Berisha: Aleancës punisto-mafioze, do t’i shkulim dhëmbët

nga Barbi Fri Nov 27, 2009 10:05 am

Kryeministri Berisha ashpërson tonet ndaj opozitës: “Rama le të merret me ultimatume sa të dojë”
TIRANË – Hapja ose jo e kutive të votimit, nuk është më çështja kryesore e kryeministrit Sali Berisha. Pas deklaratës për organizimin e një feste, më 8 Dhjetor, tre ditë pas protestës së paralajmëruar të opozitës, Kryeministri Berisha ka ashpërsuar tonet ndaj opozitës, pas një mbledhje krejtësisht formale të zhvilluar dje me deputetët e Partisë Demokratike në selinë blu.
Në një deklarim për mediat, menjëherë pas takimit të zhvilluar me deputetët, Kryeministri Berisha injoroi ultimatumet e vendosura nga opozita, duke përdorur një gjuhë të ashpër, sipas të cilit, ligji do të veprojë mbi këtë aleancë mafioze-puniste, siç e cilësoi ai. Berisha nuk hezitoi të përmendë në fjalorin e tij edhe darët e “ligjit” për shkuljen e dhëmbëve mafias.
“Aleanca puniste-mafioze, të cilës i gënjen mendja se do të mund të dhunojë rendin demokratik, legjitimitetin e institucioneve kushtetuese të vendit, le të merret me mbledhje dhe ultimatume sa të dojë. Atë çka unë i garantoj aleancës punisto-mafioze është se me darët e ligjit një nga një do t’u shkulim dhëmbët dhe pastaj dhëmballët.
Nuk do t’u mbetet gjë në gojë. Qendra e Tiranës u çlirua, po vazhdon pak më tutje e kështu me radhë. Ultimatumet e aleancës punisto-mafioze i marr si nder, më bëjnë nder mua, rendit kushtetues dhe ne do të vazhdojmë projektin tonë evropian”, – tha dje Berisha.
Kryeministri Berisha mori përsipër të sqarojë se mitingu i 8 Dhjetorit, nuk do të jetë antimiting, por festa e gjithë shqiptarëve në 20-vjetorin e rrëzimit të regjimit komunist në Shqipëri.
Berisha adresoi akuza edhe ndaj medieve, duke shtuar se qëllimi i tij nuk ishte zhvillimi i një antimitingu, edhe pse për çudinë e madhe, ky propozim i Berishës vjen vetëm pas ultimatumit 10-ditor të vendosur nga opozita. “Ky përvjetor gjen në pushtet ata që përmbysën diktaturën dhe shembën “Murin e Berlinit”.
Nuk mund ta lë pa theksuar se ata të cilët në vitin ‘90 na quajtën antimiting apo mitingashë, në refleksin e etërve që u përmbysën në ‘90, kanë hapur gazetat e tyre me germa kapitale dhe vlerësuan 8 dhjetorin si një antimiting. 8 dhjetori është festa e të gjithë shqiptarëve dhe e idealeve evropiane të shqiptarëve”, – u shpreh Berisha.
Në të njëjtën kohë, mazhoranca nuk e cilëson të nevojshme edhe ndërhyrjen e Presidentit të Republikës, Bamir Topi. Ky i fundit, dy ditë më parë deklaroi se ishte i gatshëm të negocionte për zgjidhjen e krizës politike në vend, porse kjo varej nga vullneti i partive politike.
Ndryshe nga gatishmëria e opozitës për t’ju bashkuar rolit që mund të luajë kreu i shtetit, mazhoranca deri më tani ka injoruar të japë një qëndrim. Këtë bëri dje edhe kryeministri Berisha, teksa u pyet nga gazetarët, nëse ishte e nevojshme ndërhyrja e Presidentit të Republikës. Berisha nuk u përgjigj, duke shprehur haptazi edhe shenja bezdisjeje ndaj medias lidhur me pyetjen në fjalë.
Prefekti Kruja, në vend të Nishanit
TIRANË – Prefekti i Tiranës, Keltis Kruja, emërohet në postin e sekretarit të Përgjithshëm në Partinë Demokratike, për qarkun e Tiranës. Ky vendim u mor dje në mbledhjen e deputetëve demokratë në selinë blu, e kryesuar nga lideri i saj, Sali Berisha.
Keltis Kruja, i cili aktualisht zotëron postin e prefektit të Tiranës, mori dje pozicionin e sekretarit të Përgjithshëm në PD për qarkun e Tiranës, post i cili më parë mbahej nga Bujar Nishani, aktualisht ministër i Drejtësisë.
Duket se hapja e debatit për ndarjen e posteve ministrore nga ato partiake, ka sjellë zëvendësimin e ministrit Nishani me prefektin Kruja. Sipas burimeve nga selia blu, ky vendim vjen në prag të Kongresit të Partisë Demokratike, i cili duket se do të çojë më tej ndarjen e posteve ministrore nga ato partiake.( 25 November 2009 Shekulli)

Berisha: Aleancës punisto-mafioze, do t’i shkulim dhëmbët 5042d1259177037-berisha-aleances-punisto-mafioze-do-t-i-shkulim-dhembet-berisha

Thursday	+14°	+7°
Friday	+12°	+6°
Saturday	+13°	+4°
Sunday	+11°	+1°
Monday	+11°	+1°
Tuesday	+12°	+5°

Berisha: Aleancës punisto-mafioze, do t’i shkulim dhëmbët

Berisha: Aleancës punisto-mafioze, do t’i shkulim dhëmbët

MENU

SHTYPI I DITES

REVISTA

FAQET PARTNER