Shpërthime në Boston, tre të vdekur e shumë të lënduar (Foto dhe video)

nga **Ylli** Tue Apr 16, 2013 8:21 am

Një seri shpërthimesh të fuqishme të ndodhura në përfundim të maratonës së Bostonit kanë shkaktuar dhjetëra të lënduar, ndërsa Fox Neews raporton për të paktën tre persona të vdekur.
Sipas mediave amerikane, shpërthimet kanë ndodhur në fund të maratonës. Dhjetëra persona kanë qenë dëshmitarë në vendngjarje.

Raportohet për shumë trupa të shtrirë në shesh të gjakosur, ndërsa policia dhe ambulanca të shumta po transportojnë të lënduarit drejt spitaleve, transmeton TCH.

Shpërthime në Boston, tre të vdekur e shumë të lënduar (Foto dhe video) Boston1(1)

Shpërthime në Boston, tre të vdekur e shumë të lënduar (Foto dhe video) Boston1(1)

Shpërthimet ndodhen në një hark kohor brenda pak sekondash në distancë nga njëri-tjetri.

Dëshmitarë, të cituar nga BBC dhe CNN, thonë se shpërthimet ndodhen brenda hotelit “Firamont”, para ndërtesës së të cilit dhjetëra shikues ishin grumbulluar për të ndjekur parakalimin e atletëve pjesëmarrës në maratonë.

"Kam parë dy shpërthime. I pari ka ndodhur afër cakut të vrapimit, është dëgjuar një shpërthim i fuqishëm, kurse më pastaj ka dalë një tym i zi. Kemi filluar të ikim”, ka thënë një dëshmitare nga vendi I ngjarjes.

Lidhur me shpërthimet menjëherë është informuar presidenti i SHBA-së Barack Obama dhe zëvendëspresidenti Joe Biden.

Nga Shtëpia e Bardhë kanë bërë të ditur se presidenti Obama ka urdhëruar që të lënduarve t’u jepet ndihma e nevojshme mjekësore dhe të angazhohen forca shtesë që vendi i goditur nga shpërthimet sa më parë të sanohet.

Policia dhe shpëtimtarët janë në teren dhe po hetojnë se si ndodhi shpërthimi dhe kush mund të jenë shkaktarët.

Nuk dihet se çfarë ka shkaktuar shpërthimin apo nëse bëhet fjalë për një sulm terrorist. Për të sqaruar këtë priten njoftime nga autoritetet. /Telegrafi/

nga **NothingElseMatters** Tue Apr 16, 2013 2:26 pm

E tmerrshme kjo qe ka ndodhur!

Ju prehte shpirti ne paqe! :(

nga **Ylli** Tue Apr 16, 2013 2:47 pm

Tmerri nuk po ndalon, kahdo qe rrotullohesh tmerre shikon!

nga Ospite Tue Apr 16, 2013 2:48 pm

aman ju shkruani per nej shperthim ce vdiqen 5 veta e u plagosen disa te tjeter...pse askush nuk flet per ate ce ndoll ne siria...?ku ka me qindra te vdekur ne dite..

nga **Ylli** Thu Apr 18, 2013 7:13 am

Pesë rrëfimet fiktive rreth Maratonës së Bostonit

Shpërthime në Boston, tre të vdekur e shumë të lënduar (Foto dhe video) F.0417162040667_m

Në kaosin e krijuar pas shpërthimit në Boston, kanë dalë në sipërfaqe shumë tregime rreth viktimave. Shumë prej tyre dolën të jenë gënjeshtra.
1. Fotografia e personit që gjunjëzohet pranë një vajze e “përshkoi” shpejtë botën. Pas saj doli një rrëfim që ta “copëton” zemrën e që doli krejtësisht e rreme. “Një burrë në një këmishë të kuqe planifikoi të propozonte për fejesë të dashurën e tij pasi ajo të kalonte cakun në Maratonën e Bostonit, por ajo vdiq. Shumë prej nesh kurrë nuk do të përjetojë një dhimbje të tillë”, u tha për fotografinë që u shpërnda në rrjetet sociale. Kjo fotografi nuk ishte e rreme, por në përshkrimin origjina thuhet: “Burri ngushëllon gruan e lënduar", shkruan CNN.

2. Edhe një tjetër foto u bë virale pas eksplodimit. Në të ishte një vajzë që merr pjesë në një garë. Në rrjetet sociale shpejt me atë fotografi u shfaqën mesazhet “RIP little girl who got killed in the explosion today” (u prehtë në paqe vajza e vogël që vdiq në eksplodimin e sotshëm). Më fund doli se ajo fotografi përdoret për arsye të rreme dhe se ajo vajzë nuk ka marrë fare pjesë në Maratonën e Bostonit. Dramën më të madhe e kanë krijuar përdoruesit e rrjeteve sociale që kanë shkruar se vajza ka vrapuar për të nderuar viktimat e masakrës në Newtown.

3. Tani për tani, një person i panjohur ka hapur një llogari në Twitter nën emrin BostonMarathon ku ai njoftonte se për çdo ri-tweet të tweeteve të tij organizatori do të paguajë një dollarë për viktimat e eksplodimit. Të gjitha pohimet dolën të rrejshme dhe Twitter e mbylli atë profil.

4. Pas dy shpërthimeve në Boston, u përhap lajmi se pushteti ka ndërprerë të gjitha kanalet e telekomunikimit dhe se ka “shembur” rrjetat celulare për të ndërprerë sulmuesit që me telefon mobil të aktivizojnë bomba të reja. Më vonë u kuptua se kjo nuk ishte e vërtetë dhe se për shkak të ngarkesës rrjetet ishin më të ngadalshme e ndonjëherë të bllokuara, por jo të shuara tërësisht.

5. Pas shpërthimi u përhapën shumë teori konspirative: nga ato që fajësojnë kriminelët më kërkuar të botës për të cilët nuk besohet se kanë vdekur, e deri te bartja e fajësisë tek Shtëpia e Bardhë dhe Ushtria amerikane. Një gjë është e sigurt: është shumë herët për të folur për fajtorët, sidomos për shkak të mungesës së të dyshuarve. /Telegrafi/

nga **Ylli** Thu Apr 18, 2013 7:14 am

SHKODRA-CHANNEL shkruajti:aman ju shkruani per nej shperthim ce vdiqen 5 veta e u plagosen disa te tjeter...pse askush nuk flet per ate ce ndoll ne siria...?ku ka me qindra te vdekur ne dite..

Sepse ne Siri ka lufte dhe ne lufte edhe do vriten njerez, kurse ne po flasim ketu per akte terroriste ne ambient paqesore.