Por ja që në këtë moment mund të më thërrasë vetëm Brazili, dhe nëse e bën një gjë të tillë nuk mund t’i them jo. A duhet edhe një muaj që të përfundojnë burokracitë? Të shohim.”
DYSHJA E RE - Por jo në fushë, sepse aty nuk ka se çfarë pret. Amauri e nisi sërish takimin si titullar. Dhe ishte pikërisht ai lojtari që e vendosi ndeshjen, pasi sfida u zgjidh nga goli i tij. “Ishte një gol i rëndësishëm, sepse vlen tri pikë, por mbi të gjitha është i veçantë, sepse ia kushtova famijes time, gruas dhe fëmijëve të mi, si dhe të gjithë atyre që kanë punuar me mua gjatë këtyre viteve, sepse ata e dinë se çfarë kam hequr.” Por Amauri është i guximshëm dhe e di se pjesa më e bukur nuk ka ardhur ende. Nesër mbërrin Zeniti dhe do të duhet një tjetër gol, gjithnjë nëse do t’ia lejojë rotacioni. Është e vërtetë, ndaj Udinezes nuk ishte e lehtë. Më parë sulmuesi goditi traun dhe të gjithë ata që kishin shkuar për të parë Amaurin në stadium nisën të mendonin se ajo nuk ishte ndeshja e duhur për të. Por më pas ndërruan mendim, sepse golashënuesit e lindur, mund të godasin në çdo çast.
I PRISH PLANET RANIERIT - Gjithçka dukej e programuar në kampin e Juventusit: logjika e rotacionit parashikonte angazhimin e Amaurit dhe të Iakuintës në kampionat ndaj Udinezes dhe më pas atë të dyshes tepër të kolauduar, Trezege Del Piero, në debutimin e Ligës së Kampioneve, kur Juvja do të përballet në Torino me Zenitin. Por paraqitja e shkëlqyer e brazilianit, të dielën në mbrëmje ia ka prishur planet Ranierit: Amauri mund t’ia rrëmbejë vendin francezit edhe në Europë. Nuk do të jetë e lehtë të mësohet se cili do të jetë vendimi përfundimtar i Ranierit, aq më tepër që dje Juvja u stërvit me dyer të mbyllura në Vinovo, ndaj diçka më shumë mund ta marrim vesh sot. Ajo që është e sigurt është se edhe dyshja Trezege Del Piero jep garanci për sa i takon përvojës, sepse ata nuk i kanë kursyer asnjëherë golat edhe në skenën europiane. Vetëm se, nga ana tjetër, Amauri në këtë moment është sinonimi i freskisë dhe i fuqisë atletike, e cila do të jetë shumë e rëndësishme ndaj një skuadre, e cila ndaj “Zonjës” do të përdorë si armën më të fortë të saj, pikërisht fuqinë fizike. Zeniti i Shën Pjetërburgut, përveçse është një ekip shumë teknik, po i afrohet fundit të kampionatit në Rusi, ndaj është në kulmin e formës. Kështu, atyre i duhet bërë ballë kryesisht me muskuj, e jo vetëm me teknikë apo taktikë. Ndaj Ranieri ka vetëm 24 orë kohë për ta gëzuar dikë e për të zemëruar dikë tjetër. Dikë që është më i identifikueshëm me David Trezegenë se sa me Aleks Del Pieron, një zgjedhje po aq e rrezikshme sa edhe Zeniti.

Ranieri: Del Piero s’e ka për herë të parë stolin


Trajneri përgëzoi Amaurin dhe foli për lojën e re të Interit: Po luan si Çelsi i Mourinjos

Është një kënaqësi për çdo trajner: “Të kesh katër sulmues tepër të fortë, të cilët mund t’i alternosh me njëri-tjetrin. Problemi do të jetë kur një prej sulmuesve tanë të mungojë. Të tjerat nuk kanë rëndësi.” Në pritje të rusëve, Klaudio Ranieri përdor rrotacionin për të karikuar djemtë e tij. Të dielën luajtën Amauri dhe Iakuinta, ndërsa të tjerët qëndruan në stol. Trajnerit nuk kishin si të mos i bëheshin disa pyetje për vendimet që mori për sulmin, sepse sa herë qëndron Del Piero në stol është e njëjta histori, por tekniku nuk u bë pre e provokimit dhe me një buzëqeshje tha: “Ishte mësuar të qëndronte në stol që përpara se të vija unë, apo jo? Unë e kam gjithnjë në konsideratë dhe ai e di. Nuk kam ndryshuar asnjëherë mendim për të, pasi e di se është një kampion i madh. Unë aktivizoj gjithnjë ata që janë më mirë, kjo është logjike dhe e natyrshme. Përndryshe do të luanim ende me Bonipertin.”
Më pas u diskutua për fitoren ndaj Udinezes dhe Ranieri tha: “Ishte një fitore e vuajtur, skuadra më pëlqeu shumë, krijuam raste dhe ndërtuam lojë.” Amauri luajti titullar si në Firence, por kësaj here shënoi, dhe përkrah kishte Iakuintën. “Dyshja funksionoi, ne e morëm Amaurin, pikërisht sepse e dinim se mund të luajë me të tre sulmuesit tanë.” Më pas trajneri e mbylli fjalën për penalltinë që kërkoi Udinezja: “Po, mbase ajo penallti mund të jepej, por nuk ishte e lehtë, sepse arbitrit ia pengonte pamjen Melbergu.” Me mirësjelljen e tij karakteristike Ranieri tha diçka edhe për Interin: “Mendoj se e kanë ndryshuar sistemin e lojës në krahasim me vjet. Tani luajnë vetëm me një pykë, si Çelsi. Kur ta kenë kolauduar mirë këtë skemë, të gjithë do ta kenë të vështirë ndaj tyre.”

Marino: Juvja e meritoi fitoren


Trajneri i Udinezes

Tre sulmues por asnjë gol, ndryshe nga ç’ndodhi dy javë më parë ndaj Palermos. Udinezja hasi vështirësi, por në fund mund të kishte shënuar me Floro Floresin, i cili u vërshua drejt portës dhe u gjend përballë Bufonit, por Kielini arriti ta ndalë disi dhe për këtë ndërhyrje lojtarët e Udinezes kërkuan penalltinë. Paskuale Marino ka qenë dakord me futbollistët e tij: “Penalltia ishte e pastër, nëse do të kishte ndodhur në portën tjetër do ta kishin dhënë, por do të kishte qenë një “grabitje”, sepse Juvja e meritoi fitoren. Luajtëm me frikë dhe na mungoi nisma, shkaktuam shumë gabime gjatë pasimeve dhe kjo e ndihmoi Juven. Fizikisht Juvja është më e përgatitur se ne, e kishim të nevojshme një shuplakë për t’u shkundur, arritëm të zhbllokoheshim vetëm pas pësimit të golit.” Pavarësisht nga tre sulmuesit, Udinezja nuk arriti të ndërtojë shumë aksione të rrezikshme. Di Natale ishte më i lëvizuri nga tre sulmuesit: të vetmet rreziqe mbrojtjes së Juves i mbërritën nga harkimet e tij. Di Natale nuk përsëriti formën e shfaqur me Italinë dhe u duk disi i lodhur, aq sa trajneri i tij në minutën e 60-të e zëvendësoi.

Bindja e Kobolit: Jemi për titull


Presidenti

Ai kishte besim që përpara fillimit të kampionatit, por nisja pozitive e Juves ia ka përforcuar bindjet. Sipas presidentit të bardhezinjve, Xhiovani Koboli Xhilji, ekipi i tij mund ta fitojë titullin: “Unë besoj se sivjet Juventusi mund ta synojë titullin dhe këtë e dëshmoi ndeshja autoritare ndaj Udinezes. Nëse ky kampionat do të jetë më i ekuilibruar, Juventusi mund të përfitojë, - vijoi kreu i “Zonjë së Vjetër”. - Objektivi ynë është të ecim sa më para të jetë e mundur, më pas deri kur të vijë ndeshja ndaj Romës ka ende shumë kohë.”

Amauri



Amauri është më i lumtur se kurrë, pasi aventura e tij me fanellën e Juventusit është padyshim, ashtu siç e konfirmon edhe ai vetë, momenti më i artë i karrierës së tij. Menjëherë është shndërruar në një shtyllë të rëndësishme të skuadrës bardhezi, dhe golat e tij në Serinë A kanë rezultuar gjithmonë vendimtar. "Tek Juventusi jam ambientuar në mënyrë perfekte dhe po vazhdoj të shfaq të njëjtën vazhdueshmëri golash që realizoja edhe me Palermon. Gjatë këtyre gjashtë muajve të parë në Torino kam mësuar shumë gjëra, por njëkohësisht tani po mbledh frytet e një pune shumëvjeçare të kryer nga unë. Juventusi është një klub që kuron në detaje çdo gjë dhe të lejon të punosh në mënyrë të shkëlqyer".

Milan
Trajnerit të Milanit, Karlo Ançeloti, i është rikthyer buzëqeshja, pas fitores bindëse ndaj Udinezes. "Besoj se periudha e zezë për ne ka marrë fund. Dëmtimet e shumta na futën në krizë të thellë, ndërsa tani gjithçka ndryshon, pasi vitin që vjen do të kemi rikuperuar disa lojtarë më shumë. Viti 2008 na u komplikua për shkak të mungesave të shumta si në mbrojtje, ashtu edhe në mesfushë. Të vetmen gjë që dua nga viti i ardhshëm është që të kem sa më shumë lojtarë në dispozicion. Devid Bekham? Ishte mjaft i emocionuar dhe ne jemi të kënaqur që do e kemi në skuadër. Duke pasur parasysh mungesën e gjatë të Gatuzos, mund të na japë një dorë më shumë".

Adriano
Sipas presidentit të klubit brazilian, Março Braga, është pothuajse e pamundur që Adriano të transferohet tek Flamengo. "Nuk jam aspak optimist për këtë gjë, nuk besoj se do të realizohet, - ka shpjeguar ai. - E di që Gilmar Rinaldi (menaxheri i sulmuesit të Interit) ka biseduar me Kleber, zëvendëspresidentin e klubit dhe i ka thënë se mund të shkojë në Itali vetëm në janar. Është një situatë mjaft e komplikuar dhe ndërkohë koha po kalon". Mesa duket transferimi i sulmuesit brazilian të Interit është një operacion tejet i ndërlikuar dhe i vështirë, por jo i pamundur. E megjithatë bisedimet për të finalizuar këtë mundësi do të vazhdojnë ende.

Për Adrianon vendoset në janar"

Këshilltari i merkatos së Interit, Lele Oriali, ka bërë përmbledhjen e situatës për tri "zhgënjimet" e fazës së parë në skuadrën zikaltër: Mansini, Kuarezma e Adriano. Përsa u takon dy të parëve, Oriali ka saktësuar: "E kishin nisur mirë dhe tani janë jashtë, vetëm sepse tekniku ka ndryshuar modul. Me siguri do të jenë të vlefshëm më vonë". Mbi Adrianon, situata është më e ndërlikuar: "E kemi dërguar në Brazil për kurim. Urojmë që të dalë nga kjo situatë, - shpjegoi Oriali. - Varet gjithçka vetëm nga ai. Brenda datës 15 janar do të vendosim çfarë të bëjmë. Mundet që zgjidhja më e mirë është ta lëmë për 6 muaj në Brazil që të zgjidhë problemet. A do të marrim tjetër sulmues? Mendoj se me Ibran, Kruzin, Krespon e Balotelin jemi të kompletuar".

Moxhi zbulon finalistet e Evropës

Ish-drejtuesi i Juves, Luçiano Moxhi, flet për ecurinë e skuadrave italiane në Kupat e Evropës, duke dhënë parashikimin e tij mbi finalet e Ligës së Kampioneve e Kupës UEFA: "Roma do të luajë ndaj Arsenalit, skuadër me lojtarët më të rinj në Angli dhe që ka një trajner si Arsen Venger. Talentet e Arsenalit kanë më pak eksperiencë mbi shpatulla dhe Roma mund ta kalojë turin, nëse rikuperon Totin, sepse Roma me kapitenin në fushë është skuadër tjetër. Edhe Juve do kualifikohet ndaj Çelsit, sepse bardhezinjtë janë në një formë të shkëlqyer. Do të ecë përpara edhe Interi, ndonëse do ta ketë të vështirë ndaj Mançesterit. Një sulmues si Ibrahimoviç nuk ka mbrojtje që mund ta mbulojë. Finalja e Ligës së Kampioneve do të vendosë përballë Interin dhe Barcelonën".

Berlusconi: Beckham, menjehere ne fushe

‘Une Beckham-in do ta vija menjehere ne fushe sepse me Pirlo, Seedorf, Kaka’, Ronaldino dhe Pato, nje gol e shenojme menjehere’. Keshtu eshte shprehur Silvio Berlusconi, kryeministri italian dhe pronari i Milanit.

Gattuso: Bera mire qe qendrova te Milani



‘Mora vendimin e duhur kur vendosa te qednroj te Milani’: Gattuso nuk ndjen brenge per moskalimin e tij te Bajerni i Mynihut gjate merkatos verore. “Ndihem i kenaqur dhe krenar qe vesh ende kete fanelle, - garantoi mesfushori per mikrofonet e Sky. - Duhet te falenderoj Galianin qe nuk lejoi largimin tim, ka qene hera e pare ne karrieren time qe dikush arriti te me ndale.”