Berisha ka 85 mijë fansa serbë në Facebook ?

Kreu i Aleancës Kuq e Zi, nga qyteti i Gramshit ka akuzuar kryeministrin se në faqen e tij të rrjetit social Facebook, ka mijëra shtetas serbë, të cilët e kanë pëlqyer këtë faqe. Kreshnik Spahiu ka publikuar statistikat e mbështetësve të shtetasit Berisha në faqen e tij në Facebook.

“85,441 mbështetës nga Serbia për shtetasin Berisha në rrjetin e tij në ‘Facebook’. Ata që pëlqejnë Sali Berishën nga Serbia janë shtatë herë më shumë sesa shqiptarët nga Kosova. Ky njeri, që simbolizon vetëm akte tradhtare, duhet të sqarojë publikisht mbështetjen nga afro 100 mijë simpatizantët serbë. Lidhjet e Berishës me Serbinë edhe në rrjete sociale mendoni se çfarë bëhet në aferat e tij korruptive në tetë vite qeverisje”, deklaroi Kreshik Spahiu, transmeton Shekulli.

Më tej, lideri i kuqezinjve u ndal tek vendimi i Gjykatës Kushtetuese ndaj padisë së ngritur nga një lëvizje radikale për të mbyllur lëvizjen politiko-patriotike Aleanca Kuq e Zi.

“Gjykata Kushtetuese tregoi se nuk është në shërbim të shtetasit Berisha, por është gjykatë e Shqipërisë dhe shqiptarëve. Shtetasi Berisha po përdorë çdo metodë shoviniste për bllokimin e Aleancës”