Seri A kampionati italian

Ançeloti rrëfen: Te Roma, pas Spaletit


Tekniku kuqezi ka pohuar dëshirën e tij, për të stërvitur verdhekuqtë
“E di që do të them diçka që do të shkaktojë një kaos të madh: Spaleti të fitojë Championsion dhe më pas të largohet.”

Me këto fjalë, të lëshuara në shtypin italian, tekniku i Milanit, Karlo Ançeloti, ka hedhur kandidaturën për stolin e Romës, një skuadër me të cilën Ançeloti është shumë i lidhur.

“Këtë vit finalja është në Olimpiko, - ka kujtuar Ançeloti. - Uroj që Roma të mund të marrë një lloj hakamrrjeje, pas finales së humbur më 1984-n.”

Ato penallti të mallkuara kundër Liverpulit, mesa duket, nuk janë harruar akoma, nga tifozët verdhekuq dhe nga vetë Ançeloti, që në kryeqytetin italian ka kaluar 8 vite të paharrueshme.

“Në futboll përsëritja e historisë është diçka që ndodh shpesh; e përsëris urimin që bëra, me rastin e festës për 80-vjetorin e Romës ose, më saktë, që skuadra verdhekuqe të mund të hakmerret majin e ardhshëm.”

Më pas, Ançeloti flet edhe për Milanin dhe lojtarët e tij. Pirlo, Sedorf, Ronaldinjo, Kakà dhe Pato. Mund të luajnë të gjithë bashkë? “Ata të pestë plus Bekhami. Do të ketë disa ndeshje ku do të luajmë me maksimumin e cilësisë.

Nga ana estetike, jemi më të mirët, spketakli është filozofi. Çfarë dua nga 2009-a? Të fitoj! Kanë kaluar 12 muaj nga suksesi i fundit dhe uria ka filluar të ndihet.” Më pas, vjen një koment edhe mbi merkaton e ardhshme.

“Po vuajmë shumë mungesën e Nestës, është ajo që na shqetëson shumë, - ka thënë Ançeloti, duke konfirmuar fjalët e Galianit, - por do të vazhdojmë përpara kështu.

Kanavaro? Eshtë i shkëlqyer, por shpejt do të kemi në dispozicion Tiago Silvën dhe do të rikuperojmë Senderosin dhe Bonerën. Rikthimi i Gatuzos? Rino ka qenë i aftë të përshpejtojë kohët, por do t’i duhen disa muaj,” - ka përfunduar Ançeloti.

Beckham ne shenjestren e Al Qaeda

Do te merren masa shume te rrepta sigurie per fillimin e aventures se David Beckham te Milani. Sipas asaj qe bente te ditur ‘Daily Star’, mesfushori i ri i kuqezinjve, i cili do t’i bashkohet skuadres me rastin e grumbullimit ne Dubai, mund te jete objektivi i nje sulmi terrorist nga ana e Al Qaeda, sulm i cili sipas nje burimi anonim te MI6, sherbimi sekret britanik, mund te ndodhe “ne cdo moment”.

Totti dhe Ilary, pushime ne Kenia

Si zakonisht edhe sivjet nuk mungoi parada e vipave ne Malindi, vendin elegant dhe turistik ne brigjet e Kenias, qe tashme thuajse eshte kthyer ne nje koloni italian. Sivjet atje ka shkuar edhe Francesco Totti me gruan Ilary Blasi dhe femijet Chanel dhe Christian. Me pas nuk kishte si te mungonte Flavio Briatore, i cili ka disa prona te rendesishme ne Malindi, me bashkeshorten Elisabetta Gregoraci dhe disa miq, mes se cileve Emilio Fede. Totti qendron ne nje hotel ekskluziv ne Chale Island, ne jug te Mombasa. Atje ndodhet edhe Giancarlo Fisichella.

Roma, gati rinovimi per Aquilani


Zgjatja e kontrates per Alberto Aquilani (i perfundon me 2010-n) eshte vetem nje ceshtje kohe: nje gje te tille e ka thene Rosella Sensi. Per mikrofonet e “Radio Radio”, presidentja e Romes ka konfirmuar deshiren per ta zgjatur bashkepunimin me mesfushorin: “Puna qe po bejme prej shume vitesh synon mbajtjen e talenteve te organikes, aq me teper kur behet fjale per kampione si Alberto’. Ne fillimin e 2009-s do te kete nje tjeter takim: Roma ka nder mend te ofroje 2 milione euro ne sezon.

Spaleti, pro Ançelotit tek Roma
Luçiano Spaleti do të rikthehet në Itali menjëherë pas festave të fundvitit. E ndërsa ai ndodhet jashtë me familjen për të kaluar pushimet, emri i tij është përmendur nga Karlo Ançeloti, trajneri i Milanit, i cili është shprehur se ka dëshirë ta zëvendësojë Spaletin dhe të marrë drejtimin e Romës. Tekniku i Romës, të cilit i skadon kontrata në vitin 2011, e ka kuptuar thelbin e fjalëve të Ançelotit: “Më bëhet qejfi që Ançeloti kërkon të stërvitë Romën, sepse është një trajner shumë i mirë dhe Roma do të ishte në duar të sigurta. Me të në bankinë, skuadra do të kishte një të ardhme të sigurt, sepse ai është një trajner i nivelit të lartë”.

Avokati i Moxhit premton luftë ligjore
Sipas Pako D’Onofrios, përfaqësuesi i ish-drejtorit të përgjithshëm të Juventusit, Luçiano Moxhi, i akuzuari kryesor për çështjen e famshme “Calciopoli”, në bankën e të akuzuarve nuk mund të jetë vetëm skuadra bardhezi dhe ish-drejtori i përgjithshëm i saj. “Do të tregojmë emrat e atyre që u telefononin arbitrave dhe përgjegjësve të tyre, –deklaroi avokati gjatë emisionit ‘Confessioni di Calcio’. – Ato telefonata janë fakte materiale, që i kemi në dispozicion nga Prokuroria e Napolit, por procesi ‘Calciopoli’ është zhvilluar gjatë njëzet ditëve, pa pasur mundësi që të merreshin parasysh të gjitha provat e mundshme”.

Galliani: Cannavaro nuk do te vije te Milani

“Cannavaro nuk do te vije. Ai eshte i Realit dhe sigurisht nuk mund te vije te Milani ne janar.” Keshtu eshte shprehur administratori i deleguar i kuqezinjve Galliani, i cili i ka pergenjeshtruar zerat lidhur me afrimin e kapitenit te Italise te kuqezinjte e Milanos. Por mbetet nevoja per nje mbrojtes, sepse Thiago Silva do te mund te aktivizohet vetem ne korrik: “Te shohim nese do te gjejme ndonje lojtar qe te mund te luaj si mbrojtes i majte, por edhe si qendermbrojtes.” Po Nesta? “Do ta mesojme shpejt nese do te mund te vazhdoje te luaje ne nivele te larta.”