Gjinjtë që vlejnë milionat

Po afrohet revyja e shumëpritur e modës së veshjeve të brendshme të kompanisë së njohur “Victoria’s Secret”, ndërsa Candice Swanepoel këtë vit e ka nderin të vesh sutjenet “Royal”, të cilat kapin vlerën e rreth 10 milionë dollarëve. Por kjo nuk është hera e parë që prezantohen sutjene të tilla.

Të kujtojmë edhe të tjerat që ishin me fat gjatë të kaluarës. “Victoria's Secret” është padyshim ngjarja më prestigjioze e modës, ku disa nga gratë më të bukura në botë veshin të brendshme seksi me vlerë 10 milion dollarë.

Këtë vit, një nder i veçantë i takoi Candice Swanepoel-it, e cila mban sutjenet “Royal Fantasy”, të zbukuruara me diamante, rubinë dhe safirë të verdhë me vlerë mbi 10 milion dollarë.

Ato sutjene përmbajnë 4200 copë gurësh të çmuar, kurse dekorim i veçantë është rubini 52 karat në formë të dardhës si dhe nga ari 18 karatësh. Sytjenet e para “Fantasy” i kishte mbajtur Claudia Shiffer në vitin 1996, që kishin vlerën një milion dollarëve.

Që nga ajo kohë, njëra nga fatlumet që merr pjesë në këtë revy, bart sutjenet “Royal Fantasy” me gurë të çmuar dhe ne kujtojmë disa prej bukurosheve ku më shumë se një herë kanë veshur të brendshmet në vlerë të miliona dollarëve.

Sutjenet “Fantasy” janë dizajnuar si dhuratë ultimative për krishtlindje edhe pse asnjë nuk kishte qenë shitur përveç sutjeneve nga viti 2004 me diamantin në qendër.

Heidi Klum është Engjëllushja e vetme e cila tri herë ka veshur sutjenet “Fantasy” , së pari në vitin 1999 me vlerën e 10 milionë $, pastaj në vitin 2001 në vlerë prej 12.5 milionë $ dhe vitin 2003 në vlerë prej 11.000.000$. pastaj ishin bukuroshet Gisele Bundchen më 2000 dhe 2005, Tyra Banks 1997 dhe 2004, Karolina Kurkova më 2002 dhe 2006 dhe Adriana Lima më 2008 dhe 2010.