Udhëtimet me anije,një preferencë e të rinjve të sotëm

Gjithnjë e më shumë të rinjtë e sotëm janë duke menduar t’i kalojnë pushimet e tyre, duke udhëtuar përgjatë bregdetit, tregon një sondazh i agjentëve të udhëtimit ABTA.

Anijet në ditët e sotme i përshtaten kërkesave të të rinjve.Ato janë të pajisura me argëtime të tilla :si ngjitje në murë, patinazh në akull, lojëra surf, dhe bowling.

Klubet e natës nuk quhen më “disko” si në netët e viteve 70 -të ku pjesëmarrja ka qënë shumë herë më e madhe.

Sot të rinjtë preferojnë më shumë të dëgjojnë melodi të ndryshme për të kaluar bukur netët e vona, ndryshe nga një sallë vallëzimi apo një DJ që luan të njëjtën rrymë muzikore.

Por a mund ta besoni se një në pesë persona nën moshën 25 vjeç mendon t’i kaloj pushimet në det se sa të kalojnë dy javë të dehur në Ibiza?

E pra, kjo shifër me sa duket përfshin një pjesë të mirë të të rinjve,dhe kushtet që ofrojne udhëtimet me anije kanë bërë që të rriten dukshëm kërkesat e tyre këto vitet e fundit.

Një agjent udhëtimi ka thënë në një artikull të revistës “Observer” se shumë të rinj nga mosha 24-30-vjeç janë të etur për të shkuar në pushime aventureske që përfshijnë si fillim :një udhëtim në Hawaii , një fluturim në Alaska, pesë-netë në shkretëtirë ,një lundrim në det dhe pastaj ta mbyllin udhëtimin në një tren që kalon poshtë bregut Paqësor.

Shumë anije turistike, veçanërisht ato të drejtuara nga kompania “Carnival”, janë më të të kërkuarat dhe preferuarat nga të rinjtë.
Anija Disney

Në përgjithësi, kompania e anijeve “Disney” tërheq më shumë prindërit me fëmijë të vegjël ndërsa,” Norwegian” dhe “Royal Caribbean” adoleshentët. Preferencat e anijeve “P&O” , janë të famshme për grupmoshat 50-60 vjeç.

Këtë vit në Southampton do të mbërrijnë dy anije – “Norwegian Getaway” dhe “Royal Caribbean” – të cilat kanë si qëllim të tërheqin sa më shumë të rinj duke ofruar argëtime të reja si lojëra me makina, fluturim me parashutë dhe shfaqje gjatë mbrëmjeve ku do të jenë të ftuar disa nga iluzionistët më të mëdhenj në botë. ATA