Arsyet pse duhet vizituar Shqipëria në vitin 2013!

Ekspertja e turizmit Leyla Giray, përshkruan arsyet se përse një turist duhet të zgjedh Shqipërinë si destinacion per të kaluar pushimet gjatë vitit 2013. Ajo rendit disa arsye për të vizituar Shqipërinë, ndërsa shton se vizitorët që do të shkojnë në këtë vend, mund të gjejnë edhe mё shumë arsye të tjera. Giray shprehet se veҫ bukurive turistike, Shqipëria është dhe vendi më ekonomik për pushime. Sipas saj, çmimet janë 30 deri ne 50 për qind më të ulёta se nё vendet e tjera të rajonit.

E izoluar për dekada nën diktaturën komuniste, Shqipëria u hap për pjesën tjetër të botës pas viteve 1990 dhe që nga ky vit i është bashkuar peizazhit turistik të vendeve të tjera të Europës. Në një vizitë që kam zhvilluar kohёt e fundit, banorët ankohen se vendi mund të ishte zhvilluar mё shpejt.

Por pavarësisht kësaj, Shqipëria ka shumë arsye për ta vizituar dhe për të qenë tërheqëse për turistet. Me poshtë mund të lexoni disa nga arsyet se përse duhet të vizitoni Shqipërinë në vitin 2013. Nëse ju vendosni të shkoni, padyshim që do të gjeni më shume se këto arsye.

Shqipëria po zhvillohet me ritme te shpejta. Me gjithë zhvillimin, vendi ka ende nevojë për tu përgatitur për një turizëm masiv pasi problem mbetet cështja e mbeturinave dhe kёrkohet njё vëmendje më e madhe pёr sa i pёrket rrugëve. Por pavarësisht këtyre, Shqipëria është një vend i kёndshёm për udhëtarët dhe kёrkon pak durim pёr ta vizituar.

Ja arsyet : Çmimet, koha, aventura, diversiteti, vendasit miqësorë, tradita, pasuria kulturore, bukuria natyrore.