4 këshilla për ta bërë për vete atë të duhurin

Të gjitha jemi në kërkim të atij ‘të duhurit’, atij që është i përsosur për ne, shpirtit tonë binjak. Ja disa këshilla si ta arrini një gjë të tillë





Personaliteti

Është shumë e thjeshtë, meshkujve u pëlqen të kalojnë kohën me dikë që mund t’i bëjë të qeshin. Askush nuk dëshiron të jetë me një person të bezdisshëm. Mund të jeni më e bukura nga të gjitha, por nëse nuk keni personalitet, asgjë nuk do të ketë rëndësi.



Kujdesuni për veten!

Mund të jeni mesatarisht e bukur, por nëse hyni në një vend apo lokal, me vetëbesim, do të dukeni më mirë se ajo më e bukura aty. Megjithatë, duhet të kujdeseni për veten, duke bërë ushtrime, konsumuar ujë dhe duke u kujdesur për pastërtinë.



Bëhuni e pavarur!

Të gjithë e njohim atë vajzë që është gjithmonë duke e thirrur apo duke komunikuar me të dashurin e saj. Nuk ka asgjë më të keqe se një vajzë e ‘ngjitur’, e cila nuk di të merret me jetën e saj. Bëhuni e pavarur. Planifikoni dalje me miket tuaja dhe filloni një hobi të ri. Bëjeni të vërejë mungesën tuaj.

Mençuria

Nuk po them se duhet të jeni një Stiv Xhobs i ardhshëm, por meshkujve u pëlqejnë femrat inteligjente. Ju duhet të mundoheni të tregoni anën tuaj intelektuale, jo duke u munduar shumë, por thjesht duke e pyetur nëse ka dëgjuar për disa fakte interesante.