Kolumbia mund ta ndaloj spotin e Shakirës dhe Rihanës! Kolumbia mund ta ndaloj spotin e Shakirës dhe Rihanës!

Spoti provokativ i dy super pop yjeve botërore Shakira dhe Rihana, i këngës “Can’t Remember To Forget You” ka tronditur planetin, ndërsa polikani kolumbian Marko Fidel Ramirez, publikisht ka kërkuar që të ndalohet transmetimi i tij për shkak të “skenave të pamoralshme”.

Spoti ka afër 100 milionë klikime në Youtube, ndërsa në të Rihana dhe Shakira përkëdhelen në shtrat, pinë cigare dhe simulojnë seks, pamje këto të cilat e kanë penguar politikanin me ç’rast ka deklaruar se spoti dëmton “integritetin moral të fëmijëve”.

“Mendoj se ky video spot përmban pamje të cilat, sipas mendimit tim, nuk shkojnë në dobi të rritjes emocionale dhe zhvillimit të të rinjve”, ka deklaruar ai.

Përveç që i ka shkruar personalisht një letër Shakirës, duke ia përmendur edhe rolin e saj si nënë, ai ka filluar edhe një kampanjë një rrjetet sociale në mënyrë që ky spot që “promovon lidhjet lesbike” të ndalohet së transmetuari në Kolumbi.

“Më duket se promovon amoralitet. Mendoj se porosia që u përcjell Shakira të rinjve dhe fëmijëve në gjithë botën është mesazhi që promovon një mënyrë të jetës dhe një mënyrë të orientimit, e cila sipas mendimit tim, nuk prezanton qëndrimin e shumicës në Kolumbi, ka shtuar ai.