Kur behesh i mvarur nga Interneti, humbet kontaktin me boten reale!

nga **Tironcja_omel** Tue Jan 04, 2011 3:25 pm

Shumë "përdorues" të rinj as që mund ta kuptojnë më jetën "offline". Ata tashmë e kanë si ves navigimin. Gati 3% e të rinjve nga mosha 12 deri në 18 vjeç në mbarë Evropën konsiderohen se vuajnë nga vesi i internetit.

Të qëndruarit online ende nuk është pranuar si një simptomë e dëmshme për shëndetin psikik-Ka forma të veseve, që kanë "fituar" një status zyrtar si p.sh. alkooli, droga apo lojërat e fatit. Këto forma të vesit janë të përshkruara mirë dhe simptomat e tij si sëmundje janë klasifikuar në katalogët ndërkombëtar. Ndryshe qëndron puna me lojërat kompjuterike apo vesin e internetit, sqaron Kai Müller, psikolog pranë ambulancës për vesin e lojërave në Universitetin e Maincit: „Vesi i të qëndruarit online ende nuk është pranuar si një simptomë e dëmshme për shëndetin psikik. Organizata Botërore e Shëndetësisë (OBSH) publikon direktivat, se çfarë konsiderohet si dëmtim psikik, që duhet trajtuar dhe çfarë jo, kjo organizatë nxjerr katalogët përkatës. Në këto katalogë të OBSH-së varësia nga online ende nuk është klasifikuar si tipar i mëvetësishëm që dëmton shëndetin psikik.“

Të rinjtë humbasin rrjetin real social dhe kontaktin me botën reale-Por kjo kurrsesi nuk do të thotë, që nuk ekziston vesi i lojërave kompjuterike. I sëmuri nga vesi është i fiksuar vetëm tek marrja e "drogës", por në rastin e kompjuterit s' kemi të bëjmë me substanca kimike, por me ofertat online në formën e lojërave, njofton ‘DW’. Edhe një i prekur nga ky ves i njeh simptomat e mungesës së "drogës", pra në qoftë se ai nuk mund të luajë, normalisht bëhet agresiv ose depresiv, thotë Alexander Axmann, psikolog pranë klinikës së veseve në St. Marientift në Neuenkirchen: „Kësaj i shtohet edhe rënia e rendimentit si dhe tendencat e tërheqjes nga shoqëria, sepse sfera e jetesës së personit të prekur nga ky ves kufizohet vetëm tek lojërat kompjuterike. Këto janë karakteristika që shfaq vesi i lojërave kompjuterike. “Të rinjtë e prekur nga ky ves e kalojnë të gjithë kohën e lirë të tyre, më shumë se dhjetë orë në ditë në internet. Si rrjedhojë ata humbasin rrjetin real social dhe kontaktin me botën reale. Megjithatë ky ves deri më tani është studiuar shumë pak dhe në nivel ndërkombëtar nuk njihet si sëmundje. E ngarkuara e qeverisë gjermane për problemin e drogës, Sabine Bätzing, lidhur me këtë problem global të premten e kaluar organizoi një takim ekspertësh me temën " Interneti dhe lojërat kompjuterike - Kur fillon vesi?“. Ekspertë nga Koreja e Jugut, Kina dhe SHBA të ftuar në panele të ndryshme konsultohen lidhur me masat parandaluese të kësaj dukurie tek të rinjtë dhe fëmijët. /bota sot

nga Mona Tue Jan 04, 2011 4:51 pm

Ndoshta është e vërtetë që e qëndruara shum në internet, të largon nga realiteti, por kam vën re më këndshëm e kaloj me shoqërin virtuale se me atë reale, (mos keqkuptoheni e kaloj bukur dhe me miqt real)
Humori dhe batutat që shkruaj apo lexoj në shoqërin virtuale jan vërtet shum të këndshme, jo shum batuta mund të përdor në realitet

më kujtohet një rast kur po tregonin për një grua të martuar që e kishin përdhunuar dy përsona që kishin hyr natën në shtëpin e saj për të vjedhur, dhe me kët rast kishin kryer edhe aktin e përdhunimit,,, shoqia ime kur e dëgjoi historin, me qetsi tha Sa me fat jan ca ,,,,
un qesha normal e kuptova që e kishte me shaka, por ca koh më von mora vesh që ishte përgojuar shum për atë përgjigje , , , shoqëria reale është shum paragjykuese

nga **Morena** Tue Jan 18, 2011 1:07 pm

Nese virtualiteti nuk do te ishte me i fuqishem se realiteti, njerezit
nuk do te shpenzonin aq kohe ne Internet sa shpenzojne. Realiteti
perfshihet ne virtualitet dhe jo anasjelltas. Ajo qe gjithesecili nga ne
quan "realitet" kufizohet ne hapesire dhe kohe dhe nese nuk e keni vene
re, virtualiteti mposht nje limit te njerezimit: hapesiren.Jeta virtuale eshte ajo qe krijojme paralelisht asaj reale,per te
realizuar endrrat.Jeta virtuale anullon ate qe realisht nuk pranojm ne
personin tone.
Problemi ose e bukura e virtualitetit eshte qe ajo nuk ka kufi,nuk njeh limit,nuk ka nje menyre per ta ndaluar.
Me ne fund jemi ajo qe kemi deshiruar,pa probleme e halle qe te ziejne
koken.Gjithcka zhduket,cdo problem zgjidhet sepse qenia virtuale ka
fituar mbi ate reale.Pak rendesi ka qe kur fiket pc jeta reale do
sulmoje qetesine e fituar,sepse neser fillon perseri e keshtu me rradhe.
Bota eshet zvogeluar fale virtualitetit por eshet nje bote fallso e
meskine sepse te largon mizorisht nga vuajtjet ditore te njeriut.
Dhe eshte ne keto vuajtje qe njeriu gjen dimensionin dhe lumturine.