Bëhet publike letra e Kamishit

Letra të cilën deputeti i PDK-ës, Bekim Haxhiu, ia ka dërguar Florin Krasniqit, kryetarit të Komisionit për Mbikëqyrjen e Agjencisë së Kosovës për Inteligjencë, tashmë është bërë publike. Në konferencën e mëparshme për shtyp, Haxhiu - i njohur ndryshe si Kamishi - ka thënë se “i mbetet Florin Krasniqit, nëse dëshiron, t’i publikoj të gjitha faktet për takimet dhe korrespodencat e Kurtit me strukturat serbe. Faktet tjera bashkë me dëshmitarët jam i gatshëm t’i paraqes në gjykatë apo Agjencinë e Kosovës për Intelegjencë”. Më poshtë do t’i botojmë pjesët e tri pikave të letrës së tij.

“Albin Kurti, në muajin janar 2004 ka mbajtur takim me struktura kriminale të Sërbisë. Takimi është mbajtur në fshatin Binxhë, Komuna e Klinës, në shtëpinë e Familjes Donqiq (Boba e Golub Donqiq) të dy pjesëtarë të strukturave kriminale të Serbisë. Boban Donqiq, kapiten i ushtrisë së Serbisë ndërsa Golub Donqiq, pjesëtar i Sigurimit Shtetëror të Serbisë (BIA). Policia e Kosovës i kishte ndaluar ata në makinën Golf në të cilën ndodheshin: Dardan Velija e Golub Donqiq ulur përpara, ndërsa Jellena Bjellica, Vlora Bajqinovc dhe Albin Kurti ulur prapa, Albin Kurti ishte i mbuluar me qebe. Takimi është mbajtur në shtëpinë e vëllezërve Donqiq, ku ishte prezent edhe Misha Villotiq person në hierarki të lartë në sigurimin shtetëror serb (BIA), në takim ishte edhe Boban Donqiq kapiten i ushtrisë serbe. Alibin Kurti duhet të sqaroi qëllimin e këtij takimi”, thuhet në letrën e Haxhiut.



“Duke pasur parasysh se në opinionin publik është tentuar të manipulohet me faktin e përmenjës së një afere intime të Albin Kurtit me një femër serbe, edhe pse unë kam dyshime se kjo femër serbe pikërisht ka qenë një ish pjestare e Sigurimit Shtetrorë Serbë (BIA), unë do të përmbahem nga përmendja e emrit. Nëse shkoim në gjykatë do ta jap emrin e saj”, vazhdon pika 2 e letrës.

“Si deputet i parlamenti të Kosovës dhe anëtar i komisionit për Mbikqyrje të AKI-së, përmes postës sime kam marrë një kërkesë për takim me një përson i cili më ka njoftuar se derisa ai po udhëtonte me autobusin Beograd-Prishtinë me datë 28.09.2011, ka parë të jetë dërguar një zarf Albin Kurtit nga një person – femër, të cilën dëshmitari e njef shumë mirë dhe ajo është Lidija Sokoloviq, vajza e Zoran Sokoloviqit, ish ministër në kohën e Millosheviqit. Sipas dëshmitarit zarfi i dërguar nga Beogradi në Prishtinë është pranuar nga Dardan Molliqaj dhe dy persona të tjerë të cilët kanë qëndruar në veture para hyrjes në stacion të autobusëve në Prishtinë”. /Telegrafi/